AKP ភ្នំពេញ ថ្ងៃទី១៧ ខែសីហា ឆ្នាំ២០២៦--

ឯកឧត្តម សួស ប្រាថ្នា អគ្គនាយកនៃអគ្គនាយកដ្ឋានរដ្ឋបាលក្រសួងមហាផ្ទៃ ព្រឹកថ្ងៃទី១៧ ខែសីហា ឆ្នាំ២០២៦ បានដឹកនាំកិច្ចប្រជុំពិនិត្យ និងពិភាក្សាអំពីការផ្លាស់ប្តូរទិន្នន័យជាមួយថ្នាលផ្លាស់ប្តូរទិន្នន័យកម្ពុជា “ថ.ផ.ទ” (Cambodia Data Exchange “CamDX”) នាទីស្តីការក្រសួងមហាផ្ទៃ ដោយមានការចូលរួមពីតំណាងអគ្គនាយកដ្ឋានអន្តោប្រវេសន៍ អគ្គស្នងការដ្ឋាននគរបាលជាតិ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ព្រមទាំងមន្ត្រីបច្ចេកទេស សរុបប្រមាណ ៣៥រូប។

កិច្ចប្រជុំនេះរៀបចំឡើងក្នុងគោលបំណងដើម្បី៖ ១. សិក្សាស្វែងយល់អំពីប្រភេទសេវាសាធារណៈ និងទិន្នន័យរបស់បណ្តាអគ្គនាយកដ្ឋានពាក់ព័ន្ធចំណុះក្រសួងមហាផ្ទៃ។ ២. ពិនិត្យលទ្ធភាពបច្ចេកទេសក្នុងការតភ្ជាប់ និងថ្ពក់ប្រព័ន្ធឌីជីថលរបស់អគ្គនាយកដ្ឋានពាក់ព័ន្ធចំណុះក្រសួងមហាផ្ទៃចូលទៅក្នុងថ្នាលផ្លាស់ប្តូរទិន្នន័យកម្ពុជា “ថ.ផ.ទ” (Cambodia Data Exchange “CamDX”)៕

ដោយ៖ ចាន់ សុភឿន (ប្រភព៖ អគ្គនាយកដ្ឋានដ្ឋានបច្ចេកវិទ្យាឌីជីថល និងផ្សព្វផ្សាយអប់រំ)