AKP ភ្នំពេញ ថ្ងៃទី០៣ ខែមិថុនា ឆ្នាំ២០២៦--- សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានគូសបញ្ជាក់ថា គ្មានការចរចាណាមួយដើម្បីជាតិដោយប្រើកម្លាំងទទួលបានស្ថិតស្ថេរ និងការពារដោយសិទ្ធិស្របច្បាប់ របស់ប្រទេសណាមួយនោះទេ។ ការលើកឡើងរបស់ប្រមុខរាជរដ្ឋាភិបាលកម្ពុជាបន្ទាប់ពី នៅថ្ងៃទី០២ ខែមិថុនា ឆ្នាំ២០២៦ រាជរដ្ឋាភិបាលបានផ្ញើលិ ខិតជូនដំណឹងជាផ្លូវការទៅកាន់ភាគីថៃ និងអគ្គលេខាធិការអង្គការសហប្រជាជាតិ ដើម្បីចាប់ផ្តើមដំណើរការនូវយន្តការផ្សះផ្សាដោយបង្ខំ ក្រោមអនុសញ្ញាអង្គការសហ ប្រជាជាតិស្តីពីនីតិសមុទ្រ (UNCLOS) ដើម្បីដោះស្រាយពាក់ព័ន្ធនឹងការទាមទារដែនសមុទ្រត្រួតស៊ីគ្នាជាមួយប្រទេសថៃ។

ថ្លែងក្នុងពិធីសម្ពោធអគារកម្ពស់ ៣ជាន់ សមិទ្ធផលនានា និងប្រគល់សញ្ញាបត្រគ្រូបង្រៀន កម្រិតមូលដ្ឋាន និងសញ្ញាបត្របរិញ្ញាបត្រអប់រំ ឯកទេសអប់រំកាយ ជូនដល់គរុសិស្ស គរុនិស្សិត នៃវិទ្យាស្ថានជាតិអប់រំកាយនិងកីឡា នៅថ្ងៃ ទី៣ ខែមិថុនា ឆ្នាំ២០២៦​ សម្តេចធិបតី ហ៊ុន ម៉ាណែត បានលើកឡើងថា ការដោះស្រាយបញ្ហាព្រំដែនត្រូវការពេលវេលា ដោះស្រាយដោយផ្អែកតាមផ្លូវច្បាប់ជាមូលដ្ឋាន ប្រសើជាងបញ្ជូនទាហាន ទៅច្បាំងគ្នាស្លាប់ ហើយដោះ ស្រាយមិនចេញឡើយ។

សម្តេចធិបតី ហ៊ុន ម៉ាណែត បានថ្លែងថា ការដោះស្រាយបញ្ហាការពារជាតិ និងទឹកដី មិនមែន ប្រើប្រាស់តែកម្លាំងប្រដាប់អាវុធនោះទេ គឺប្រើប្រាស់មធ្យោបាយសរុប។ សម្ដេចធិបតីបានគូសបញ្ជាក់ថា៖«ម្សិលមិញនេះយើងបាន ចាប់ផ្ដើមនូវការប្រើប្រាស់យន្ដការច្បាប់អន្ដរជាតិ UN CLOS ហើយ ដើម្បីដោះស្រាយការពារអធិតេបយ្យភាព និងសិទ្ធិដែនរបស់កម្ពុជា នៅលើដែនដីសមុទ្រដោយប្រើប្រាស់ UNCLOS ការផ្សះផ្សា ដោយបង្ខំនេះឯង។

ប៉ុន្ដែប្រសើជាងបញ្ជូនទាហាន ទៅច្បាំងគ្នាស្លាប់ ហើយដោះ ស្រាយមិនចេញ មកចរចាដដែលដោយមិនចាំបាច់ »។ សម្ដេចធិបតីបានបន្ដថា ដរាបណានៅមានការដោះស្រាយបញ្ហាជាតិ និងទឹកដី ដោយសន្ដិវិធី ហើយជឿចុះគ្មានការដោះស្រាយដោយប្រើកម្លាំងណាមួយ ស្ថិតស្ថេរទេ ទាល់តែប្រើតាមច្បាប់បានត្រឹមត្រូវ។ គ្មានការយកគ្រាប់បែក យករថក្រោះ ធ្វើផ្លូវបេតុងណាមួយការពារសិទ្ធិរបស់ប្រទេសណាមួយទេ គឺទាល់តែប្រើប្រាស់ច្បាប់ទើបត្រឹមត្រូវ។ជាមួយគ្នានោះដែរសម្តេចធិបតី បានអះអាងថា៖«ការតស៊ូតាមផ្លូវច្បាប់គឺកម្ពុជាត្រូវធ្វើ «…» អញ្ចឹងខ្ញុំសុំបញ្ជាក់ម្តងទៀតថាទោះបីជាយើងពង្រឹងវិស័យការពារជាតិ តែយើងមិនគិតពីសេដ្ឋកិច្ចសង្គម រួមទាំង គម្រោងតូចៗដូចជានៅទេទឹកពុះ និងគម្រោងផ្សេងៗទៀត ត្រូវគិត»៕

ដោយ៖ ប៊ុនរិទ្ធ