AKP ភ្នំពេញ ថ្ងៃទី២១ ខែតុលា ឆ្នាំ២០២៦--នាយកប្រតិបត្តិនៃអង្គការអុកស្វាមអន្តរជាតិ លោក Amitabh Behar មកទស្សនកិច្ចប្រទេសកម្ពុជា និងកិច្ចពិភាក្សាការងារជាបន្តបន្ទាប់ជាមួយសហការីនៅកម្ពុជា អង្គការដៃគូ ប្រព័ន្ធផ្សព្វផ្សាយ ក្រុមយុវជន និងដៃគូសំខាន់ៗ ។ នេះបើតាមការឱ្យដឹងពីអង្គការ Oxfam នៅល្ងាចថ្ងៃទី២០ ខែតុលា ឆ្នាំ ២០២៦ ។

ក្នុងកិច្ចពិភាក្សាទាំងនោះ លោក Amitabh Behar បានផ្តល់ឱកាសដ៏មានតម្លៃក្នុងការផ្លាស់ប្តូរទស្សនៈ ពង្រឹងកិច្ចសហការ និងបញ្ជាក់ជាថ្មីនូវការប្តេជ្ញាចិត្តរួមគ្នាក្នុងការដោះស្រាយវិសមភាព ជំរុញយុត្តិធម៌អាកាសធាតុ និងជំរុញការផ្លាស់ប្តូរប្រកបដោយចីរភាពនៅកម្ពុជា ។

ក្នុងជំនួបនោះលោក Amitabh Behar ក៏បានជួបជាមួយខាងដៃគូរដ្ឋាភិបាល មានក្រសួងបរិស្ថាន គណៈប្រតិភូស្ថានទូតអូស្ត្រាលី ទីភ្នាក់ងារសម្រាប់ការអភិវឌ្ឍ និងសហប្រតិបត្តិការស្វីស  និងសហភាពអឺរ៉ុបផងដែរ ៕

ដោយ៖ ណយ នឿន (ប្រភព៖Oxfam)