AKP ភ្នំពេញ ថ្ងៃទី១៩ ខែកញ្ញា ឆ្នាំ២០២៥-- ក្រសួងអប់រំ យុវជន និងកីឡា បានជូនដំណឹងដល់សាធារណរជនទាំងពីរភេទថា សម្រាប់ឆ្នាំសិក្សា ២០២៥-២០២៦ ក្រសួងនឹងធ្វើការប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រចំនួន ១៥កន្លែង ដើម្បីទៅបន្តការសិក្សានៅសាធារណរដ្ឋប្រជាធិបតេយ្យប្រជាមានិតឡាវលើមុខជំនាញ បរិស្ថានសេដ្ឋកិច្ច-ពាណិជ្ជកម្ម ព័ត៌មានវិទ្យា ស្ថាបត្យកម្ម គ្រប់គ្រងព្រៃឈើ គ្រប់គ្រងធនធានទឹក និងឧតុនិយម សណ្ឋាគារ និងទេសចរណ៍។

ចំពោះលក្ខខណ្ឌនៃការចុះឈ្មោះបេក្ខជនទាំងពីរភេទត្រូវមានសញ្ជាតិខ្មែរ សញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃសមមូល អាយុមិនលើសពី ៣៥ឆ្នាំគិតដល់ខែតុលា ឆ្នាំ២០២៥ សុខភាពល្អ បរិបូណ៌ទាំងកាយសម្បទា និងសតិបញ្ញា។ ការទទួលពាក្យសុំប្រឡងនឹងចាប់ផ្តើមពីថ្ងៃផ្សាយដំណឹងនេះរហូតដល់ថ្ងៃទី២០ ខែតុលា ឆ្នាំ២០២៥ វេលាម៉ោង ១៦ម៉ ០០នាទី នៅការិយាល័យសហប្រតិបត្តិការទ្វេភាគី និងពហុភាគីនៃនាយកដ្ឋានសហប្រតិបត្តិការអន្តរជាតិ និងកិច្ចការអាស៊ាន ដែលមានអាសយដ្ឋាន អគារលេខ២៣ ផ្លូវ៣៦០ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ (ខាងកើតស្ថានីយទូរទស្សន៍អប្សរាប្រហែល៥០ម៉ែត្រ)។ សម្រាប់កាលបរិច្ឆេទនៃការប្រឡងត្រូវធ្វើឡើងនៅថ្ងៃទី២៦ ខែតុលា ឆ្នាំ២០២៥។ ចំពោះមណ្ឌលប្រឡងនឹងជម្រាបជូនពេលក្រោយ៕

ដោយ៖ ចាន់ សុភឿន (ប្រភព៖ ក្រសួងអប់រំ)