AKP ខេត្តព្រះសីហនុ ថ្ងៃទី១២ ខែឧសភា ឆ្នាំ២០២៦--ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ​ និងឯកឧត្តមបណ្ឌិត យ៉េត វីណែល អនុ ប្រធានលេខាធិការដ្ឋាន គ.ប.ឆ.ប និងជាប្រធានក្រុមការងារ ទី២ នៃក្រុមកា រងារចម្រុះចំណុះលេខាធិការដ្ឋាន គ.ប.ឆ.ប នៅព្រឹកថ្ងៃអង្គារទី១២ ខែឧ សភា ឆ្នាំ២០២៦ដឹកនាំ កិច្ចប្រជុំពិភាក្សាលើការចុះត្រួតពិនិត្យ និងវាយតម្លៃទីតាំងកាស៊ីណូ និងមិនមែនកាស៊ីណូ ក្នុងខេត្តព្រះសីហនុ ដែលបានបិទសៀ ល (Seal)កន្លងមកពាក់ព័ន្ធនឹងករណីឆបោកតាមប្រព័ន្ធបច្ចេកវិទ្យា (Online Scams) ក្នុងភូមិសាស្ត្រខេត្តព្រះសី ហនុ។

   ឯកឧត្តម ម៉ាង ស៊ីណេត អភិបាលខេត្តព្រះសីហនុ​ មានប្រសាសន៍បើកកិច្ចប្រជុំដោយគូសបញ្ជាក់ថា ការ ងារអាទិភាពរបស់រាជរដ្ឋាភិបាលបានដាក់ចេញគោ លការណ៍ពាក់ព័ន្ធនឹងការបង្ក្រាប និងសំអាតផ្ទះរបស់យើង ពាក់ព័ន្ធករណីឆបោកតាមប្រព័ន្ធបច្ចេកវិទ្យា (Online Scams) ដើម្បីធ្វើការបង្ក្រាប និងសំអាតផ្ទះរបស់យើងនៅទូទាំងប្រទេស ដោយ ឡែកនៅខេត្តព្រះសីហនុ យើងបានរៀបចំក្រុមការជាពីរក្រុម ដើម្បីធ្វើការផ្សព្វផ្សាយចរាចរណ៍លេខ០៣ របស់រាជរដ្ឋាភិបាលកម្ពុជា​ ដល់ប្រជា ពលរដ្ឋជា ម្ចាស់សណ្ឋាគារ ផ្ទះសំណាក់ ផ្ទះជួល និងបឹងហ្កាឡូនៅក្នុងភូមិសាស្ត្រខេត្តព្រះសីហនុ។ ទន្ទឹមនោះ យើងបានចុះធ្វើការផ្សព្វផ្សាយចរាចរណ៍ លេខ០៣ របស់រាជរដ្ឋាភិ បាលជំហានទី៣ បានបញ្ចប់រួចរាល់​នៅលើទីតាំង១​ ០១៣ទី តាំង រកឃើញទីតាំង Scams មានចំនួន ៤៧ទីតាំង និងការស្នាក់នៅដោយខុសច្បាប់ចំនួន ៣០ទីតាំង។ ចំពោះការចុះធ្វើបច្ចុប្បន្នភាពនៅលើទីតាំងបិត (Seal) នាពេលកន្លងមក​ ប្រសិនបើនៅ ពេលចុះទៅទីតាំងដែល យើងបានបិទ (Seal) រកឃើញមាន Computer សូមឪ្យប្រគល់ដល់ក្រុមការងារ ដើម្បីឃ្លាចេញពីទីតាំង ដើម្បីរួមគ្នាបិទបញ្ចប់ Scams Online នៅក្នុងភូមិសាស្ត្រខេត្តព្រះសីហនុ​។

 ឯកឧត្តមបណ្ឌិត យ៉េត វីណែល អនុប្រធា នលេខាធិការដ្ឋាន គ.ប.ឆ.ប និងជាប្រធានក្រុមការងារទី២ នៃក្រុមការងារចម្រុះចំណុះ លេខាធិការដ្ឋាន គ.ប.ឆ.ប​​ មានប្រសាសន៍ថា កិច្ចប្រជុំនាពេលនេះ យើងមានចំណុចមួយចំនួនដូចជា៖ ១.ស្នើសុំកិច្ចសហប្រតិបត្តិការពីអាជ្ញាធរខេត្ត និងអង្គភាពពាក់ព័ន្ធក្នុងការចុះពិនិត្យទីតាំងកាស៊ីណូដែលបានបិទ (Seal) ការបំពាក់ការម៉ារ៉ាសុវត្ថិភាពនៅទី តាំង ការកាត់ផ្តាច់ទឹក ភ្លើង និងអ៊ិនធរណែត ។២.ចុះពិនិត្យទីតាំងផ្សេងទៀតដែល នៅខាងក្រៅកាស៊ីណូ ដើម្បីធានាថា ការបិទ (Seal) ការបំពាក់កាម៉ារ៉ា ៣.ចុះពិនិត្យទីតាំងកាស៊ីណូ និងក្រៅកាស៊ីណូនៅក្នុងភូមិសាស្ត្រខេត្តព្រះ សីហនុ ដោយឡែកនៅខេត្តព្រះសីហនុ មានកាស៊ីណូចំនួន៩៤ ដែលបានស្នើសុំអាជ្ញាប័ណ្ណ ក្នុងនោះកាស៊ីណូចំនួន​៣៨ ត្រូវបានដកហូត និងព្យួរអាជ្ញាប័ណ្ណ។

  ឯកឧត្តមបណ្ឌិត យ៉េត វីណែល បានស្នើសុំកិច្ចសហប្រតិបត្តិការពីអាជ្ញាធរខេត្ត ​ក្រុង ស្រុក និងអង្គ ភាពពាក់ពន្ធ័ ដើម្បីរួមគ្នាជាមួយក្រុមការងារលេខា ធិការដ្ឋាន គ.ប.ឆ.ប ចុះត្រួតពិនិត្យនៅតាមទីតាំងកាស៊ីណូ និងនៅខាងក្រៅកាស៊ីណូដែលបានបិទ (Seal) បិទទឹក ភ្លើង និងអ៊ិនធរណែតនាពេលកន្លងមក ចាប់ពីថ្ងៃទី១២ ដល់ថ្ងៃទី២០​ ខែឧសភា ឆ្នាំ២០២៦នៅលើទីតាំងចំនួន៦៨ ក្នុងបេសកកម្ម​បោស សំអាត និងសំអាតផ្ទះរបស់យើង។

 កិច្ចប្រជុំគណៈបញ្ជាការឯកភាពរដ្ឋបាលខេត្តព្រះសីហនុ និងលេខាធិការធិការដ្ឋាន គ.ប.ឆ.ប បានឯកភាពគ្នាបន្តចុះត្រួតពិនិត្យ ទីតាំងកាស៊ីណូ និងក្រៅកាស៊ីណូដែលក្រុមការងារ បានបិទ​ Seal ការកាត់ទឹក ភ្លើង និងអ៊ិនធរណែតនាពេលកន្លងមក និងបន្តចុះត្រួតពិនិត្យបន្ថែមទៀតនៅក្នុងភូមិសាស្ត្រខេត្តព្រះសីហនុ ដើម្បីធានាថា នៅខេត្តព្រះសីហនុ ត្រូវ​បានបាសសំអាតផ្ទះយើង Online Scams នៅក្នុងភូមិសាស្ត្រខេត្តព្រះសីហនុ ៕

ដោយ៖ងូ សុមុនី