AKP ភ្នំពេញ ថ្ងៃទី២៨ ខែឧសភា ឆ្នាំ២០២៦ -- ប្រទេសអារ៉ាប៊ីសាអូឌីតបានប្រកាសកាលពីថ្ងៃពុធអំពីការគាំទ្រជាបន្ទាន់សម្រាប់ប្រទេសយេម៉ែនក្នុងទម្រង់ជាប្រេងឥន្ធនៈដែលមានតម្លៃ ១៥០លានដុល្លារអាម៉េរិក។

កម្មវិធីអភិវឌ្ឍន៍ និងកសាងឡើងវិញរបស់អារ៉ាប៊ីសាអូឌីតសម្រាប់ប្រទេសយេម៉ែនបាននិយាយនៅក្នុងការបង្ហោះមួយនៅលើបណ្ដាញសង្គមអ៊ិចថា ការគាំទ្រនេះមានបំណងគ្របដណ្តប់លើតម្រូវការប្រតិបត្តិការនៃប្រេងម៉ាស៊ូតសម្រាប់រោងចក្រថាមពលនៅទូទាំងខេត្តរបស់ប្រទេសយេម៉ែន។

កម្មវិធីនេះបាននិយាយថា ការគាំទ្រនេះមានគោលបំណងបង្កើនស្ថេរភាពនៃប្រព័ន្ធអគ្គិសនី កែលម្អនិរន្តរភាពនៃសេវាកម្មជាមូលដ្ឋាន និងបន្ធូរបន្ថយទុក្ខវេទនារបស់ប្រជាជនយេម៉ែន ដោយហេតុនេះពង្រឹងសេវាកម្មសំខាន់ៗ និងគាំទ្រសកម្មភាពសេដ្ឋកិច្ច និងអភិវឌ្ឍន៍នៅក្នុងប្រទេសយេម៉ែន។

កម្មវិធីនេះត្រូវបានបង្កើតឡើងនៅឆ្នាំ២០១៨ ក្នុងដំណើរការក្រោមកិច្ចព្រមព្រៀងអភិវឌ្ឍន៍ដ៏ទូលំទូលាយរវាងរដ្ឋាភិបាលអារ៉ាប៊ីសាអូឌីត និងយេម៉ែន៕

ដោយ៖ មូល មិនា (ប្រភព៖ ស៊ីនហួ)