AKP ភ្នំពេញ ថ្ងៃទី០៣ ខែឧសភា ឆ្នាំ២០២៦---

ឯកងគ្គរាជទូតកម្ពុជាប្រចាំនៅសាធារណរដ្ឋកូរ៉េបានសម្តែងការពេញចិត្តចំពោះលទ្ធផ្លែផ្កានៃជំនួបរវាងថ្នាក់ដឹកនាំជាន់ខ្ពស់នៃអគ្គស្នងការនគរបាលជាតិកម្ពុជា​ និងទីភ្នាក់ងារនគរបាលជាតិសាធារណរដ្ឋ​កូរ៉េ​។

ឯកឧត្តម​ ឃួន​ ផុនរតនៈ​ ឯកអគ្គរាជទូត​កម្ពុជាប្រចាំសាធារណរដ្ឋកូរ៉េបានបញ្ជាក់យ៉ាងដូច្នេះថា៖"ខ្ញុំសូមសម្តែង នូវការពេញចិត្តចំពោះលទ្ធផលដ៏ផ្លែផ្កានៃជំនួបរវាងថ្នាក់ដឹកនាំជាន់ខ្ពស់នៃអគ្គ ស្នងការនគរបាលជាតិកម្ពុជា​ និងទីភ្នាក់ងារនគរបាលជាតិសាធារណរដ្ឋ​កូរ៉េ "។

កាលពីថ្ងៃទី៣០ ខែមេសា ឆ្នាំ២០២៦ ឯកឧត្តម​ ឃួន​ ផុនរតនៈ​ ឯកអគ្គរាជទូត​កម្ពុជាប្រចាំសាធារណរដ្ឋកូរ៉េ​ និងលោក តូច ធារ៉ាត់ លេខាធិការទី១ បានអញ្ជើញជូនដំណេីរគណៈប្រតិភូជាន់ខ្ពស់ចំនួន ០៩រូប នៃអគ្គស្នងការដ្ឋាននគរបាលជាតិ ក្រសួងមហាផ្ទៃ នៃព្រះរាជា ណាចក្រកម្ពុជា ដឹកនាំដោយ​ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ បន្ទាប់ពីបញ្ចប់ដំណើរទស្សនកិច្ចការងាររយៈពេល ៤ថ្ងៃ ពីថ្ងៃទី២៧ ដល់ថ្ងៃទី៣០ ខែមេសា ឆ្នាំ២០២៦ នៅសាធារណរដ្ឋកូរ៉េ ៕

ដោយ៖ ប៊ុនរិទ្ធ