AKPកំពង់ធំថ្ងៃទី០៦ខែឧសភាឆ្នាំ២០២៦--

ឯកឧត្តម នួន ផារ័ត្ន អភិបាលនៃគណៈអភិបាលខេត្តកំពង់ធំនាព្រឹកថ្ងៃទី០៦ចែឧសភាឆ្នាំ២០២៦ បានអញ្ជើញចូលរួមក្នុងពិធីអបអរសាទរខួបអនុស្សាវរីយ៍លើកទី១៤០នៃទិវាពលកម្មអន្តរជាតិ១ ឧសភា២០២៦នៅទីស្នាក់ការក្រុមហ៊ុន ស៊ីអស៊ីខេ២កំពង់ធំអភិវឌ្ឍន៍កៅស៊ូនៅភូមិផ្ទះដើមឃុំពពកស្រុកស្ទោងខេត្ត កំពង់ធំ។

ក្នុងឱកាសនោះឯកឧត្តម នួន ផារ័ត្នបានពាំនាំប្រសាសន៍ផ្តាំផ្ញើសួរសុខទុក្ខពីសំ ណាក់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជា ណាចក្រកម្ពុជានិងលោកជំទាវបណ្ឌិតជូនដល់បងប្អូនដែលជានិយោជិតបម្រើការងារនៅក្រុមហ៊ុនចម្ការកៅស៊ូនៅពេលនេះ ជាពិសេសការគិតគូរពីសុខទុក្ខរបស់បងប្អូននិយោជិត តាមរយៈការលើកកម្ពស់លក្ខខណ្ឌការងារ ការផ្តល់នូវសិទ្ធិសេរីភាព អត្ថប្រយោជន៍ បេឡាជាតិរបបសន្តិសុខសង្គម អត្ថប្រយោជន៍នានារបស់បងប្អូនកម្មករនិយោជិតនិងពង្រឹងយន្តការដោះស្រាយវិវាទការងារដែលអាចកើ តមានឡើងជាសត្យានុម័ត សំដៅធ្វើឱ្យមានភាពកាន់តែល្អប្រសើរឡើងនៃទំនាក់ទំនងវិជ្ជាជីវៈនៅកន្លែងធ្វើការងារ។

ឯកឧត្តមបានជម្រាបជូនដល់បងប្អូននិយោជិតថា"ពេលក្នុងកាលៈទេសៈបច្ចុប្បន្ននេះយើងត្រូវលាត់ជើងខោ មួលដៃអាវ ប្រឹងប្រែងបំពេញការងារឱ្យបានកាន់តែល្អ កាន់តែសកម្មដើម្បីវឌ្ឍនភាពទៅមុខជាពិសេសរួមចំណែកពង្រឹងភាពធន់នៃខឿនសេដ្ឋកិច្ចជាតិរបស់យើង"។

ឯកឧត្តម នួន ផារ័ត្នបានអំពាវនាវដល់យុវជនដែលមកពីគ្រួសារក្រីក្រនិងគ្រួ សារងាយរងហានិភ័យឱ្យចូលសិក្សាដោយឥតបង់ថ្លៃ លើមុខជំនាញបច្ចេ កទេសនិងវិជ្ជាជីវៈនៅវិទ្យាស្ថានពហុប ច្ចេកទេសកំពង់ធំ“រៀនឱ្យចប់ រៀនឱ្យចេះ រៀនឱ្យមានការងារធ្វើ”ព្រមទាំងរួមគ្នាគោរពច្បាប់ចរាចរណ៍ផ្លូវគោក ខិតខំធ្វើការងារចូលរួមថែរក្សាអនាម័យដើម្បីសុខភាពយើងទាំងអស់គ្នានិងជៀសវាងការប្រើប្រាស់ការជួញដូរគ្រឿងញៀនគ្រប់ប្រភេទ៕

ដោយ៖ ស៊ុម វណ្ណា