AKP ភ្នំពេញថ្ងៃទី១៧ ខែកញ្ញា ឆ្នាំ ២០២៦– មនុស្សភាគច្រើនបានស្គាល់ពីផ្កាថ្ម ប៉ុន្តែមានមនុស្សតិចតួចណាស់ដែលបានស្គាល់ និងយល់ដឹងពី "ស្មៅសមុទ្រ" ដែលដុះលូតលាស់នៅក្រោមផ្ទៃទឹក។ 

ប្រភពីអង្គការ MCC បានឱ្យដឹងនៅថ្ងៃទី១៧ ខែកញ្ញា ឆ្នាំ២០២៦ថានៅក្នុងប្រទេសកម្ពុជា វាលស្មៅសមុទ្រ ជុំវិញប្រជុំកោះខេត្តកែប គឺផ្ដុំឡើងដោយពពួកស្មៅសមុទ្រសំខាន់ៗដូចជា Halophila ovalis, Enhalus acoroides និង Oceana serrulata។

ប្រភពអង្គការអភិរក្សសមុទ្រកម្ពុជាបន្តថា ក្រុមការងារយើងតែងតែចុះជ្រមុជទឹកជាប្រចាំ ដើម្បីសិក្សាស្រាវជ្រាវពីវាលស្មៅសមុទ្រទាំងនោះ តាមដានការប្រែប្រួលរបស់ពួកវាតាមកាលវេលា និងចូលរួមចំណែកដល់ការការពារពួកវាឱ្យបានគង់វង្សរយៈពេលវែង៕

ដោយ៖ ណយ នឿន (ប្រភព៖MCC)