AKP ព្រះសីហនុ ថ្ងៃទី០៦ ខែឧសភា ឆ្នាំ២០២៦--

បទល្មើសឆបោកតាមប្រព័ន្ធបច្ចេកវិទ្យាត្រូវតែបង្ក្រាប និងបោសសម្អាតឱ្យបានជាដាច់ខាត ដើម្បីធានាសន្តិសុខ សុវត្ថិ ភាពដល់អ្នកវិនិយោគ ភ្ញៀវទេសចរជាតិ អន្តរជាតិក្នុងខេត្តព្រះសីហនុ នេះជាការលើក​ឡើង​របស់ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ ក្នុងឪកាសដែលឯកឧត្តមអញ្ជើញផ្សព្វ ផ្សាយច្បាប់ ស្តីពីការប្រឆាំងការឆបោកតាមប្រព័ន្ធបច្ចេកវិជ្ជា នាសៀលថ្ងៃពុធទី៦ ខែឧសភា ឆ្នាំ២០២៦ ដោយ មានការចូលរួមពីកងកម្លាំងប្រដាប់អាវុធ លោកអភិ បាលក្រុង ស្រុក មេឃុំ ចៅសង្កាត់ ម្ចាស់ក្រុមហ៊ុន ម្ចាស់អាជីវករ​ រោងចក្រ សហគ្រាស ម្ចាស់សណ្ឋាគារ ផ្ទះសំណាក់​ ផ្ទះជួល និងប្រជាពលរដ្ឋសរុបចំនួន​ ៦០៥នាក់ ស្រី ១៤៨នាក់។    

ឯកឧត្តម ម៉ាង ស៊ីណេត អភិបាលខេត្តព្រះសីហនុ មានប្រសាសន៍ថា ការផ្សព្វ ផ្សាយច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យានាពេលនេះ ក្នុងគោលបំណងកំណត់អំពីវិធានផ្នែកព្រហ្មទណ្ឌ ដើម្បីលើកកម្ពស់ចូលរួមថែរក្សាការពារសន្តិសុខ និងសណ្តាប់ធ្នាប់សាធា រណៈ ព្រមទាំងលើកកម្ពស់ប្រសិទ្ធភាពនៃកិច្ចសហប្រតិបត្តិការក្នុងការប្រយុទ្ធប្រឆាំងនឹងឧក្រិដ្ឋកម្ម្ម ដើម្បីបង្ហាញនូវភាពកក់ក្តៅដល់ភ្ញៀវជាតិ អន្តរជាតិ និងអ្នកវិនិយោគ ក៏ដូចជាការបង្កើននូវទំនុកចិត្តចំពោះការដឹកនាំរបស់រាជរដ្ឋាភិ បាលកម្ពុជា ក្នុងការប្រយុទ្ធប្រឆាំងបទល្មើសឆបោកតាមប្រព័ន្ធបច្ចេកវិទ្យា (Online Scams)។

 រាជ រដ្ឋាភិបាលបានខិតខំប្រឹងប្រែងយ៉ាងសកម្មក្នុងការការពារបូរណភាទឹកដី និងកសាងប្រទេសជាតិឱ្យរីកច ម្រើន។ ដូចនេះមន្ត្រីរាជការ កងកម្លាំងប្រដាប់អាវុធ បងប្អូនប្រជាពលរដ្ឋ រួមទាំងពាណិជ្ជករ អាជីវករ ទាំងជាតិ អន្តរជាតិដែល កំពុងប្រកបរបរអាជីវកម្ម នៅកម្ពុជាទាំងអស់គ្នា ជាពិសេសនៅខេត្តព្រះសីហនុ ត្រូវចូលរួមចំណែកជាមួយរាជរដ្ឋាភិបាល និង រដ្ឋបាលខេត្តព្រះសីហនុក្នុងការបោសសម្អាតផ្ទះរបស់យើងឱ្យបានស្អាតល្អ និងទទួលយកនូវសេដ្ឋកិច្ចដែលមានចីរភាពសម្រាប់កម្ពុជា។ 

 ឯកឧត្តម អភិបាលខេត្តព្រះសីហនុ បានបញ្ជាក់ថា​ ច្បាប់ស្តីពីការប្រឆាំងការឆបោកតាមប្រព័ន្ធបច្ចេក វិទ្យា និងអនុក្រឹត្យលេខ ០៣អនក្រ.បក ស្តីពីការគ្រប់គ្រងសន្តិសុខ សុវត្ថិ ភាពតាមទីតាំងរស់នៅប្រមូលផ្តុំ គឺជាសក្ខីភាព នៃការប្តេជ្ញាចិត្តខ្ពស់របស់រាជរដ្ឋាភិបាលកម្ពុជា នីតិកាលទី៧ នៃរដ្ឋសភា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការប្រយុទ្ធប្រឆាំងបទ ល្មើសគ្រប់ទម្រង់ ជាពិសេសការបង្រ្កាបលុបបំបាត់ការឆបោកតាមប្រព័ន្ធបច្ចេកវិទ្យាដែលជាទម្រង់បទល្មើសឧក្រិដ្ឋមួយថ្មីមានលក្ខណៈសាំញ៉ាំ ប៉ះពាល់អវិជ្ជមានជាសកលដែលតម្រូវឱ្យយើងរួមគ្នាធ្វើការបង្រ្កាប និងបោស សម្អាតឱ្យខាងតែបាន។

  ជាមួយគ្នានោះដែរ ឯកឧត្តម អភិបាល ខេត្ត ក៏បានធ្វើការណែនាំនូវចំនួនមួយ ចំនួនដូចខាងក្រោម៖

 -គណៈបញ្ជាការឯកភាព រដ្ឋបាលខេត្ត ក្រុង ស្រុក និងរដ្ឋបាលឃុំ-សង្កាត់ ត្រូវអនុវត្តឱ្យកាន់តែសកម្មប្រកបដោយស្មារតីទទួលខុសត្រូវខ្ពស់ចំពោះគោល នយោបាយ និងគោលការណ៍នានារបស់រាជរដ្ឋាភិបាលក្នុងការចូលរួមថែរក្សាការពារបានយ៉ាងរឹង មាំនូវសន្តិភាព អធិបតេយ្យជាតិ បូរណភាពទឹកដី ស្ថិរភាពនយោបាយ សន្តិសុខ សុវត្ថិភាពសង្គម និងសណ្តាប់ធ្នាប់សាធារណៈ។

 -គណៈបញ្ជាការឯកភាព រដ្ឋបាលខេត្ត ក្រុង ស្រុក និងរដ្ឋបាលឃុំ សង្កាត់ ត្រូវយកចិត្តទុកដាក់ជំរុញជាប់ជាប្រចាំនូវការអនុវត្តគោលនយោបាយ «ភូមិ ឃុំ សង្កាត់ មានសុវត្ថិ ភាព» ព្រមទាំងការប្ដេជ្ញា ប្រយុទ្ធប្រឆាំងជាមួយឧក្រិដ្ឋជនជួញដូរមនុស្ស ជួញដូរគ្រឿងញៀន ជួញដូរអាវុធ បង្ខាំងធ្វើទារុណកម្មមនុស្សជម្រិតទារប្រាក់ និងបទល្មើសផ្សេងៗទៀតឱ្យកាន់តែមានប្រសិទ្ធភាពខ្ពស់ ជាពិសេសចំពោះបទ ល្មើសឆបោកតាមប្រព័ន្ធបច្ចេកវិទ្យាត្រូវតែបង្ក្រាប និងបោសសម្អាតឱ្យបានជាដាច់ខាត ដើម្បីធានាសន្តិសុខ សុវត្ថិភាពដល់អ្នក វិនិយោគ ភ្ញៀវទេសចរ និងការរស់នៅបានសុខ ស្រួលរបស់ប្រជាជនក្នុងខេត្ត ។
-ម្ចាស់អាជីវកម្មសណ្ឋាគារ ផ្ទះសំណាក់ ផ្ទះជួល ខុនដូ បុរី ត្រូវខិតខំយកចិត្តទុកដាក់គ្រប់គ្រងការចេញ ចូល គ្រប់គ្រងការស្នាក់នៅ ការ ប្រកបមុខរបររបស់ជនបរទេសនៅក្នុងទីតាំងរបស់ខ្លួន ដើម្បីបង្ការទប់ស្កាត់ ការលបលួចស្នាក់ នៅគ្មានឯកសារគ្រប់គ្រាន់ ការប្រកប មុខរបរដោយខុសច្បាប់ ជាពិសេសកុំឱ្យមានការលបលួចប្រព្រឹត្តបទល្មើសឆបោកតាមប្រព័ន្ធបច្ចេកវិទ្យាក្នុងទីតាំងរបស់ខ្លួនជាដាច់ខាត ៕

ដោយ៖ ងូ សុមុនី