AKPភ្នំពេញថ្ងៃទី១៦ ខែកក្កដា ឆ្នាំ ២០២៦– ឯកឧត្តម ម៉ាង ស៊ីណេត អភិបាល នៃគណៈអភិ បាលខេត្តព្រះសីហនុ និងជាប្រធានអនុគណៈកម្មាធិកាវិនិយោគខេត្តព្រះសីហនុ អញ្ជើញដឹកនាំកិច្ចប្រជុំអនុគណៈកម្មាធិការវិនិយោគខេត្តព្រះសីហនុ ដើម្បីពិនិត្យ និងអនុម័តលើគម្រោងចំនួន៤ រួមមាន៖
១.សំណើសុំនាំចូលដោយពន្ធជាបន្ទុករបស់រដ្ឋសម្រាប់រោងចក្រផលិតឧបករណ៍ជាងគ្រប់ប្រភេទ មានទីតាំងស្ថិត នៅភូមិអូរចំណារ សង្កាត់អូរឧកញ៉ា ហេង ក្រុងកំពង់សោម ខេត្តព្រះសីហនុ របស់ក្រុម ហ៊ុន GOLDENLINKPRO (CAMBODIA) HARWARE MANUFACTURING CO.,LTD. មានទុនវិនិ យោគ ២លាន ៧សែនដុល្លា។

២.សំណើសុំនាំចូលដោយពន្ធជាបន្ទុករបស់រដ្ឋសម្រាប់រោងចក្រកែច្នៃលោហធាតុដែក និងប្លាស្ទិក មានទីតាំងស្ថិតនៅក្បាលដីលេខ១២២០ ភូមិតាអាធំ ឃុំសាមគ្គី ស្រុកព្រៃនប់ ខេត្តព្រះសីហនុ របស់ក្រុមហ៊ុន D.B.GOLD IMPORT & EXPORT CO.,LTD. មានទុនវិនិយោគ ៤លាន ៨សែនដុល្លាអាមេរិក។

៣. សំណើសុំចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់របស់រោងចក្របោះពុម្ភខ្នាតធំ លើក្រដាស និងប្លាស្ទិក មានទីតាំងស្ថិតនៅភូមិចំណោតរាម សង្កាត់បិតត្រាំង ក្រុងកំពង់សោម ខេត្តព្រះសីហនុ របស់ក្រុម ហ៊ុន ZHENCHENG WELLAITECHNOLOGY (CAMBODIA) CO, LTD
៤.សំណើសុំចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់របស់រោងចក្រផលិតផ្ទាំងក្រណាត់គំនូរ បន្ទះស៊ុម គំនូរ ជើងទ្រគំនូរឈើ គ្រឿងសង្ហារិម ក្តារបន្ទះ ក្តារកិន និងគ្រាប់កម្ទេចឈើ មានទីតាំងស្ថិតនៅភូមិអូរចំណារ សង្កាត់អូរឧកញ៉ាហេង ក្រុងកំពង់សោម ខេត្តព្រះសីហនុ របស់ក្រុមហ៊ុន YIYUAN HONGDA TIMBER (CAMBODIA) CO.,LTD ។

កិច្ចប្រជុំសម្រេចឪ្យនាំ ចូលដោយពន្ធជាបន្ទុករបស់រដ្ឋសម្រាប់រោងចក្រផលិតឧបករណ៍ជាងគ្រប់ប្រភេទ និងរោងចក្រកែច្នៃលោហធាតុដែក និងប្លាស្ទិក។ និងសំណើរសុំចុះបញ្ជីគម្រោងវិនិយោគមានលក្ខណសម្បត្តិគ្រប់គ្រាន់រោងចក្របោះពុម្ពខ្នាតធំ លើក្រដាស និងផ្លាសស្ទិក និងរោងចក្រផលិតផ្ទាំងក្រណាត់គំនូរបន្ទះស៊ុម គំនូ ជើងទ្រគំនូរឈើរ គ្រឿងសង្ហារិម ក្តារបន្ទះ ក្តាកិន និងកម្ទេចឈើ។

ក្នុងឪកាសនោះឯកឧត្តម ម៉ាង ស៊ីណេត ប្រធានអនុគណៈកម្មាធិការវិនិយោគខេត្តព្រះសីហនុ បានធ្វើ ការសម្រេចឪ្យនាំចូលវត្ថុធាតុដើមដោយពន្ធជាបន្ទុករបស់រដ្ឋសម្រាប់រោងចក្រផលិតឧករណ៍ជាងគ្រប់ប្រភេទ និងរោងចក្រកែច្នៃលោហធាតុដែក និងប្លាស្ទិក ព្រមទាំងឯកភាព សំណើរសុំចុះបញ្ជីគម្រោង វិនិយោគមានលក្ខណសម្បត្តិគ្រប់គ្រាន់រោងចក្របោះពុម្ពខ្នាតធំលើក្រដាស និងផ្លាស្ទិក និងរោងចក្រផលិតផ្ទាំងក្រណាត់គំនូរបន្ទះស៊ុម គំនូ ជើងទ្រគំនូរ។ ព្រមទាំងបានធ្វើការណែ នាំមួយចំនួនដូចខាងក្រោម ក្រុមហ៊ុន -រៀបចំអាងប្រព្រឹត្តកម្មទឹកកខ្វក់ឪ្យបានត្រឹមត្រូវ ដើម្បីការពារបរិស្ថាន -រៀបចំធ្វើបណ្ណ ប.ស.ស ជូនបុគ្គលិក កម្មករ និងនិយោជិក -រៀបចំអាហារដ្ឋានឪ្យមានអនា ម័យល្អ -រោងចក្រត្រូវមានច្រកខ្យល់ចេញចូល ដើម្បីធានាផាសុខភាពដល់បុគ្គលិក កម្មករទទួលបាននូវចង្វាក់ផលិតកម្ម -ភ្ជាប់សេវាដឹកជញ្ជូនសំរាម -ការដាំដើមឈើឪ្យមានភាពបៃតងជួយកាត់បន្ថយកម្តៅ -រៀបចំប្រព័ន្ធពន្លត់អគ្គិសភ័យ -រៀបចំលានដ្ឋានសង្គ្រោះបន្ទាន់ ។ល។

ទន្ទឹមនោះ ឯកឧត្តម ប្រធានអនុគណៈកម្មាធិការវិនិ យោគខេត្តព្រះសីហនុ បានថ្លែងអំណគុណចំពោះអ្នកវិនិ យោគដែលបានមកវិនិយោគនៅខេត្តព្រះសីហនុ និងសូមទាក់ទាញអ្នក វិនិយោគផ្សេងទៀតមកធ្វើការវិនិយោគនៅខេត្តព្រះសីហនុ និងសូមជូនពរឪ្យដំណើការអាជីវកម្មទទួល បានលទ្ធផលល្អ ព្រមទាំងបានប្រគល់វិញ្ញាបនបត្រចុះបញ្ជីគម្រោងវិនិយោគ មានលក្ខណសម្បត្តិគ្រប់គ្រាន់ដល់ក្រុមហ៊ុនផងដែរ ៕ ដោយ៖ ងូ សុមុនី