AKP ខេត្តព្រះសីហនុ ថ្ងៃទី៣០ ខែមេសា ឆ្នាំ២០២៦---  
ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងឯកឧត្តមបណ្ឌិត យ៉េត វីណែល អនុប្រ ធានលេខាធិការដ្ឋានគណៈកម្មការគ្រប់ គ្រងល្បែងពាណិជ្ជកម្មកម្ពុជា គ.ប.ឆ.ប និងជាប្រធានក្រុមការងារទី២ នៃក្រុមកា រងារចម្រុះចំណុះលេខាធិការដ្ឋាន គ.ប.ឆ.ប ដឹកនាំកិច្ចប្រជុំពិភាក្សារៀបចំផែនការចុះត្រួតពិនិត្យ និងវាយតម្លៃទីតាំងសង្ស័យ និងទីតាំងត្រូវបានបង្ក្រាប និងបិទស៊ីល (Seal) កន្លងមក ពាក់ព័ន្ធនឹងករណីឆបោកតាមប្រព័ន្ធបច្ចេកវិទ្យានៅក្នុងភូមិសាស្ត្រខេត្តព្រះសីហនុ នារសៀលថ្ងៃព្រហស្បតិ៍ទី៣០ ខែមេសា ឆ្នាំ២០២៦ នៅសាលប្រជុំសាលាខេត្តព្រះសីហនុ ។   

ឯកឧត្តម ម៉ាង ស៊ីណេត អភិបាលខេត្តព្រះសីហនុ មានប្រសាសន៍ស្វាគមន៍ពាក់ព័ន្ធនឹងករណីឆបោកតាមប្រព័ន្ធបច្ចេកវិទ្យា (Scams Online) ដែលសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានដាក់ចេញនូវយុទ្ធនាការប​ង្ក្រាប បោសសំអាតផ្ទះយើងនៅទូទាំងប្រទេស ជាពិសេសនៅក្នុងភូមិសាស្ត្រខេត្តព្រះសីហនុ ក្រុមការងាររបស់គណបញ្ជាការឯកភាពរដ្ឋបាលខេត្ត ដែលមានក្រុង ស្រុកទាំង៦ដែលបាននឹងកំពុងអនុវត្តនាពេលបច្ចុប្បន្ន ម្យ៉ាងទៀតក្រុងកោះរ៉ុង ជាទីក្រុងទេសចរណ៍មិនមាន​ (Scams Online) ព្រោះនៅទីនោះប្រព័ន្ធអិនធរណែតខ្សោយ យើងបានធ្វើការរួមគ្នាដែលមានកម្លាំងស្នងការ អាវុធហត្ថ និងព្រះរាជអាជ្ញាក្នុងការចុះបង្ក្រាប និងសំអាត (Scams Online) ។ 

គណៈ​បញ្ជាការឯកភាពរដ្ឋបាលខេត្ត បានអនុវត្តនូវអនុក្រឹត្យលេខ០៣ របស់រាជរដ្ឋា​ភិបាល ក្នុងការចុះផ្សព្វផ្សាយ ទៅដល់បងប្អូនប្រជាពលរដ្ឋនៅតាមមូលដ្ឋាន ស្តីពីករណីការឆបោកតាមប្រព័ន្ធបច្ចេក​វិទ្យា (Scams Online) និងត្រូវបញ្ជប់នៅខែមេសានេះ ហើយការបង្ក្រាប និងសំអាត គណៈបញ្ជាការឯកភាពរដ្ឋបាលខេត្តធ្វើដូចភ្លៀងរលឹមមិនឪ្យ (Scams Online) កើតឡើងសារជាថ្មីនៅលើទឹកដីខេត្តព្រះសីហនុ។   
 ឯកឧត្តមបណ្ឌិត យ៉េត វីណែល អនុប្រ ធានលេខាធិការដ្ឋានគណៈកម្មការគ្រប់ គ្រងល្បែងពាណិជ្ជ​កម្មកម្ពុជា គ.ប.ឆ.ប និងជាប្រធានក្រុមការងារទី២ នៃក្រុមកា រងារចម្រុះចំណុះលេខាធិការដ្ឋាន គ.ប.ឆ.ប មានប្រសាសន៍ក្នុងកិច្ចប្រជុំពិភាក្សាក្នុងនោះ ១.គោលបំណងស្វែងយល់ពីវឌ្ឍនភាព និងបញ្ហាប្រឈមតាមបទ បញ្ជាលេខ០១ របស់រាជរដ្ឋាភិបាល ២.បង្ហាញសមាសភាពក្រុមការងារចម្រុះ ៣.កិច្ចសហការរៀបចំផែនការសកម្ម ភាពកុំឪ្យមានការវិលត្រឡប់មកវិញនូវ​ (Scams Online) នៅក្នុង និងក្រៅកាស៊ីណូ​​​ក្នុងភូមិសាស្ត្រខេត្តព្រះសីហនុ ។

  
កិច្ចប្រជុំបានពិភាក្សានៅចំណុចមួយចំ នួនមានដូចជា ១.កំណត់ទៅ​តាំងដែលមានការសង្ស័យមានករណីឆបោកតាមប្រព័ន្ធបច្ចេកវិទ្យា ២.កំណត់ទីតាំងចុះបង្ក្រាប និងបិទស៊ីល ៣.​ការកាត់ផ្តាច់ប្រព័ន្ធអ៊ិនធឺណិត ទឹក ភ្លើង ៤.​ការបំពាក់កាំម៉ារ៉ាសុវត្ថិភាពនៅទីតាំងដែលបានបង្ក្រាប និងបិទស៊ីល​នាពេលកន្លងមក ៥.ធ្វើកិច្ចសន្យាហាមឃាត់ផ្តល់ទីតាំងបំរើឪ្យការឆបោកតាមប្រព័ន្ធបច្ចេកវិទ្យា ទន្ទឹមនោះកិច្ចប្រជុំបានស្នើសុំការគាំទ្រ និងឯកភាពពីគណៈបញ្ជាការឯកភាពរដ្ឋបាលខេត្ត រដ្ឋបាលក្រុង ស្រុក សមត្ថ កិច្ចពាក់ព័ន្ធ​ និងព្រះរាជអាជ្ញា​ ក្នុងការចុះបង្ក្រាប និងសំអាត (Scams Online) ហៅក្នុងភូមិសាស្ត្រខេត្តព្រះសីហនុ ៕
ដោយ៖ ងូ សុមុនី