AKP ភ្នំពេញ ថ្ងៃទី១៤ ខែកក្កដា ឆ្នាំ២០២៥--

រដ្ឋសភាកម្ពុជា នឹងធ្វើជាម្ចាស់ផ្ទះរៀបចំកិច្ចប្រជុំក្រុមអ្នកនយោបាយអាយប៉ាលើកទី១៦ (The 16th AIPA Caucus Meeting) ក្រោមមូលបទ «សន្តិភាពតាមរយៈការសន្ទនា៖ មាគ៌ាឆ្ពោះទៅមុខរបស់សភា»ចាប់ពីថ្ងៃទី១៤ដល់១៧ ខែកក្កដា ឆ្នាំ២០២៥។

យោងតាមសេចក្តីជូនដំណឹងរបស់អគ្គលេខាធិការដ្ឋានរដ្ឋសភា នៅថ្ងៃទី១៤ កក្កដា ឆ្នាំ២០២៥បានឲ្យដឹងថា សភាកម្ពុជា នឹងធ្វើជាម្ចាស់ផ្ទះរៀបចំកិច្ចប្រជុំក្រុមអ្នកនយោបាយអោយប៉ាលើកទី១៦ (The 16th AIPA Caucus Meeting) ក្រោមមូលបទ «សន្តិភាពតាមរយៈការសន្ទនា៖ មាគ៌ាឆ្ពោះទៅមុខរបស់សភា» Peace through dialogue: The Parliamentary Path Forward) ចាប់ពីថ្ងៃទី១៤ ដល់ថ្ងៃទី១៧ ខែកក្កដា ឆ្នាំ២០២៥ នៅវិមានរដ្ឋសភា។

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នឹងអញ្ជើញ ជាអធិបតីដ៏ខ្ពង់ខ្ពស់ ថ្លែងសុន្ទរកថាបើកកិច្ចប្រជុំក្រុមអ្នកនយោបាយអោយប៉ា លើកទី១៦ ជាផ្លូវការ នៅព្រឹក ថ្ងៃទី១៥ ខែកក្កដា ឆ្នាំ២០២៥។ នៅក្នុងពិធីបើកកិច្ចប្រជុំក្រុមអ្នកនយោបាយអោយប៉ា លើកទី១៦ នេះដែរ ក៏មាន ការអញ្ជើញចូលរួមពីថ្នាក់ដឹកនាំជាន់ខ្ពស់ សមាជិក សមាជិកា ព្រឹទ្ធសភា រដ្ឋសភា គណៈប្រតិភូប្រទេសសមាជិក អាយប៉ា ព្រមទាំងវត្តមានគណៈប្រតិភូសភានៃប្រទេសសង្កេតការណ៍អាយប៉ា ភ្ញៀវរបស់ម្ចាស់ផ្ទះ និងអង្គការ ដៃគូអភិវឌ្ឍន៍មួយចំនួនផងដែរ។

នៅក្នុងអំឡុងពេលដំណើរការនៃកិច្ចប្រជុំក្រុមអ្នកនយោបាយអោយប៉ាលើកទី១៦នេះ មានកម្មវិធី និងកិច្ច ប្រជុំពាក់ព័ន្ធមួយចំនួនរួមមាន៖
១-ជំនួបសវនាការរបស់ សម្តេចមហារដ្ឋសភាធិការធិបតី យួន សុដារី ប្រធានរដ្ឋសភា ជាមួយប្រធានគណៈ-ប្រតិភូអោយប៉ា និងប្រធានគណៈប្រតិភូសភាសង្កេតការណ៍ និងភ្ញៀវរបស់ម្ចាស់ផ្ទះ។
២-សម័យប្រជុំពេញអង្គលើកទី១ ដឹកនាំដោយ ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១រដ្ឋសភា និងជាប្រធានក្រុមរដ្ឋសភាកម្ពុជានៃអន្តរសភាអាស៊ាន (AIPA) លើរបៀបវារៈចំនួន៤រួមមាន៖
-របាយការណ៍របស់សភាសមាជិកអាយប៉ា និងអគ្គលេខាធិការអោយប៉ា ស្តីពីការអនុវត្តសេចក្តីសម្រេច អាយប៉ា ដែលបានអនុម័តកាលពីមហាសន្និបាតអន្តរសភាអាស៊ានលើកទី៤៥។
-កិច្ចសន្ទនាសភាវគ្គទី១៖ ការពង្រឹងសកម្មភាពរបស់សភា ដើម្បីសន្តិភាពប្រកបដោយបរិយាបន្ន។
-កិច្ចសន្ទនាសភាវគ្គទី២៖ ការដោះស្រាយបញ្ហាប្រឈម និងហានិភ័យនាពេលបច្ចុប្បន្ន តាមរយៈកិច្ច សហប្រតិបត្តិការសភា។
-កិច្ចសន្ទនាសភាវគ្គទី៣៖ការពង្រឹងការរួមចំណែករបស់សភាទៅកាន់សន្តិភាព និងសន្តិសុខក្នុងតំបន់ និងសកលលោក។
៣ -កិច្ចសន្ទនាលើការកសាងភាពជាដៃគូអោយប៉ា។
៤-សម័យប្រជុំពេញអង្គលើកទី២ ដឹកនាំដោយឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១រដ្ឋសភា និងជាប្រធានក្រុមរដ្ឋសភាកម្ពុជានៃអន្តរសភាអាស៊ាន (AIPA)លើរបៀបវារៈចំនួន៣រួមមាន៖
-របាយការណ៍សង្ខេបដោយលោកជំទាវអគ្គលេខាធិការអាយប៉ា។
-កិច្ចពិភាក្សាលើរបាយការណ៍ព្រាង កិច្ចប្រជុំក្រុមអ្នកនយោបាយអោយប៉ាលើកទី១៦។
-ការពិចារណា និងអនុម័តលើរបាយការណ៍កិច្ចប្រជុំក្រុមអ្នកនយោបាយអោយប៉ាលើកទី១៦។
៥-ពិធីបិទកិច្ចប្រជុំ AIPA Caucus-16 មានរបៀបវារៈចំនួន៣រួមមាន៖
-សុន្ទរកថាទទួលធ្វើជាម្ចាស់ផ្ទះរៀបចំកិច្ចប្រជុំក្រុមអ្នកនយោបាយអោយប៉ាលើកទី១៧ ដោយឥណ្ឌូនេស៊ី។
-ពិធីចុះហត្ថលេខាលើរបាយការណ៍កិច្ចប្រជុំក្រុមអ្នកនយោបាយអោយប៉ាលើកទី១៦។
-សុន្ទកថាបិទកិច្ចប្រជុំ AIPA Caucus-16 ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា។
៦-កម្មវិធី AIPA Roadshow ដែលជាកម្មវិធីមួយ រៀបចំឡើងដើម្បីផ្តល់ឱកាសដល់យុវជន និស្សិត អ្នក ស្រាវជ្រាវ អ្នកច្បាប់ សហគ្រិនវ័យក្មេង បានសិក្សាស្វែងយល់កាន់តែច្បាស់អំពីអោយប៉ា និងមានឱកាសចោទជា
សំណួរទៅកាន់វាគ្មិនសំខាន់ៗ។ ជាពិសេស គឺបានផ្សារភ្ជាប់យុវជនអាស៊ាន ជាមួយអោយប៉ា ៕

ដោយ៖ ប៊ុនរិទ្ធ