AKP ឧត្តរមានជ័យ ថ្ងៃទី១៧ ខែមិថុនា ឆ្នាំ២០២៦--លោក ឱក សាម៉េត អភិបាលរងក្រុងសំរោង បានដឹកនាំកងកម្លាំង និងក្រុមការងារគ្រប់គ្រងប្រចាំជំរំជនភៀស សឹកវត្តបាត់ថ្កៅ ទទួលស្វាគមន៍យ៉ាងកក់ក្តៅចំពោះ ក្រុមប្រតិភូនៃព្រះសហគ មន៍កាតូលិកមកពីខេត្តបាត់ដំបង ដឹកនាំដោយ លោកបូជាចារ្យ គ្លេន ដែលបាននាំយកនូវគ្រឿងឧបភោគបរិភោគ សម្ភារៈប្រើប្រាស់ និងឱសថជាច្រើន មកចែកជូនបងប្អូនប្រជាពលរដ្ឋភៀសសឹក ស្ថិតក្នុងក្រុងសំរោង ខេត្តឧត្តរមានជ័យ កាលពីថ្ងៃអង្គារ ទី១៦ ខែមិថុនា ឆ្នាំ២០២៦ ។

លោក ឱក សាម៉េត បានថ្លែងថា ការគិតគូរពីសុខទុក្ខ ជីវភាពរស់នៅ និងការស្វែងរកការឧបត្ថម្ភគាំទ្រផ្នែកមនុស្សធម៌ដើម្បីជួយសង្គ្រោះបងប្អូនប្រជាពលរដ្ឋរងគ្រោះដោយសារវិបត្តិផ្សេងៗ ជាភារកិច្ចថ្នាក់ដឹកនាំ។

លោកអភិបាលរងក្រុង បានពាំនាំនូវសេចក្តីនឹករលឹក និងការអរគុណយ៉ាងជ្រាលជ្រៅបំផុតពីសំណាក់ លោកអភិ បាលក្រុងសំរោង ជូនចំពោះ លោកបូជាចារ្យ គ្លេន និងក្រុមការងារប្រតិភូព្រះសហគមន៍កាតូលិកទាំងអស់ ដែលបានស្តែងចេញនូវទឹកចិត្តស្រឡាញ់ សាមគ្គី ភាព និងមនុស្សធម៌យ៉ាងធំធេង ចំណា យធនធាន និងធ្វើដំណើរឆ្លងខេត្តមកជួយសម្រាលទុក្ខលំបាករបស់បងប្អូនប្រជាពលរដ្ឋក្រុងសំរោង ក្នុងគ្រាដ៏លំបាកនេះ ដែលនេះជាកាយវិការដ៏ឧត្តុង្គឧត្តម និងមិនអាចបំភ្លេចបានឡើយ ។

អំណោយមនុស្សធម៌ របស់លោកបូជាចារ្យ គ្លេន ប្រគល់ជូនដល់បងប្អូនប្រជាពលរដ្ឋរងគ្រោះទាំង២០០គ្រួសារ និងកុមារតូចៗចំនួន៧៥នាក់ ដែលក្នុងមួយគ្រួសារៗទទួលបាន អង្ករ ចំនួន២៥ គីឡូក្រាម ស្ករស ចំនួន១គីឡូក្រាម អំបិល ចំនួន១គីឡូក្រាម ប៊ីចេង ចំនួន ១កញ្ចប់ ម្រេច ចំនួន១កញ្ចប់ ប្រេងឆា ចំនួន១ដប ទឹកត្រី ចំនួន២ដប ទឹកស៊ីអ៊ីវ ចំនួន៤ដប ត្រីខកំប៉ុង ចំនួន៦កំប៉ុង និងដោយឡែក សម្រាប់ក្មួយៗកុមារទាំង៧៥នាក់ ទទួលបានកញ្ចប់ឃីត (ពិសេសរួមមាន ទឹកដោះគោ, កន្សែងពោះគោ, និងនំប៉័ង)។

ជាមួយគ្នានោះ ព្រះសហគមន៍កាតូលិកក៏បានឧបត្ថម្ភនូវ ឱសថ (ថ្នាំពេទ្យចាំបាច់) ចំនួន៤កេសធំៗ សម្រាប់ទុកប្រើប្រាស់ក្នុងការព្យាបាល និងថែទាំសុខភាពបឋមជូនបងប្អូននៅក្នុងជំរំផងដែរ ៕

ដោយ៖ ទិត ស្រ៊