AKP កណ្ដាល ថ្ងៃទី២០ ខែសីហា ឆ្នាំ២០២៦--ឯកឧត្តម គួច ចំរើន អភិបាលខេត្តកណ្តាល នៅថ្ងៃទី១៩ ខែសីហា ឆ្នាំ២០២៦ បានអញ្ជើញជួបសាកសួរសុខទុក្ខវីរកងទ័ពចំនួន១៤រូប កំពុងសម្រាកព្យាបាលនៅមន្ទីរពេទ្យកាល់ម៉ែត្រ ដោយឧបទ្ទវហេតុគ្រោះថ្នាក់ចរាចរណ៍។

ឯកឧត្តម គួច ចំរើន អភិបាលខេត្តកណ្តាល បានលើកទឹកចិត្ត និងសូមជូនពរដល់យោធិនដែលរងរបួសទាំងអស់ឱ្យមានសុខភាពល្អមាំទាំ សូមឱ្យខិតខំថែរក្សាសុខភាពឱ្យបានមាំមួន ថ្នាក់ដឹកនាំនៅតែគិតគូរ និងជំរុញដល់ក្រុមគ្រូពេទ្យបន្តមើលថែ រហូតដល់ជាសះស្បើយ ហើយប្ដេជ្ញាមិនបោះបង់បងប្អូនវីរកងទ័ពនោះទេ។

ក្នុងឱកាសនោះក៏មានការអមដំណើរដោយលោកមេបញ្ជាការ លោកមេបញ្ជាការរង កងកម្លាំងទាំបីខេត្ត លោកប្រធានស្តីទីមន្ទីរសុខាភិបាលខេត្ត ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកណ្តាល ជាច្រើនរូបទៀតផងដែរ៕

ដោយ ណយ នឿន (ប្រភព៖ រដ្ឋបាលខេត្តកណ្តាល)