AKP ភ្នំពេញ ថ្ងៃទី៣០ ខែមករា ឆ្នាំ២០២៦ -- មន្ទីរបរិស្ថានខេត្តរតនគិរី នៅថ្ងៃទី៣០ ខែមករា ឆ្នាំ២០២៦ បានរៀបចំធ្វើយុទ្ធនាការ «ផ្លូវជាតិគ្មានសំរាមប្លាស្ទិក» ដោយមានការចូលរួម ប្រជាពលរដ្ឋ មន្រីរាការ ព្រះសង្ឃ និងសិស្សានុសិស្ស ជាច្រើន នៅតាមដងផ្លូវ ក្នុងខេត្តរតនគិរី។ 

យុទ្ធនាការ «ផ្លូវជាតិគ្មានសំរាមប្លាស្ទិក» ត្រូវបានធ្វើឡើងនៅមន្ទីរសង្គមកិច្ច អតីតយុទ្ធជន និងយុវនីតិសម្បទា ស្ថិតនៅភូមិថ្មី សង្កាត់ឡាបានសៀក ក្រុងបានលុង។  ក្រុមការងារមន្ទីរបានធ្វើការបោសសម្អាត និងរើសសំរាមជុំវិញបរិវេណមន្ទីរ ក្នុងនោះមានអ្នកចូលរួមសរុប ៨នាក់ ស្រី ៧នាក់។ រដ្ឋបាលឃុំប៉ាតេ ស្រុកអូរយ៉ាដាវ ខេត្តរតនគិរី ដឹកនាំដោយ លោក មេឃុំ បានធ្វើពលកម្មរើសសំរាមចំណុច បរិវេណសាលា បរិវេណនៃវត្ត និងមុខវត្ត ឆ្ពោះទៅទិសខាងលិច ដីឡូត៍ ផ្លូវកែវចូលភូមិគងធំចាស់ ភូមិប៉ាអរ ឃុំប៉ាតេ បានចម្ងាយ២៥០០ម៉ែត្រ បានសំរាមទម្ងន់ ៨០ គីឡូក្រាម ដោយមានអ្នកចូលរួមចំនួន ៩៥នាក់ ស្រី ៤៣នាក់។ រដ្ឋបាលឃុំលំជ័រ ស្រុកអូរយ៉ាដាវ ខេត្តរតនគិរី ដឹកនាំដោយ លោក មេឃុំ បានធ្វើពលកម្មរើសសំរាមចំណុច បរិវេណសាលាឃុំ និងតាមផ្លូវលំមុខសាលាឃុំ ឃុំលំជ័រ បានចម្ងាយ ១ ៥០០ម៉ែត្រ បានសំរាមទម្ងន់ ៧ គីឡូក្រាម ដោយមានអ្នកចូលរួមចំនួន ០៨នាក់ ស្រី ៥នាក់។

ក្រុមប្រឹក្សាសង្កាត់កាចាញ សរុបចំនួន ១១៣នាក់ ស្រី ៤២នាក់ ក្នុងនោះមានក្រុមប្រឹក្សាសង្កាត់ ៤នាក់ អ្នកដឹកនាំភូមិចំនួន ៧នាក់ ស្រី៣នាក់ ប៉ុស្ដិ៍នគរបាល០២នាក់ គ្រូបង្រៀនចំនួន០២នាក់  សិស្សានុសិស្សចំនួន ៩៨នាក់ ស្រី៣៩នាក់ បានធ្វើអនាម័យចំនួន៤ទីតាំង៖ ពីសាលាសង្កាត់ ទៅដល់ព្រំប្រទល់សង្កាត់ឡាបានសៀក ចម្ងាយ៥០០ម៉ែត្រ សំរាមទម្ងន់៣គីឡូក្រាម។ ពីសាលាសង្កាត់កាចាញទៅដល់រង្វង់មូលយាយទូលចេក ចម្ងាយ២គីឡូម៉ែត្រ សំរាមទម្ងន់៥គីឡូក្រាម។ ពីយាយទូលចេក ទៅដល់ភូមិ១តាស៊ុយ ចម្ងាយ១គីឡូម៉ែត្រ សំរាមទម្ងន់៧គីឡូក្រាម ពីសាលាសង្កាត់កាចាញ ទៅដល់ព្រំប្រទល់ភូមិ២ ចម្ងាយ១គីឡូម៉ែត្រ សំរាមទម្ងន់៣គីឡូក្រាម និងពីសាលាបឋមបុរីកម្មករបី ទៅដល់ព្រំប្រទល់ ឃុំចាអ៊ុង ចម្ងាយ២គីឡូម៉ែត្រ សំរាមទម្ងន់៤គីឡូក្រាម៕

ដោយ ណយ នឿន (ប្រភព៖ មន្ទីរបរិស្ថានខេត្តរតនគិរី)