AKP ភ្នំពេញ ថ្ងៃទី១២ ខែឧសភា ឆ្នាំ២០២៦--ឯកឧត្តម សន សុផល អគ្គនាយក នៃអគ្គនាយកដ្ឋានស្តារសម្បទា ក្រសួងសង្គមកិច្ច អតីតយុទ្ធជន និងយុវនីតិ សម្បទា និងលោកស្រី កែវ ដាណា អភិបាលរងខេត្តបាត់ដំបង នៅថ្ងៃទី១១ ខែឧសភា ឆ្នាំ២០២៦ បានអញ្ជើញចូលរួមបើកសិក្ខាសាលាស្តីពី«បរិយាបន្នអប់រំជំនាញវិជ្ជាជីវៈសម្រាប់មន្ត្រីទទួល បន្ទុកអត្តសញ្ញាណកម្មពិការភាពនៅតាមរដ្ឋបាលឃុំសង្កាត់»នៅខេត្តបាត់ ដំបង។

ឯកឧត្តម សន សុផល បានលើកឡើងថា សិក្ខាសាលានេះរៀបចំឡើងក្នុងគោលបំណងជំរុញការអនុវត្តបរិយាបន្នអប់រំជំនាញវិជ្ជាជីវៈសម្រាប់ជនមានពិការភាព តាមរយៈការកំណត់អត្តសញ្ញា ណកម្មពិការភាព ការបណ្តុះបណ្តាលជំនាញវិជ្ជាជីវៈ ការបង្កើនឱកាសការងារ និងការរៀបចំហេដ្ឋារចនាសម្ព័ន្ធបង្កលក្ខណៈងាយ ស្រួលសម្រាប់ជនមានពិការភាព ដោយមានការគាំទ្រថវិកាពី គម្រោងការងារសមរម្យសម្រាប់យុវជនកម្ពុជា ដំណាក់កាលទី៣ (DEY III) និងទីភ្នាក់ងារអភិវឌ្ឍន៍ និងកិច្ចសហ ប្រតិបត្តិការស្វីស (SDC) តាមរយៈមូលនិធិអង្គការសហប្រជាជាតិដើម្បីកុមារ (UNICEF) ។ 

ក្នុងសិក្ខាសាលានោះក៏មានការចូលរួមពីលោកអគ្គនាយករង លោកប្រធាននាយកដ្ឋានសុខុមាលភាពជនពិការ លោកប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត សាខាទីភ្នាក់ងារជាតិមុខរបរ និងការងារខេត្តបាត់ដំបង វិទ្យាស្ថានបណ្តុះ បណ្តាលជុំវិញខេត្ត ទីចាត់ការផែនការ និងវិនិយោគនៃរដ្ឋបាលខេត្ត គ្រូបង្គោលអត្តសញ្ញាណកម្មពិការភាពខេត្តបាត់ដំបង តំណាងអង្គការដៃគូ និងជនបង្គោលអត្តសញ្ញាណកម្មពិការភាព ឃុំសង្កាត់នៅក្នុងខេត្ត សរុបប្រមាណចំនួន ១២០ នាក់ ៕

ដោយ ៖ណយ នឿន , ប្រភព៖ក្រសួងសង្គមកិច្ច