AKP ភ្នំពេញ ថ្ងៃទី១៩ ខែសីហា ឆ្នាំ២០២៦--សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បញ្ជាក់នូវការទទួលយករាល់មតិយោបល់ ក្នុងន័យស្ថាបនា ឱ្យតែមានហេតុផល និងទឡ្ហីករណ៍ត្រឹមត្រូវ តែមិនអាចទទួលយកការជេរប្រទេចនោះទេ ។

ការថ្លែងរបស់សម្តេចធិបតី ហ៊ុន ម៉ាណែត ខាងលើនេះ ធ្វើឡើងក្នុងឱកាសអញ្ជើញជួបសំណេះសំណាលជាមួយអាចារ្យ អាចារិនី លើកទី១១ នាព្រឹកថ្ងៃទី១៩ ខែសីហា ឆ្នាំ២០២៦ វិទ្យាស្ថានជាតិអប់រំ ។

ក្នុងឱកាសនោះ សម្តេចធិបតី បានថ្លែងបញ្ជាក់ថា មានបញ្ញាវន្ត នៅក្រៅប្រទេស និងក្នុងប្រទេសច្រើន ដែលមិននៅក្នុងរដ្ឋាភិបាល ដែលចង់ជួយជាគំនិត និងយោបល់ ទៅលើប្រធានបទមួយចំនួន ដែលចាប់អារម្មណ៍ ហើយចង់ដឹងតើសម្តេចទទួលឬទេ ?

ក្នុងឱកាសនោះ សម្តេចធិបតី បានបញ្ជាក់ច្បាស់ទៅនឹងសំនួរខាងលើថា សម្តេចមិនដែលមិនទទួលទេ បើមានហេតុ​ផលត្រឹមត្រូវ កុំឱ្យតែជេរយកៗ នោះសម្តេចមិនស្តាប់ឡើយ ។

សម្តេចធិបតី ហ៊ុន ម៉ាណែត មានប្រសាសន៍ "វិភាគច្បាស់លាស់ ផ្អែកលើមូលដ្ឋាន មិនចាំបាច់ស្របទេ ហើយខ្ញុំចង់បាននូវចំណុចខ្វះខាត ដើម្បីពង្រឹង វាល្អជាងចំណុចស្រប ពោះចំណុចស្របខ្ញុំដឹង គោលនយោបាយខ្ញុំដាក់ ខ្ញុំដឹងទិសដៅ ហើយខ្ញុំក៏ចង់បានការវាយតម្លៃមួយ ចឹងស្វាគមន៍ទាំងអស់" ។

បន្ថែមលើនេះ សម្តេចធិបតី បានបញ្ជាក់ថា ការអប់រំ ការបើកចិត្ត ការទទួលយក និងការគោរពគ្នាទៅវិញទៅ គឺជាកិច្ចការសំខាន់ មិនថានាយករដ្ឋមន្ត្រី​ ជាមួយនិងស្រាវជ្រាវធម្មតាក៏ដោយ៕

ដោយ៖ គង់ សិរីរ័ត្ន, រូបថត៖ គល់ រ៉េននី