AKP ភ្នំពេញ ថ្ងៃទី២ ខែឧសភា ឆ្នាំ២០២៥--ក្រសួងបរិស្ថានបានគូបញ្ជាក់ឲ្យដឹងនៅព្រឹកថ្ងៃទី២ ខែឧសភាឆ្នាំ២០២៥ នេះថាគុណភាពខ្យល់នៃព្រះរាជាណាចក្រកម្ពុជាមានភាពល្អណាស់។

យោងតាមសេចក្ដីជូនដំណឹងរបស់ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី១ ខែឧសភា ឆ្នាំ២០២៥ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី២ ខែឧសភា ឆ្នាំ២០២៥ ថាខ្យល់មានកំហាប់ភាគល្អិតនិចលគិតជាមធ្យមស្មើនឹង១៧.៣៣ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។

ក្រសួងបង្ហាញថាពណ៌ខៀវគុណភាពខ្យល់ល្អណាស់មាន រាជធានីភ្នំពេញ ខេត្តស្ទឹងត្រែង ខេត្តរតនគិរី  ខេត្តព្រះសីហនុ  ខេត្តកោះកុង ខេត្តពោធិ័សាត់ ខេត្តកំពង់ចាម ខេត្តកំពង់ស្ពឺ ខេត្តកណ្តាល ខេត្តមណ្ឌលគីរី ខេត្តកំពង់ឆ្នាំងខេត្តតាកែវ ខេត្តបាត់ដំបង ខេត្តកំពត ខេត្តក្រចេះ ​ខេត្តស្វាយរៀង ខេត្តកែប​ ខេត្តត្បូងឃ្មុំ ខេត្តព្រៃវែង និងខេត្តប៉ៃលិន និងពណ៌បៃតងមាន ខេត្តបន្ទាយមានជ័យ ខេត្តកំពង់ធំ ខេត្តព្រះវិហារ ខេត្តសៀមរាប និង  ខេត្តឧត្តរមានជ័យ៕

ដោយ៖ ប៊ុនរិទ្ធ