AKP កំពង់ស្ពឺ ថ្ងៃទី៦ ខែឧសភា ឆ្នាំ២០២៦---

សកម្មភាពឆបោកតាមប្រព័ន្ធបច្ចេកវិទ្យា (ONLINE SCAMS) ជាបញ្ហារសើប ដល់សន្តិសុខ គ្រោះមហន្តរាយក្នុងពិភ ពលោក និងតំបន់ រួមទាំងព្រះរាជា ណាចក្រកម្ពុជាផងដែរ ឯកឧត្ដម នៅ លក្ខិណា រដ្ឋលេខាធិការក្រសួងមហាផ្ទៃ មានប្រសាសន៍ដូច្នេះនៅគ្រាដែលឯកឧត្តមអញ្ជើញជាធិបតីភាពក្នុងពិធីផ្សព្វផ្សាយផែនការស្ដីពីការបន្តនិរន្តរ ភាពយុទ្ធនាកាការបោសសម្អាតការឆបោកតាមប្រព័ន្ធបច្ចេកវិទ្យា (Online Scams) ក្នុងព្រះរាជាណាចក្រកម្ពុជា នៅអគាររដ្ឋបាលខេត្តកំពង់ស្ពឺសាលប្រជុំ វ៉ី សំណាង នាព្រឹកថ្ងៃទី៦ ខែ
ឧសភា ឆ្នាំ២០២៦នេះ ដោយមានសមាសភាពអញ្ជើញចូលរួមប្រមាណជា ៣៥០ នាក់។

ឯកឧត្តមបានបន្តទៀតថា ផ្អែកលើបរិកា រណ៍នេះ រាជរដ្ឋាភិបាលបានដាក់ ចេញនូវវិធានការចាំបាច់ជា បន្តបន្ទាប់ ជាពិ សេសបទបញ្ជា លេខ០១បប ចុះថ្ងៃទី១៤ ខែកក្កដា ឆ្នាំ២០២៥ ស្តីពីយុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យា ក្នុងគោលបំណងដើម្បីបង្ការ ទប់ស្កាត់ និងប្រយុទ្ធប្រឆាំងទៅនឹងឧក្រិដ្ឋកម្មនេះឱ្យមានប្រសិទ្ធភាពខ្ពស់ សំដៅចូលរួមចំ ណែកថែរក្សាការពារសន្តិសុខ សណ្តាប់ធ្នាប់សាធារណៈ សុវត្ថិភាពសង្គមកម្ពុជា។

លើសពីនេះផ្តើមចេញពីការប្តេជ្ញាចិត្តផ្នែកនយោបាយដ៏មោះមុតឥតងាករេរបស់រាជរដ្ឋាភិបាល ក្រសួង ស្ថាប័ន ពាក់ព័ន្ធ រដ្ឋបាលថ្នាក់ក្រោមជាតិ និងអាជ្ញាធរមានសមត្ថកិច្ចនានា បានចូលរួមយ៉ាងសកម្មក្នុងការប្រយុទ្ធ ប្រឆាំងការឆបោកតាមប្រព័ន្ធបច្ចេកវិទ្យាបានធ្វើឱ្យបទល្មើសនេះត្រូវបានកាត់បន្ថយ និងលុបបំបាត់ក្នុង ភូមិសាស្ត្រប្រមូលផ្តុំសំខាន់ៗជាច្រើនដែលធ្វើឱ្យបរិយាកាសសន្តិសុខ សុវត្ថិភាពក្នុងសង្គមកម្ពុជាទាំងមូល មានភាពប្រសើរឡើង បង្កើនបរិយាកាសវិនិយោគ និងបានស្តារមុខមាត់ កិត្តិយសជាតិលើឆាកអ ន្តរជាតិ៕

ដោយ៖ ម៉ែន ប៊ុនធីម