AKP កំពង់ធំថ្ងៃទី០៦ខែឧសភាឆ្នាំ២០២៦--លោកឧត្តមសេនីយ៍ទោ នាង សុជីវី ស្នងការស្នងការដ្ឋានកសាងកម្លាំងកង រាជអាវុធហត្ថលើផ្ទៃប្រទេសនិងជាប្រធានក្រុមការងារទី១ តំណាងដ៏ខ្ពង់ខ្ពស់ ឯកឧត្ដម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោ ធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស និងលោកឧត្តមសេនីយ៍ត្រី មាស យ៉ត មេបញ្ជាការកងរាជអាវុធហត្ថខេត្ត កំពង់ធំអញ្ជើញដឹកនាំកិច្ចប្រជុំដំណើរការត្រួតពិនិត្យចំនួនទ័ព-កូន និងពិនិត្យស្ថានភាពយោធិននៃកងរាជ អាវុធហត្ថខេត្ត ដល់អាយុចូលសោធននិវត្តន៍នៅសាលប្រជុំបញ្ជាការដ្ឋានកងរាជអាវុធហត្ថខេត្តកំពង់ធំ កាលពីថ្ងៃទី០៥ខែឧសភា ឆ្នាំ២០២៦។

លោកឧត្តមសេនីយ៍ត្រី មាស យ៉ត មេបញ្ជាការ កងរាជអាវុធហត្ថខេត្ត កំពង់ធំ បានលើកឡើងថាការត្រួតពិនិត្យចំនួនទ័ព-កូននិងស្ថានភាពយោធិននៃកងរាជអាវុធហត្ថខេត្ត ដល់អាយុចូលសោធននិវត្តន៍ជាការងារសំខាន់ក្នុងការគ្រប់គ្រងធនធានមនុស្ស និងរៀបចំ ផែនការបន្តសមត្ថភាពកងកម្លាំង។ ការត្រួតពិនិត្យចំនួនទ័ព-កូន បញ្ជីឈ្មោះយោធិនសរុប  កំណត់នាយទាហានដល់អាយុចូលសោធននិវត្តន៍ តាមច្បាប់នៃព្រះរាជាណាចក្រកម្ពុជាដែលបានកំណត់។ពិនិត្យថ្ងៃខែឆ្នាំកំណើតនិងកំណត់អាយុតាមបទបញ្ជា បញ្ជីអ្នកដល់អាយុក្នុងឆ្នាំបច្ចុប្បន្ន និងឆ្នាំបន្ទាប់ ផ្ទៀងផ្ទាត់ឯកសារផ្លូវការ (សំបុត្រកំណើតសៀវភៅសេវាកម្ម)។

លោកឧត្តមសេនីយ៍ទោ នាង សុជីវី ស្នងការ ស្នងការដ្ឋានកសាងកម្លាំង កងរាជអាវុធហត្ថលើផ្ទៃប្រទេសនិងជាប្រធានក្រុមការងារទី១ បានប្រសាសន៍លើកឡើងថាដើម្បីវាយតម្លៃស្ថានភាពយោធិនសុខភាពទូទៅ និងសមត្ថភាពបន្តការងារប្រវត្តិបម្រើការនិងវិន័យជំនាញឯកទេសនិងតួនាទីបច្ចុប្បន្ន។ រៀបចំផែនការប្តូរបុគ្គលិកកំណត់អ្នកជំនួសសម្រាប់តួនាទីសំខាន់ ផែនការបណ្តុះបណ្តាល និងផ្ទេរចំណេះដឹងសម្របសម្រួលការផ្លាស់ប្តូរមុខងារ មុនពេលចូលនិវត្តន៍។ ដំណើរការរដ្ឋបាលសោធននិវត្តន៍រៀបចំសំណុំឯកសារសោធនិវត្តន៍(ប្រាក់បៀវត្ស,លិខិតបញ្ជាក់) ដាក់ស្នើទៅអង្គភាពពាក់ព័ន្ធតាមនីតិវិធីជូនដំណឹងជាផ្លូវការដល់យោធិនមុនពេលចូលនិវត្តន៍។ 

របាយការណ៍ និងតាមដានរាយការណ៍ជាប្រចាំខែ/ត្រីមាសអំពីចំនួននិងស្ថានភាពបង្កើតប្រព័ន្ធទិន្នន័យឱ្យទាន់សម័យតាមដានបន្ទាប់ពីចូលនិវត្តន៍ (បញ្ហាសោធនអត្ថប្រយោជន៍)៕

ដោយ៖ ស៊ុម វណ្ណា