AKPកំពង់ធំថ្ងៃទី២៤ខែតុលាឆ្មាំ២០២៦--- រដ្ឋបាលខេត្តកំពង់ធំ បានដាក់ឱសានវាទរយៈពេល ៣០ថ្ងៃ គិតចាប់ពីថ្ងៃទី២០ខែតុលា ដល់ថ្ងៃទី២០ ខែវិច្ឆិកា ឆ្នាំ២០២៦ ដើម្បីឱ្យបញ្ឈប់សកម្មភាពកាប់ឆ្ការ រុករាន ទន្ទ្រាន និងហ៊ុព័ទ្ធយកដីធ្លីដោយខុសច្បាប់ ព្រមទាំងសកម្មភាពរុករករ៉ែដោយប្រើប្រាស់ម៉ាស៊ីនបាញ់ដីនិងម៉ាស៊ីនបូមខុសច្បាប់ នៅតំបន់ភ្នំជី ក្នុងភូមិសាស្ត្រស្រុកសណ្ដាន់ ខេត្តកំ ពង់ធំ។

យោងតាមលិខិតជូនដំណឹងរបស់រដ្ឋបាលខេត្តកំពង់ធំ ចុះថ្ងៃទី២០ ខែតុលា ឆ្នាំ២០២៦រដ្ឋបាលខេត្តកំពង់ធំ សូមជូនដំណឹងដល់បងប្អូនប្រជាពលរដ្ឋទាំងអស់ ជាពិសេសបង ប្អូនប្រជា ពលរដ្ឋរស់នៅក្នុងតំបន់ភ្នំជី ស្ថិតភូមិសាស្ត្រស្រុកសណ្តាន់ ខេត្តកំពង់ធំ និងអ្នកពាក់ព័ន្ធទាំង អស់ជ្រាបថា កន្លងទៅគណៈកម្មការទប់ស្កាត់ និងបង្ក្រាបបទល្មើសធនធានធម្មជាតិខេត្ត បានចុះត្រួត ពិនិត្យ បង្ក្រាបនិងបញ្ឈប់សក ម្មភាពធ្វើអាជីវកម្មរ៉ែខុសច្បាប់ជាបន្ត បន្ទាប់ ប៉ុន្តែនៅតែសង្កេតឃើញការ ធ្វើសកម្មភាពលួចលាក់ខុសច្បាប់មួយចំនួន និងការចូលកាប់ឆ្ការទន្ទ្រានកាន់កាប់ដីខុសច្បាប់ ព្រមទាំង ការទិញ-លក់ដីព្រៃខុសច្បាប់ផងដែរ។

ដើម្បីទប់ស្កាត់ និងបញ្ឈប់ការធ្វើអាជីវកម្មរ៉ែខុសច្បាប់ ព្រមទាំង ការពារ និងអភិរក្សធនធានធម្មជាតិនិងបរិស្ថានឱ្យមានប្រសិទ្ធភាព រដ្ឋបាលខេត្ត សូមធ្វើការណែនាំដូចខាងក្រោម៖
-ត្រូវបញ្ឈប់ធ្វើសកម្មភាព ការរុករក និងការធ្វើអាជីវកម្មរ៉ែខុសច្បាប់
- ត្រូវបញ្ឈប់រាល់ការចាក់រំសែវជាតិផ្ទុះ និងសារធាតុគីមីផ្សេងៗដែលខុសច្បាប់
- ត្រូវបញ្ឈប់ការចូលទន្ទ្រានកាន់កាប់ដីខុសច្បាប់ ការឆ្ការ ទិញ-លក់ដីព្រៃខុសច្បាប់ ដែល ស្ថិតនៅលើដែនអាជ្ញាបណ្ណឧស្សាហកម្មអាជីវកម្មធនធានរ៉ែ និងអាជ្ញាបណ្ណស្វែងរករ៉ែ ដែលរាជរដ្ឋាភិបាលបានផ្តល់សិទ្ធិឱ្យក្រុមហ៊ុនរួចហើយ។

ទន្ទឹមនេះ រដ្ឋបាលខេត្ត នឹងចាត់វិធាន ការតាមផ្លូវច្បាប់ដោយទុករយៈពេល ៣០ថ្ងៃ គិត ចាប់ពីថ្ងៃជូនដំណឹងនេះតទៅ ដើម្បីឱ្យបងប្អូនប្រជាពលរដ្ឋ និងអ្នកពាក់ព័ន្ធទាំងអស់រុះរើ និងបញ្ឈប់ គ្រប់សកម្មភាពដូចបានជម្រាបជូនខាងលើ។ ក្នុងករណីបុគ្គលទាំងឡាយណាដែលរឹងរូសនិងមិនចូល រួមសហការជាមួយអាជ្ញាធរមានសម ត្ថកិច្ចនឹងត្រូវប្រឈមចំពោះមុខច្បាប់ជាធរមាន៕

ដោយ៖ ស៊ុម វណ្ណា