AKP ព្រះសីហនុ ថ្ងៃទី២២ ខែសីហា ឆ្នាំ២០២៦---

កាលពីថ្ងៃសុក្រទី២១ ខែសីហា ឆ្នាំ ២០២៦ គណៈបញ្ជាការឯកភាពរដ្ឋបាលក្រុងព្រះសីហនុ ដឹកនាំដោយ លោកអភិបាលរង ក្រុងព្រះសីហនុ ដោយ មានការសម្របសម្រួលនីតិវិធីពីតំណាងអយ្យការអមសាលាដំបូងខេត្តព្រះសី ហនុ ចុះធ្វើរដ្ឋបាលចំហនៅទីតាំងផ្ទះល្វែងមួយកន្លែង មានទីតាំងស្ថិតនៅ ភូមិ១ សង្កាត់លេខ១ ក្រុង ខេត្តព្រះសីហនុ។

ក្នុងប្រតិបត្តិការធ្វើរដ្ឋបាលចំហ កម្លាំងសមត្ថកិច្ចបានរកឃើញសម្ភារ និងវត្ថុតាងជាឧបករណ៍អេឡិចត្រូនិចជាប់ ពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា(Online Scams) ព្រមទាំងរកឃេីញជនបរទេសស្នាក់នៅពុំមានលិខិតឆ្លងដែន និងឯកសារត្រឹមត្រូវ ។

   នៅក្នុងកិច្ចប្រតិបត្តិការធ្វើរដ្ឋបាលចំហកម្លាំងជំនាញបានសម្រេចដក ហូតវត្ថុតាងរួមមាន៖
 -កុំព្យូទ័រ All-In-One ចំនួន ០១គ្រឿង
   -កុំព្យូទ័រយួរដៃ(Laptop) ចំនួន ០៧គ្រឿង
   -ទូរស័ព្ទដៃចំនួន ០២គ្រឿង
   -អាយផេត(Tablet) ចំនួន ០១គ្រឿង

ក្នុងការចុះប្រតិបត្តិការ កម្លាំងគណៈបញ្ជាការឯក ភាពរដ្ឋបាលក្រុងព្រះ សីហនុ បានធ្វើការឃាត់ខ្លួនមនុស្សចំនួន ០៧នាក់ (ប្រុស) ជាជនជាតិចិន ដែលជាប់ពាក់ព័ន្ធបទ ល្មើសឆបោកតាមប្រព័ន្ធបច្ចេកវិទ្យា (Online Scams) ក្នុងនោះពុំមានលិខិតឆ្លងដែន និងឯកសារពាក់ព័ន្ធត្រឹមត្រូវចំនួន ០៤នាក់ ។ ជនសង្ស័យទាំង ០៧នាក់ រួមជាមួយវត្ថុតាងត្រូវបាន បញ្ជូនទៅកាន់ស្នងការដ្ឋាន នគរបាលខេត្តព្រះសីហនុ ដើម្បីបន្តនីតិវិធីសាកសួរ។

សូមរម្លឹកថា គណៈបញ្ជាការឯកភាពរដ្ឋបាលក្រុង ព្រះសីហនុ ក៏ដូចជាគណៈ បញ្ជាការរដ្ឋបាលខេត្តបាន បន្តធ្វើការផ្សព្វផ្សាយចរា ចរណ៍០៣ របស់រាជរដ្ឋាភិ បាល ព្រមទាំងចុះធ្វើរដ្ឋ បាលចំហនៅតាមទីតាំងដែលមានការសង្ស័យ ព្រ មទាំងបានរកឃើញករណីឆបោកតាមប្រព័ន្ធបច្ចេកវិទ្យា (Online Scams) ហើយសកម្មភាព នេះ គឺអនុវត្តដូចភ្លៀងរលឹម ដើម្បីលុបបំបាត់ និងសំអាតផ្ទះរបស់យើង ៕

ដោយ ៖ងូ សុមុនី