AKP ភ្នំពេញ ថ្ងៃទី៣១ ខែមករា ឆ្នាំ២០២៦-- ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល នាថ្ងៃទី៣១ ខែមករា ឆ្នាំ២០២៦ បាននាំយកកញ្ចប់សម្ភារបរិក្ខារពេទ្យ ដែលជាអំណោយរបស់អង្គការ UNFPA ប្រចាំកម្ពុជា ប្រគល់ដល់មន្ទីរសុខាភិបាលនៃរដ្ឋបាលខេត្តព្រះវិហារ ដើម្បីប្រើប្រាស់ក្នុងការពិនិត្យ ព្យាបាល និងសង្គ្រោះជីវិតជនភៀសសឹក និងប្រជាពលរដ្ឋនៅតាមតំបន់ព្រំដែន។

កញ្ចប់សម្ភារបរិក្ខារពេទ្យទាំងនេះ មានសារៈសំខាន់យ៉ាងខ្លាំងក្នុងការឆ្លើយតបតម្រូវការសុខាភិបាលបន្ទាន់ និងការថែទាំសុខភាព ជាពិសេសសម្រាប់ជនភៀសសឹក និងប្រជាពលរដ្ឋ ដែលកំពុងប្រឈមនឹងបញ្ហាសុខភាព ក្នុងគ្រាអាសន្ន

សូមជម្រាបជូនថា ការផ្តល់ជូនសម្ភារបរិក្ខារពេទ្យនេះ គឺដើម្បីគាំទ្រដល់ក្រុមគ្រូពេទ្យ ដែលប្រចាំការនៅតាមទីសុវត្ថិភាព និងមន្ទីរពេទ្យ ដើម្បីប្រើប្រាស់ តាមការចាំបាច់៕

ដោយ ទេស ច័ន្ទសុធារី (ប្រភព៖ ក្រសួងសុខាភិបាល)