AKP ខេត្តព្រះសីហនុ ថ្ងៃទី១៥ ខែកញ្ញា ឆ្នាំ២០២៦---

រសៀលថ្ងៃអង្គារទី១៥ ខែកញ្ញា ឆ្នាំ២០២៦ ឯកឧត្តម ម៉ាង ស៊ីណេត អភិបាល នៃគណៈអភិ បាលខេត្តព្រះសីហនុ ទទួលជំនួបសម្តែងការគួរ សម និងពិភាក្សាការងារជាមួយគណៈ ប្រតិភូគណៈកម្មាធិការបក្ស ខេត្តជាំងស៊ូ នៃសាធារណៈរដ្ឋប្រជាមា និតចិន ដឹកនាំដោយលោក លី យ៉ាវគ័ង (Li Yaoguang)  សមាជិកអចិន្ត្រៃយ៍ ជាលេខាធិការគណៈកម្មាធិការកិច្ចការច្បាប់ និងគោលនយោបាយ នៃគណៈកម្មា ធិការបក្សខេត្តជាំងស៊ូប្រទេសចិននៅសណ្ឋាគារ Novotel ក្រុងព្រះសីហនុ ។

ឯកឧត្តម ម៉ាង ស៊ីណេត អភិបាលខេត្តព្រះសីហនុ បានស្វាគមន៍ប្រតិភូខេត្តជាំងស៊ូ មកកាន់ទឹកដីតំបន់ឆ្នេរ នៃប្រទេសកម្ពុជា ព្រម ទាំងបានជំរាបជូនពីភូមិសាស្ត្រ និងសក្តានុពលរបស់ខេត្ត ស្ថិតនៅទិសនារតី នៃប្រទេសកម្ពុជា ។ ឆ្នាំ២០២៥ ខេត្តមានកំណើនសេដ្ឋកិច្ច ៥ភាគរយ ខេត្តមានកោះ ៣២ មានឆ្នេរសមុទ្រប្រវែង ១៧៥គីឡូម៉ែត្រ ត្រូវបានប្រសិទ្ធនាមថា ជាតារារះ "នាទិសនារតី" ។ ខេត្តព្រះសីហនុ ជាខេត្តស្នូលនៃខេត្តតំបន់ឆ្នេរទាំង៤ មានដូចជាខេត្តព្រះសីហនុ កំពត កែប និងខេត្តកោះ កុង។ ខេត្តព្រះសីហនុ ត្រូវបានក្លឹបឆ្នេរស្អាតអន្តរជាតិដាក់បញ្ចូលជាសមាជិកក្លឹបឆ្នេរស្អាតកាលពីឆ្នាំ២០១១។

ឯកឧត្តម អភិបាលខេត្តបន្តថា ខេត្តមានផ្លូវគមនាគមន៍ដូចជា ផ្លូវទឹក មានកំពង់ផែទឹកជ្រៅ បច្ចុប្បន្នមានទំនិញឆ្លងកាត់ប្រមាណ ៧០ភាគរយ។ ផ្លូវគោក ផ្លូវជាតិលេខ៣ លេខ៤ ផ្លូវល្បឿនលឿន និងផ្លូវដែក។ ផ្លូវអាកាស មានផ្លូវរត់ប្រវែង ៣ ៣០០ម៉ែត្រ អាចឪ្យយន្តហោះប្រភេទប៊ូអ៊ីង ៧៤៧ និង ៣៨០ ចុះចតបាន។ បច្ចុប្បន្នយើងមានជើងហោះហើរត្រង់មកពីទីក្រុង នៃប្រទេសចិន មានដូចជា ទីក្រុងសិនជិន អ៊ូស៊ី ឈិនទូរ កងចូវជាដើម ។ រាជរដ្ឋាភិបាលបានរៀបចំផែនការ មេអភិវឌ្ឍន៍ខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង ហើយក្នុងផែនការមេនេះ ចែកចេញជា ៤ហ្សូន ១.ដឹកជញ្ជូន និងឧស្សាហកម្ម ២.ទីក្រុងសមាហរណកម្ម មជ្ឈមណ្ឌលពាណិជ្ជ កម្ម និងហិរញ្ញអន្តរជាតិ ៣.កោះ ជាតំបន់អេកូទេសចរណ៍ប្រណិត ៤.តំបន់កសិកម្ម និងវារីវប្បកម្ម។

ឯកឧត្តម អភិបាលខេត្ត ក៏បានជំរាបជូនបន្ថែមថា សម្តេចតេជោ បានចាត់ទុកតំបន់សេដ្ឋកិច្ចពិសេស ក្រុងព្រះសីហនុ ជាកូន បង្កើតរបស់សម្តេច ដែល បង្កើតឡើងរវាងសម្តេចតេជោ និងឯកឧត្តម ប្រធា នាធិបតីចិន ស៊ី ជិនពីង ។ ជាមួយគ្នានោះដែរ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បាន ដាក់ចេញនូវកម្មវិធីពិសេសជំរុញការវិនិយោគខេត្តព្រះសីហនុ ឆ្នាំ២០២៤ ផ្តល់អត្ថប្រយោជន៍មានដូចជា ១.ជួយសម្រួលផ្នែករដ្ឋ បាល ២.លើកលែងពន្ធពី៣.៥ និង ៩ឆ្នាំ។

ឯកឧត្តម អភិបាលខេត្ត សូមអប អរសាទរខួបលើកទី៦៨ នៃ ទំនាក់ទំនងការទូតរវាងប្រទេសទាំងពីរ (កម្ពុជា-ចិន) តាំងពីសម្តេចបរមរតនកោដ្ឋ នរោត្តម សីហនុ មកសម្តេចតេជោ បន្តមក ដល់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ យើងសង្ឃឹមថា តំបន់សេដ្ឋកិច្ចពិសេស ក្រុងព្រះសីហនុ និងមានរោងចក្រទី ៣០០នៅពេលខាងមុខ។ សូមលោកជួយផ្សព្វផ្សាយនឹងជំរុញអ្នកវិនិ យោគិនប្រទេសចិន មកកាន់ខេត្តព្រះសីហនុបន្ថែម ទៀត ។

លោក លោក លី យ៉ាវគ័ង (Li Yaoguang) សមា ជិកអចិន្ត្រៃយ៍ និងជាលេខាធិការគណៈកម្មាធិការកិច្ចការច្បាប់ និងគោលនយោ បាយ នៃគណៈ កម្មាធិការបក្សខេត្តជាំងស៊ូ ប្រទេសចិន បានថ្លែងអំណគុណរដ្ឋបាលខេត្តព្រះសីហនុ ខេត្តយើងទាំងពីរមានទំនាក់ ទំនងកិច្ចសហប្រតិបត្តិការ ល្អ ផ្តល់ផលប្រយោជន៍ ដល់ប្រជាពលរដ្ឋទៅវិញ ទៅមក ហើយគណៈប្រតិភូខេត្តទាំងពីរតែងតែបានធ្វើការផ្លាស់ប្តូទស្សនៈកិច្ចគ្នាក្នុងកិច្ចសហប្រតិបត្តិការត្បូងពេជ្យ រវាងប្រជាជន និងប្រជាជននៃប្រទេសទាំងពីរ ហើយក៏មានក្រុមគ្រូពេទ្យខេត្តជាំងស៊ូ បានមកធ្វើការងារមនុស្សធម៌លើកទី៩ នៅខេត្តព្រះសីហនុ ដើម្បីផ្តល់ផល ប្រយោជន៍ដល់ប្រជាជនខេត្តទាំងពីរ យើងក៏មាន កិច្ចសហប្រតិបត្តិការលើវិស័យអប់រំ សុខាភិបាល និងទេសចរណ៍។ ខេត្តទាំងពីរបង្កើតបរិយាកាសវិនិ យោគមកកាន់កម្ពុជា ពិសេសមកកាន់ខេត្តព្រះសីហនុ ដោយពង្រឹងទំនាក់ ទំនង ការផ្លាស់ប្ដូរប្រជាជន នៃប្រទេសទាំងពីរ។

លោក ប្រធានគណៈប្រតិភូខេត្តជាំងស៊ូ សន្យា ជួយផ្សព្វផ្សាយ និងជំរុញអ្នកវិនិយោគ និងប្រជាពល រដ្ឋចិនមកកាន់ខេត្តព្រះសីហនុ ៕

ដោយ៖ ងូ សុមុនី