AKP សៀមរាប ថ្ងៃទី២៣ ខែកក្តដា ឆ្នាំ២០២៦--សមាគមអតីតយុទ្ធជន និងនិវត្តជនកម្ពុជា នៅព្រឹកថ្ងៃទី២៣ ខែកក្កដា ឆ្នាំ២០២៦នេះ បានរៀបចំបើកវគ្គបណ្ដុះបណ្ដាលស្តីពី ការងាររដ្ឋបាល និងការងារបេឡាមរណសង្គ្រោះ ជូនដល់ថ្នាក់ដឹកនាំ និងមន្ត្រីទទួលបន្ទុកការងារក្រុងស្រុកទាំង១៣ ខេត្តសៀមរាប ។

វគ្គបណ្ដុះបណ្ដាលនេះ ធ្វើឡើងក្នុងគោលបំណងពង្រឹងសមត្ថភាពវិជ្ជាជីវៈ របៀបរបបបំពេញការងាររដ្ឋបាល និងការគ្រប់គ្រងមូលនិធិបេឡាមរណស ង្គ្រោះឱ្យកាន់តែមានតម្លាភាព ទាន់ពេលវេលា និងឆ្លើយតបបានយ៉ាងមានប្រសិ ទ្ធភាពខ្ពស់ ជូនដល់បងប្អូនអតីតយុទ្ធ ជន និង និវត្តជនដែលជាសមាជិក។

ឯកឧត្តម អ៊ុ សុខ ទេសរដ្ឋមន្ត្រី អនុប្រ ធាន និងជាអគ្គលេខាធិការសមាគមអតីតយុទ្ធជន និង និវត្តន៍ជនកម្ពុជា បានមានប្រសាសន៍ថា សមាគមអតីតយុទ្ធ ជន និងនិវត្តជនកម្ពុជា គឺជាស្ថាប័នបង្គោលមួយដែលដើរតួយ៉ាងសំខាន់ក្នុងការយកចិត្តទុកដាក់ និងគិតគូរពីសុខទុក្ខរបស់បងប្អូនអតីតយុទ្ធជន ដែលជាអ្នកមានគុណបំណាច់ចំពោះជាតិមាតុភូមិ។ ដើម្បីឆ្លើយតបទៅនឹងការរីកចម្រើននៃបច្ចេកវិទ្យា និងការកែទម្រង់រដ្ឋបាលស៊ីជម្រៅរបស់រាជរដ្ឋាភិបាល។ មន្ត្រីរដ្ឋបាល និងមន្ត្រីបេឡាមរណសង្គ្រោះ គឺជាសេនាធិការដ៏សំខាន់ និងជាអ្នកប៉ះពាល់ផ្ទាល់ជាមួយជីវភាព រស់នៅរបស់បងប្អូនអតីតយុទ្ធជន និងនិវត្តជន។ ដូច្នេះត្រូវតែបំពេញភារកិច្ចដោយក្តីអាណិតស្រឡាញ់ ស្មោះត្រង់ និងទទួលខុសត្រូវខ្ពស់បំផុត និងសម្របសម្រួល និងសម្រួលនីតិវិធីរដ្ឋបាល ក្នុងការបើកប្រាក់ឧបត្ថម្ភមរណសង្គ្រោះ ដោយមិនត្រូវទុកឱ្យមានការយឺតយ៉ាវ ដែលបង្កជាការលំបាកដល់ក្រុមគ្រួសារសពនោះឡើយ។ ត្រូវបង្កើនកិច្ចសហការ និងសាមគ្គីភាពផ្ទៃក្នុងឱ្យបានល្អប្រសើរ រវាងការិយាល័យ និងមន្ទីរពាក់ព័ន្ធ។ ក្នុងករណីមានបញ្ហាប្រឈម ឬភាពមិនប្រក្រតីណាមួយកើតឡើង ត្រូវរាយការណ៍មកថ្នាក់ដឹកនាំជាបន្ទាន់ ដើម្បីដោះស្រាយទាន់ពេលវេលា។

ឯកឧត្តមបានបន្តថា អតីតយុទ្ធជន និងនិវត្តជន គឺជាអ្នកដែល មានគុណបំណា ច់ដ៏ធំធេងចំពោះជាតិមាតុភូមិ។ ដូច្នេះការបម្រើសេវារដ្ឋបាលផ្សេងៗ ត្រូវតែធ្វើឡើងដោយបេះដូង ភាពស្មោះត្រង់ និងការទទួលខុសត្រូវខ្ពស់។

លោក នាក់ ណេរ៉ុន អនុប្រធានគណៈកម្មា ធិការ សមាគមអតីតយុទ្ធជន និងនិវត្តជនកម្ពុជា  បញ្ជាក់នូវលទ្ធផលដែលសម្រេចបានរបស់ សមាគមអតីតយុទ្ធជន និងនិវត្តជនកម្ពុជា ខេត្តសៀម រាប បានបង្ហាញថា ស្ថានភាពអតីតយុទ្ធជនកម្ពុជា គិតត្រឹមខែកក្កដា ឆ្នាំ២០២៦ សរុបចំនួន ៩,៣៣៤នាក់ និងមានអ្នករស់នៅក្នុងបន្ទុកសរុប ១២,៤៧៥នាក់។

បច្ចុប្បន្ន អតីតយុទ្ធជន នៅខេត្តសៀម រាប បានចូលជាសមាជិកសមាគម មានចំនួន ៦,៥៩៨នាក់ (ស្ថិតិប្រចាំខែកក្កដា ឆ្នាំ២០២៦) ក្នុងនោះមាន ជនពិការចំនួន ១,៩២៣នាក់ និវត្តជន  ២,៧១៤នាក់ , ជនបាត់បង់សមត្ថភាពការងារ  ១៣៨នាក់ គ្រួសារជនពលី ១,៦៤៥នាក់ និងគ្រួសារជនមរណៈ ១៧៨នាក់ ។  អតីតយុទ្ធជនដែលមិនបានចូលជាសមាជិកសមាគម មានចំនួន ២,៧២៦នាក់ ក្នុងនោះមាន៖ និវត្តជន ៦៩៦នាក់, ជនពិការ ៤២នាក់, ជនពលី ១,១១៩នាក់, ជនមរណ: ៨៦៩នាក់ ។

លោកបញ្ជាក់ថា ក្នុងរយៈពេលឆមាសទី១ ឆ្នាំ២០២៦ គិតត្រឹមខែកក្កដា អ.ន.ក ខេត្តសៀមរាប បានបើកថវិកាជូនក្រុមគ្រួសារសព ជាសមាជិកសមាគម ចំនួន១២៤គ្រួសារ គឹតជាទឹកប្រាក់ សរុបចំនួន៤៩៦,000,000រៀល ក្នុងនោះមាន៖  ថវិកាឧបត្ថម្ភដោយសម្តេចតេជោ ប្រធានសមាគម. ៨៧ សពស្មើ៣៤៨,000,000រៀល , ថវិកាបេឡាមរណសង្រ្គោះ ចំនួន ៣៧សព ស្មើ ១៤៨,000,000រៀល ៕    

ដោយ ៖ឃុត សៅ