AKP ខេត្តព្រះសីហន ថ្ងៃទី១៥ ខែកញ្ញា ឆ្នាំ២០២៦---

លោក ឡុង ឌីម៉ង់ អភិបាលរង នៃគណៈអភិបាលខេត្តព្រះសីហនុនៅថ្ងៃទី១៥ ខែកញ្ញា ឆ្នាំ២០ ២៦ អញ្ជើញដឹកនាំកិច្ចប្រជុំអនុគណៈកម្មាធិការវិនិ​យោគខេត្តព្រះសីហនុ ដើម្បីពិនិត្យ និងអនុម័តលើគម្រោងស្មើសុំចុះបញ្ជីគម្រោងវិនិយោគដែលមានលក្ខណសម្បត្តិគ្រប់គ្រាន់ចំនួន២ រួមមាន៖
១.សំណើសុំចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់រោងចក្រផលិតក្តារបន្ទះ ឈើសន្លឹក គ្រឿង សង្ហារិម គ្រឿងបង្គំគ្រឿងសង្ហារិមរបស់ក្រុមហ៊ុន ហៀងសិនវូដ អ៊ិនដាសស្ត្រី ឯ.ក (ZHENGSEN WOOD INDUSTRY CO.,LTD. ) មានទីតាំងស្ថិតនៅភូមិបឹងត្រាច ឃុំចំការហ្លួង ស្រុកកំពង់សីលា ខេត្តព្រះសីហនុ។

២.សំណើសុំចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់រោងចក្រផលិតក្តារបន្ទះរបស់ក្រុមហ៊ុន ដុងកឹង វូដ ឯ.ក (DONGPING WOOD CO.LTD.) មានទីតាំងស្ថិតនៅភូមិអូរឧកញ៉ាហេង សង្កាត់អូរឧកញ៉ាហេង ក្រុងកំពង់សោម ខេត្តព្រះសីហនុ។ ក្នុងកិច្ចប្រជុំធ្វើការពិភាក្សា និងការផ្តល់យោបល់រួចមក លោក ឡុង ឌីម៉ង់ អភិបាលរងខេត្តព្រះសីហនុ បានឯកភាពលើសំណើសុំចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់ចំនួន ២គម្រោងបន្ថែមទៀត ក្នុងនោះ មួយគម្រោង​ ស្ថិតនៅស្រុកកំពង់សិលា និងមួយគម្រោងទៀតស្ថិតនៅក្រុងកំពង់សោម ខេត្តព្រះសីហនុ។

លោក ឡុង ឌីម៉ង់ បានបញ្ជាក់ថា គិតត្រឹម ៩ខែដើមឆ្នាំ២០២៦នេះ អនុគណៈ កម្មាធិការវិនិ​យោគខេត្តព្រះសីហនុបានសម្រេចអនុម័តគម្រោងសុំចុះបញ្ជីគម្រោងវិនិយោគមានលក្ខណសម្បត្តិគ្រប់គ្រាន់បានចំនួន ១៨គម្រោង។ ហើយកាលពីឆ្នាំ២០២៥ អនុគណៈក
ម្មាធិការវិនិយោគខេត្តព្រះសីហនុ ក៏បានសម្រេចអនុម័តគម្រោងសុំចុះបញ្ជីវិនិ យោគមានលក្ខណសម្បត្តិគ្រប់គ្រាន់ដែលមានទុនវិនិយោគក្រោម ៥លានដុល្លាចំនួន​ ៧គម្រោងផងដែរ។ លោក អភិបាលរងខេត្ត ក៏បានធ្វើការណែនាំឪ្យក្រុម​ហ៊ុនអនុវត្តគោលការណ៍មួយចំនួនដូចខាងក្រោម៖
-ក្រុមហ៊ុនរៀបចំអាងប្រព្រឹត្តកម្មទឹកកខ្វក់ឪ្យបានត្រឹមត្រូវ ដើម្បីការពារបរិស្ថាន
-រៀបចំធ្វើបណ្ណ ប.ស.សជូនបុគ្គលិក កម្មករ និង និយោជិក
-រោងចក្រត្រូវមានច្រកខ្យល់ចេញចូល ដើម្បីធានាសុ​ត្ថិភាពដល់បុគ្គលិក កម្មករ
-ការដាំដើមឈើឪ្យមាន ភាពបៃតងជួយកាត់បន្ថយកម្តៅ
-រៀបចំប្រព័ន្ធពន្លត់អគ្គិសភ័យ ៕

ដោយ ងូ សុមុនី