AKP ភ្នំពេញ ថ្ងៃទី១៨ ខែមីនា ឆ្នាំ២០២៦--ឯកអគ្គរាជទូតកម្ពុជាប្រចាំនៅសាធារណរដ្ឋកូរ៉េបានបង្ហាញជំហរក្នុងការគាំទ្រ និងត្រៀមខ្លួនគ្រប់ពេលដើម្បីសហការជាមួយមជ្ឈមណ្ឌល សុខុមាលភាពជនបរទេស និងភរិយារបស់កូរ៉េ។

យោងតាមបណ្តាញសង្គមរបស់ស្ថានឯកអគ្គរាជទូតកម្ពុជាប្រចាំនៅសាធារណរដ្ឋកូរ៉េឲ្យដឹងថា នៅរសៀលថ្ងៃទី១៧ ខែមីនា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ និងសហការី​ បានជួបសំណេះសំណាល និងសួរសុខទុក្ខជាមួយ លោក LEE JU SEONG ប្រធានមជ្ឈមណ្ឌល សុខុមាលភាពជនបរទេស និងភរិយា នៅតំបន់ក្វាងជូធំ។

ឆ្លៀតក្នុងឱកាសនោះដែរ ឯកឧត្តម បានថ្លែងអំណរគុណចំពោះលោកប្រធានមជ្ឈមណ្ឌល ដែលតែងតែយកចិត្តទុកដាក់ចំពោះពលករ និងប្រជាពលរដ្ឋកម្ពុជាកន្លងមក។ 

ឯកឧត្តមឯកអគ្គរាជទូត បានបញ្ជាក់ថា៖" ស្ថានទូតបង្ហាញជំហរក្នុងការគាំទ្រ និងត្រៀមខ្លួនគ្រប់ពេលដើម្បីសហការជាមួយមជ្ឈមណ្ឌល នូវរាល់តម្រូវការចាំបាច់ដែលស្ថានទូតអាចជួយសម្រួលបាន"៕

ដោយ៖ ប៊ុនរិទ្ធ