AKP ភ្នំពេញ ថ្ងៃទី៥ ខែតុលា ឆ្នាំ២០២៦--នៅខេត្តសៀមរាប ឆ្នាំ១៩៦៦ ក្របីមួយក្បាលបានទទួលការចាក់វ៉ាក់សាំងការពារជំងឺរិនឌើរប៉េស (rinderpest) ដែលជាផ្នែកមួយនៃយុទ្ធនាការដ៏ធំមួយ ក្រោមការគាំទ្រពីអង្គការ FAO និងរាជរដ្ឋាភិបាលកម្ពុជា។វាជាខូប ៦០ឆ្នាំ រវាង អង្គការ FAO និងរដ្ឋាភិបាល ដែលបានចាប់ផ្តើមដំបូងតាំពីឆ្នាំ១៩៦៦មកម្លេះ ។ នេះបើតាមការឱ្យដឹងពីអង្គការ FAO នៅថ្ងៃ០៥ ខែតុលា ឆ្នាំ២០២៦នេះ។

នៅពេលនេះ អង្គការ FAO បាននិងកំពុងគាំទ្រប្រទេសកម្ពុជារយៈពេល ៥ ឆ្នាំបន្ត ក្នុងកិច្ចខិតខំប្រឹងប្រែងដ៏ធំធេងមួយដើម្បីលុបបំបាត់ជំងឺរិនឌើរស្ត (rinderpest) ដែលជាជំងឺសត្វពាហនៈដ៏កាចសាហាវគំរាមកំហែងដល់កសិករ ជីវភាពរស់នៅរបស់ប្រជាជននៅតំបន់ជនបទ និងសន្តិសុខស្បៀង។ យុទ្ធនាការនេះរួមបញ្ចូលទាំងការចាក់វ៉ាក់សាំងគោ និងក្របីប្រមាណជា ២,៥ លានក្បាល រួមទាំងសត្វដែលស្ថិតនៅក្នុងតំបន់ព្រៃជ្រៅ និងតំបន់ភ្នំដាច់ស្រយាលផងដែរ។នេះក៏ជាកិច្ចខិតខំប្រឹងប្រែងកម្រិតអន្តរជាតិផងដែរ។

អង្គការ FAO បានជួយសម្របសម្រួលការគាំទ្រពីប្រទេស ជប៉ុន អូស្ត្រាលី បារាំង និងសហរដ្ឋអាមេរិក ខណៈដែលប្រទេសកម្ពុជាបានចូលរួមចំណែកផ្តល់នូវជំនាញផ្នែកពេទ្យសត្វ ការគាំទ្រផ្នែកមន្ទីរពិសោធន៍ និងក្រុមការងារចាក់វ៉ាក់សាំងដែលបានទទួលការបណ្តុះបណ្តាល។

ជិតប្រាំមួយទសវត្សរ៍ក្រោយមក ទោះបីជាបញ្ហាប្រឈមនានាមានការផ្លាស់ប្តូរទៅតាមកាលសម័យក៏ដោយ ប៉ុន្តែភាពជាដៃគូនៅតែបន្តដំណើរការ។

នាពេលបច្ចុប្បន្ន អង្គការ FAO នៅតែបន្តសហការជាមួយរាជរដ្ឋាភិបាលកម្ពុជាលើវិស័យកសិកម្ម ជលផល ព្រៃឈើ សុខភាពសត្វ សន្តិសុខស្បៀង ការបង្កើនភាពធន់នឹងការប្រែប្រួលអាកាសធាតុ និងការគ្រប់គ្រងធនធានធម្មជាតិប្រកបដោយនិរន្តរភាព ដោយរួមបញ្ចូលបច្ចេកវិទ្យា និងចំណេះដឹងថ្មីៗ ជាមួយនឹងការប្តេជ្ញាចិត្តដ៏មុតមាំដដែលក្នុងការលើកកម្ពស់ជីវភាពរស់នៅរបស់ប្រជាជននៅតាមតំបន់ជនបទ។

ចាប់តាំងពីការការពារសុខភាពសត្វពាហនៈក្នុងទសវត្សរ៍ឆ្នាំ១៩៦០ រហូតដល់ការផ្លាស់ប្តូរប្រព័ន្ធកសិ-ស្បៀងនៅពេលបច្ចុប្បន្ន ភាពជាដៃគូនេះនៅតែបន្តដំណើរការទៅមុខជានិច្ច ៕

ដោយ ណយ នឿន (ប្រភព៖FAO)