AKP ភ្នំពេញ ថ្ងៃទី២១ ខែសីហា ឆ្នាំ២០២៦ -- យោងតាមលោក ចៃមេនទីណូ កូ (Jaimentino Co.) រដ្ឋមន្ត្រីក្រសួងពាណិជ្ជកម្ម និងឧស្សាហកម្មហ្គីណេប៊ីសូ បានឱ្យដឹងថា ប្រទេសហ្គីណេប៊ីសូបាននាំចេញគ្រាប់ស្វាយចន្ទីប្រហែល ២០០.០០០តោនរហូតមកដល់ពេលនេះក្នុងរដូវកាលទីផ្សារឆ្នាំនេះ។

លោក កូ បានធ្វើការកត់សម្គាល់នេះកាលពីថ្ងៃពុធ ក្នុងអំឡុងពេលទស្សនកិច្ចឃ្លាំងចំនួនបីនៅក្នុងតំបន់ឧស្សាហកម្ម Bolola នៃរដ្ឋធានីប៊ីសូជាកន្លែងដែលលោកបានត្រួតពិនិត្យការដោះស្រាយ និងការនាំចេញគ្រាប់ស្វាយចន្ទី។

រដ្ឋមន្ត្រីរូបនេះបានផ្តល់ការវាយតម្លៃវិជ្ជមានអំពីដំណើរការនាំចេញដោយពិពណ៌នាអំពីវិស័យគ្រាប់ស្វាយចន្ទីថាមានសារៈសំខាន់ចំពោះសេដ្ឋកិច្ចរបស់ប្រទេស និងជីវភាពរស់នៅរបស់ប្រជាជនរបស់ខ្លួន។

យោងតាមលោក កូ បានឱ្យដឹងថា ក្រុមហ៊ុនចំនួន ៦ក្រុមហ៊ុនមិនទាន់បានប្រកាសពីការនាំចេញរបស់ពួកគេនៅឡើយទេ ទោះបីជាពួកគេបានបញ្ចប់នីតិវិធីបោសសម្អាតគយរួចហើយ ហើយនាវាបានត្រៀមខ្លួនរួចរាល់សម្រាប់ការដឹកជញ្ជូនបន្ថែមទៀតក៏ដោយ។

គ្រាប់ស្វាយចន្ទីគឺជាឆ្អឹងខ្នងនៃវិស័យនាំចេញរបស់ប្រទេសហ្គីណេប៊ីសូ។ យោងតាមធនាគារពិភពលោក គ្រាប់ស្វាយចន្ទីឆៅមានចំនួនប្រហែល៩០% នៃតម្លៃនាំចេញរបស់ប្រទេស និងផ្តល់ប្រាក់ចំណូលដល់ប្រជាជនភាគច្រើនរបស់ខ្លួន៕

ដោយ៖ មូល មិនា (ប្រភព៖ ស៊ីនហួ)