AKP ព្រះសីហនុ ថ្ងៃទី០៦ ខែឧសភា ឆ្នាំ២០២៦--  
រសៀលថ្ងៃពុធទី៦ ខែឧសភា ឆ្នាំ២០២៦ ឯកឧត្តម ឧត្តមនាវីទោ ឆុង ស៊ីដេត មេបញ្ជាការរង និងជានាយ សេនាធិការមូលដ្ឋានសមុទ្ររាម ព្រម ទាំងនាយ នាវីជាច្រើនរូប បានអញ្ជើញទទួលស្វាគមន៍នាវាកង ទ័ពជើងទឹកប្រជា ជនវៀត ណាមចំនួន ០១គ្រឿង លេខ២៦៣ ដឹកនាំដោយឧត្តមនាវីត្រី ង៉ូ វ៉ាន់ថាញ់ មេបញ្ជាការនយោបាយ បញ្ជាការដ្ឋានតំបន់៥ នៃកងទ័ពជើងទឹក ប្រជាជនវៀតណាម បានចូលសំចតនៅកំពង់ផែមូលដ្ឋានសមុទ្ររាម។

 ក្នុងដំណើរចូលរួមកិច្ចប្រជុំដកបទពិសោ ធន៍ការងារល្បាតរួមគ្នាលើកទី៣៦- ៣៧ នៅមូលដ្ឋានសមុទ្ររាម ជាមួយកងទ័ព ជើងទឹក នៃកងយោធពលខេមរភូមិន្ទកម្ពុជា ដែលនឹង ប្រព្រឹត្តទៅនៅថ្ងៃទី៧ ខែឧសភា ឆ្នាំ២០២៦ ។   

បន្ទាប់ពីការចូលចតនៅកំពង់ផែសមុទ្ររាមប្រកបដោយសុវត្ថិភាពរួចមកគណៈប្រតិភូកងទ័ពជើង ទឹកប្រជាជនវៀតណាម ដឹកនាំដោយឧត្តមនាវីត្រី ង៉ូ វ៉ាន់ថាញ់ មេបញ្ជាការនយោបាយ បញ្ជាការដ្ឋានតំបន់៥ កងទ័ពជើងទឹកប្រជាជនវៀតណាម និងសហការី បានអញ្ជើញចូលជួបសម្តែងការគួរសម និងពិភាក្សាការងារជាមួយ ឯកឧត្តម ឧត្តមនាវីទោ ម៉ី ឌីណា មេបញ្ជាការមូល ដ្ឋានសមុទ្ររាម ដើម្បីពង្រឹងចំណងមិត្តភាព និងកិច្ចសហប្រតិបត្តិការកាន់តែល្អរវាងកងទ័ពជើងទឹក នៃប្រទេសទាំងពីរ កម្ពុជា-វៀតណាម។ 

លក្ខណៈបច្ចេកទេសនាវា HQ ២៦៣ មានបណ្ដោយ ៤៩.៥៣ម៉ែត្រ ទទឹង ៩.២ម៉ែត្រ ជម្រៅទឹក ២.៣ម៉ែត្រ ទម្ងន់ផ្ទុក ៣៧៥តោន ៕ 

ដោយ ៖ងូ សុមុនី