AKP កណ្ដាល ថ្ងៃទី០៣ ខែមិថុនា ឆ្នាំ២០២៥-- គណៈកម្មាធិការពិគ្រោះយោបល់កិច្ចការស្រ្តី និងកុមារខេត្តកណ្តាល នៅថ្ងៃទី០២ ខែមិថុនា ឆ្នាំ២០២៥ បានបើកកិច្ចប្រជុំសាមញ្ញលើកទី១១ ប្រចាំខែឧសភា ឆ្នាំ២០២៥ របស់ខ្លួន ក្រោមអធិបតីភាពលោកជំទាវ នួន នារតី ប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារ (គ.ក.ស.ក) ខេត្តកណ្តាល។ 

អង្គប្រជុំបានអនុម័តលើរបៀបវារៈសំខាន់ៗចំនួន៦៖ ទី១. ពិនិត្យ ពិភាក្សា និងអនុម័តកំណត់ហេតុកិច្ចប្រជុំសាមញ្ញប្រចាំខែមេសារបស់គ.ក.ស.ក ខេត្ត លើកទី១០ អាណត្តិទី៤ ឆ្នាំ២០២៥។ ទី២. ពិនិត្យ ពិភាក្សា និង អនុម័តរបាយការណ៍លទ្ធផលការងារ គ.ក.ស.ក ខេត្ត ប្រចាំខែឧសភា ឆ្នាំ២០២៥។ ទី៣. របាយការណ៍ និងពិភាក្សាអំពីស្ថានភាពស្ត្រី យុវវ័យ កុមារ និងជនងាយរងគ្រោះ ក្នុងវិស័យពាក់ព័ន្ធនានា។ ទី៤. ពិនិត្យ ពិភាក្សា និងអនុម័តផែនការសកម្មភាពរបស់គ.ក.ស.កខេត្ត ប្រចាំខែមិថុនា ឆ្នាំ២០២៥។ ទី៥. បញ្ហាផ្សេងៗ និងទី៦. មតិបូកសរុប និងបិទអង្គប្រជុំ។

កិច្ចប្រជុំនេះធ្វើឡើងនៅសាលប្រជុំសាលាខេត្តកណ្តាល និងមានការចូលរួមពីមន្ទីរអង្គភាពពាក់ព័ន្ធ ព្រមទាំងមន្ត្រីរាជការជាច្រើនរូបផងដែរ៕

ដោយ ណយ នឿន (ប្រភព៖ រដ្ឋបាលខេត្តកណ្តាល)