AKP ភ្នំពេញ ថ្ងៃទី១២ ខែឧសភា ឆ្នាំ២០២៦—លោកឧត្តមសេនីយ៍ត្រី ឡុក ប៊ុនធឿន នាយសេនាធិការរង យោធភូមិភាគទី៤ តំណាងដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក ពៅ ហេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៤ ព្រមទាំងសហការី បាននាំយកថវិកាចំនួន ១២,០០០,០០០៛ (ដប់ពីរលានរៀល) និង ៥០០$ (ប្រាំរយដុល្លា) ដើម្បីប្រគល់ជូន សាខាកាកបាទក្រហមខេត្តសៀមរាប ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទ័ក្រហម ៨ ឧសភា ២០២៦នៅ រសៀលថ្ងៃទី១១ ខែឧសភា ឆ្នាំ២០២៦ ។ក្នុងនោះ៖
- ១២,០០០,០០០៛ បានមកពីការចូលរួមរបស់ នាយទាហាន នាយទាហានរង ពលទាហាន និងបណ្តាអង្គភាពចំណុះ យោធភូមិភាគទី៤ទាំងអស់។
- ៥០០$ ជាថវិកាផ្ទាល់ខ្លួនរបស់ លោកជំទាវ សុខ ណារ៉ូ ពៅ ហេង ឧត្តមភរិយា ឯកឧត្តម មេបញ្ជាការយោធភូមិភាគទី៤ និងជាអនុប្រធានគណៈកម្មាធិការ សាខាកាកបាទក្រហម ខេត្តសៀមរាប ផងដែរ។

ជាចុងក្រោយលោកប្រធាន សាខាកាកក្របាទក្រហម ខេត្តសៀមរាបក៏បានថ្លែងអំណរគុណយ៉ាងជ្រាលជ្រៅ និងជូនពរដល់ ឯកឧត្តម មេបព្ជាការ យោធភូមិភាគទី៤ និងលោកជំទាវ ព្រមទាំង នាយទាហាន នាយទាហានរង ពលទាហាន និងបណ្តាអង្គភាពចំណុះ យោធភូមិភាគទី៤ទាំងអស់ សូមមានសុខភាពល្អបរិបូរណ៍ កម្លាំងមាំមួន ប្រាជ្ញាវាងវៃ និងជួបតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ដោយ៖ សំ សាម៉ន, ប្រភព៖ បញ្ជាការដ្ឋានកងទ័ពជើងគោក