AKP ភ្នំពេញ ថ្ងៃទី២០ ខែសីហា ឆ្នាំ២០២៦--កងពលធំអន្តរាគមន៍លេខ២ បានប្រារព្ធពិធីបិទវគ្គបណ្តុះបណ្តាលពេទ្យសង្គ្រោះ ឆ្នាំ២០២៦របស់កងឯកភាពចំណុះសមរភូមិទិសទី៣ យោធភូមិភាគទី៤ ក្រោមអធិបតីភាព ឯកឧត្តម ឧត្តមសេនីយ៍ឯក កែន តារា មេបញ្ជាការរង កងទ័ពជើងគោកនាថ្ងៃទី២០ ខែសីហា ឆ្នាំ២០២៦។

ក្នុងពិធីនោះដែរ ឯកឧត្តម ឧត្តមសេនីយ៍ឯក កែន តារា មេបញ្ជាការរង កងទ័ពជើងគោក តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក បានមានស្រសាសន៍ថា ក្នុងពិធីបិទវគ្គបណ្តុះបណ្តាលពេទ្យ សង្គ្រោះ

ឆ្នាំ២០២៦ នេះគឺក្នុងគោលបំណងលើកកម្ពស់ពង្រឹងសមត្ថភាព គុណភាពជំនាញ ដើម្បីពង្រឹងវិស័យការពារជាតិឲ្យនិងការពារជាតិមាតុភូមិ បូរណភាពទឹកដី ហ៊ានពលីកម្មគ្របើបែបយ៉ាងក្នុងបូព្វហេតុ ការពារជាតិ សាសនា ព្រះមហាក្សត្រ ការពាររាជរដ្ឋាភិបាលស្របច្បាប់ ជាពិសេសការងារហ្វឹកហ្វឺន បណ្តុះបណ្តាលលើគ្រប់វិស័យ និងកសាងប្រៀបការពារជាតិនាពេលបច្ចុប្បន្ន ឆ្ពោះទៅអនាគត ។

ក្នុងឱកាសនោះដែរ ឯកឧត្តម ក៏បានធ្វើការផ្ដាំផ្ញើដល់សិក្ខាកាមទាំងអស់ដែលត្រូវបានបញ្ចប់វគ្គហ្វឹកហ្វឺននេះ ត្រូវខិតខំប្រឹងប្រែងយកចិត្តទុកដាក់ឲ្យអស់ពីកម្លាំងកាយចិត្តក្នុងបន្តយកចំណេះជំនាញ ទៅបំពេញតាមតួនាទីរៀងៗខ្លួន និងព្យាយាមអនុវត្តជាក់ស្តែងដើម្បីបង្កើនសមត្ថភាព ចេះជួយទុក្ខធុរៈគ្នា ចេះពន្យល់ណែនាំគ្នាក្នុងនាមជាមិត្តរួមអាវុធដើម្បី ពង្រឹង គុណភាពចំណេះដឺងដែលបានសិក្សាកន្លងមក ឲ្យទទួលបានលទ្ធផលកាន់តែល្អប្រសើ ដើម្បីយកចំណេះដឹង នឹងជំនាញ ទាំងឡាយដែលបានខិតខំសិក្សារៀនសូត្រ ទៅបំរើក្នុងអង្គភាពឲ្យអស់ពីលទ្ធភាព ទៅតាមជំនាញ និងចំណេះដឹងដែលខ្លួនមាន ដើម្បីចូលរួមជួយអង្គភាព ក៍ដូចជាបានចូលរួមចំណែក ជួយកសាងនូវធនធានមនុស្ស នៅក្នុងកងយោធពលខេមរភូមិន្ទ ជាទំពាំងស្នងឬស្សី និងឃឿនការពារជាតិមាតុប្រទេស នាពេលអនាគត៕

ដោយ សំ សាម៉ន(ប្រភព៖កងទ័ពជើងគោក)