AKP ភ្នំពេញ ថ្ងៃទី១៦ ខែមិថុនា ឆ្នាំ២០២៦ -- នៅក្នុងខែឧសភា ឆ្នាំ២០២៦អត្រាអតិផរណាប្រចាំខែរបស់ប្រទេសប៊ុលហ្គារី ដែលវាស់វែងដោយសន្ទស្សន៍តម្លៃទំនិញប្រើប្រាស់ (CPI) គឺ ០% ខណៈដែលអត្រាអតិផរណាប្រចាំឆ្នាំគឺ ៦,៩%។ នេះបើយោងតាមវិទ្យាស្ថានស្ថិតិជាតិ (NSI) បាននិយាយកាលពីថ្ងៃចន្ទ។ អត្រាអតិផរណាចាប់តាំងពីដើមឆ្នាំ (ខែឧសភាឆ្នាំ២០២៦ បើប្រៀបធៀបទៅនឹងខែធ្នូ ឆ្នាំ២០២៥) គឺ ៣,៨%។ អត្រាអតិផរណាជាមធ្យមប្រចាំឆ្នាំសម្រាប់រយៈពេលខែមិថុនា ឆ្នាំ២០២៥ ដល់ខែឧសភា ឆ្នាំ២០២៦ បើប្រៀបធៀបទៅនឹងរយៈពេលខែមិថុនា ឆ្នាំ២០២៤ដល់ខែឧសភា ឆ្នាំ២០២៥ គឺ ៥,០%។

យោងតាមការប៉ាន់ស្មានរហ័សរបស់វិទ្យាស្ថាន NSI បានឱ្យដឹងថា អតិផរណាប្រចាំខែក្នុងខែឧសភា ឆ្នាំ២០២៦ ត្រូវបានគេរំពឹងថានឹងឈានដល់ ០,២% ខណៈដែលអតិផរណាប្រចាំឆ្នាំត្រូវបានព្យាករថាមាន ៧,០%។

នៅក្នុងខែមេសា ឆ្នាំ២០២៦ អតិផរណាប្រចាំខែមានចំនួន ១,៨% ខណៈដែលអតិផរណាប្រចាំឆ្នាំមាន ៦,៨%។ យោងតាមការប៉ាន់ស្មានរហ័សបឋមរបស់វិទ្យាស្ថានសម្រាប់ខែនេះ អតិផរណាប្រចាំខែត្រូវបានគេរំពឹងថានឹងមាន ២,០% និងអតិផរណាប្រចាំឆ្នាំមាន ៧,១%។

អតិផរណា​ប្រមូលផ្តុំ ដែលវាស់វែងដោយ CPI សម្រាប់រយៈពេលបីឆ្នាំចុងក្រោយនេះ (ខែឧសភា ឆ្នាំ២០២៦ បើប្រៀបធៀបទៅនឹងខែឧសភាឆ្នាំ២០២៣) គឺ ១៣,៤% ខណៈដែលក្នុងរយៈពេលប្រាំឆ្នាំចុងក្រោយនេះ(ខែឧសភា ឆ្នាំ២០២៦ បើប្រៀបធៀបទៅនឹងខែឧសភា ឆ្នាំ២០២១) គឺ៤៤,៣%។

យោងតាមសន្ទស្សន៍ថ្លៃទំនិញ (CPI) តម្លៃទំនិញ និងសេវាកម្មក្នុងខែឧសភា ឆ្នាំ២០២៦ បានកើនឡើងនៅក្នុងក្រុមដូចមួយចំនួន​ ដូចជាភោជនីយដ្ឋាន និងសេវាកម្មស្នាក់នៅ ០,៩% ភេសជ្ជៈមានជាតិអាល់កុល និងថ្នាំជក់ ០,៩% ការដឹកជញ្ជូន ០,៨% ព័ត៌មាន និងទំនាក់ទំនង ០,៧% សុខភាព០,៥% លំនៅដ្ឋាន ទឹក អគ្គិសនី ឧស្ម័ន និងឥន្ធនៈផ្សេងទៀត ០,២%គ្រឿងសង្ហារិម សម្ភារៈប្រើប្រាស់ក្នុងផ្ទះ និងការថែទាំផ្ទះជាប្រចាំ ០,២% និងសម្លៀកបំពាក់ និងស្បែកជើង ០,១%។ តម្លៃបានថយចុះនៅក្នុងក្រុមដូចជាការកម្សាន្ត កីឡា និងវប្បធម៌ -២,០% អាហារ និងភេសជ្ជៈមិនមានជាតិអាល់កុល -០,៤% និងការថែទាំផ្ទាល់ខ្លួន ការការពារសង្គម និងទំនិញ និងសេវាកម្មផ្សេងៗ -០,១%។ តម្លៃទំនិញ និងសេវាកម្មនៅក្នុងក្រុមអប់រំធានារ៉ាប់រង និងសេវាកម្មហិរញ្ញវត្ថុនៅតែមិនផ្លាស់ប្តូរ។

នៅក្នុងខែឧសភា ឆ្នាំ២០២៦ អត្រាប្រចាំខែដែលវាស់វែងដោយសន្ទស្សន៍តម្លៃ គឺ -០,៥% ខណៈដែលអត្រាប្រចាំឆ្នាំគឺ ៣,៩% បើប្រៀបធៀបទៅនឹងខែឧសភា ឆ្នាំ២០២៥។ បើប្រៀបធៀបទៅនឹងខែមុន តម្លៃទំនិញ និងសេវាកម្មសម្រាប់គ្រួសារ ២០% ដែលមានប្រាក់ចំណូលទាបបំផុតបានផ្លាស់ប្តូរដូចជា សេវាកម្មបានកើនឡើង ០,១% ផលិតផលអាហារថយចុះ០,៨% និងផលិតផលមិនមែនអាហារថយចុះ ០,៥%៕

ដោយ៖ យា ចិន្ដាខន្ដី (ប្រភព៖ BTA)