AKP ភ្នំពេញ ថ្ងៃទី២២ ខែឧសភា ឆ្នាំ២០២៦ -- តម្លៃជាមធ្យមនៃប្រេងឆៅប្រភេទ Brent ក្នុងរយៈពេល ១២ខែខាងមុខ ត្រូវបានគេរំពឹងថានឹងនៅតែស្ថិតក្នុងចន្លោះពីប្រហែល ៨១-១០០ដុល្លារអាម៉េរិកក្នុងមួយបារ៉ែល។ នេះបើយោងតាមការប៉ាន់ស្មានរបស់ទីភ្នាក់ងារ Bloomberg ដែលផ្អែកទៅលើការស្ទង់មតិអ្នកគ្រប់គ្រងទ្រព្យសកម្ម និងអ្នកជំនាញចំនួន ១២៦នាក់។

អ្នកចូលរួមទីផ្សារបានសន្មតថា កម្រិតខ្ពស់នៃភាពតានតឹងភូមិសាស្ត្រនយោបាយនឹងនៅតែបន្តកើតមាននៅក្នុងប៉ុន្មានខែខាងមុខ ដោយសារតែប្រតិបត្តិការយោធារបស់សហរដ្ឋអាមេរិក និងអ៊ីស្រាអែលប្រឆាំងនឹងអ៊ីរ៉ង់និងសកម្មភាពសងសឹកដោយសាធារណរដ្ឋអ៊ីស្លាមអ៊ីរ៉ង់។ ក្នុងពេលជាមួយគ្នានេះ អ្នកជំនាញជឿថា ស្ថានភាពវិបត្តិបច្ចុប្បន្នមិនគួរនាំឱ្យមានការផ្លាស់ប្តូរជាមូលដ្ឋាននៅក្នុងទីផ្សារប្រេង ដែលនឹងផ្លាស់ប្តូរតុល្យភាពនៃការផ្គត់ផ្គង់និងតម្រូវការយ៉ាងខ្លាំងនោះទេ។

អ្នកឆ្លើយតបដែលត្រូវបានស្ទង់មតិដោយទីភ្នាក់ងារនេះ មើលឃើញពីការធ្លាក់ចុះនៃតម្រូវការជាសកលក្នុងរយៈពេលប៉ុន្មានខែខាងមុខ ដែលជាសេណារីយ៉ូដែលទំនងបំផុតសម្រាប់ស្ថេរភាពតម្លៃប្រេង។ អ្នកជំនាញក៏បានរំពឹងទុកផងដែរថា កំណើនផលិតកម្មប្រេងនៅសហរដ្ឋអាមេរិក ដែលអាចឈានដល់កំណត់ត្រា ១៤,១លានបារ៉ែលក្នុងមួយថ្ងៃនៅត្រឹមឆ្នាំ២០២៧។ ដូចដែលអ្នកចូលរួមទីផ្សារបានកត់សម្គាល់ ទិន្នផលខ្ពស់របស់សហរដ្ឋអាមេរិកនឹងធ្វើឱ្យបរិមាណប្រេងបន្ថែមសម្រាប់ពាណិជ្ជកម្មសកលលោកមានសេរីភាព៕

ដោយ៖ យា ចិន្ដាខន្ដី (ប្រភព៖ តាសស៍)