AKP បន្ទាយមានជ័យ ថ្ងៃទី១៣ ខែកញ្ញា ឆ្នាំ២០២៥ -- លោកស្រី រស់ សុផានី អភិបាលរងខេត្តបន្ទាយមានជ័យ បានគូសបញ្ជាក់ថា ការប្រយុទ្ធប្រឆាំងនឹងអំពើជួញដូរមនុស្ស គឺជាកិច្ចការអាទិភាពមួយរបស់រដ្ឋបាលខេត្ត និងរាជរដ្ឋាភិបាលកម្ពុជា ដែលតម្រូវឱ្យមានការចូលរួមពីគ្រប់ភាគីពាក់ព័ន្ធទាំងអស់។

ការថ្លែងយ៉ាងដូច្នេះ កាលពីថ្ងៃសុក្រ ទី១២ ខែកញ្ញា ឆ្នាំ២០២៥ នេះក្នុងកម្មវិធីអប់រំ និងផ្សព្វផ្សាយស៊ីជម្រៅ ស្តីពីការទប់ស្កាត់អំពើជួញដូរមនុស្ស និងបញ្ហាសុវត្ថិភាពតម្រូវឱ្យមានការចូលរួមពីគ្រប់ភាគីពាក់ព័ន្ធទាំងអស់នៅវិទ្យាល័យភ្នំស្រុកក្នុងស្រុកភ្នំស្រុក បានក្លាយជាទីកន្លែងដ៏សំខាន់សម្រាប់
សង្គមផ្សេងៗទៀត។ 

កម្មវិធីនេះមានការចូលរួមយ៉ាងផុសផុលពីសំណាក់អ្នកចូលរួមសរុប ២៣៦នាក់ ដែលរួមមាន ស្នងការរងខេត្ត អភិបាលរងស្រុក មន្ត្រីមន្ទីរពាក់ព័ន្ធ អាជ្ញាធរភូមិ-ឃុំ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋជាច្រើនរូប។ គោលបំណងចម្បងនៃកម្មវិធីនេះ គឺដើម្បីផ្តល់ចំណេះដឹង និងលើកកម្ពស់ការយល់ដឹងដល់សហគមន៍ ជាពិសេសយុវជន ស្តីពីគ្រោះថ្នាក់នៃការជួញដូរមនុស្ស របៀបធ្វើចំណាកស្រុកដោយសុវត្ថិភាព សុវត្ថិភាពកុមារក្នុងប្រព័ន្ធអនឡាញ ក៏ដូចជាផលវិបាកនៃការរៀបអាពាហ៍ពិពាហ៍វ័យក្មេង និងការមានផ្ទៃពោះមុនអាយុ។

ក្នុងឱកាសដ៏សំខាន់នេះ លោកស្រី រស់ សុផានី បានថ្លែងនូវប្រសាសន៍ដ៏មានអត្ថន័យ និងផ្តល់អនុសាសន៍សំខាន់ៗជាច្រើនដល់អ្នកចូលរួមទាំងអស់។ លោកស្រីបានគូសបញ្ជាក់ថា ការប្រយុទ្ធប្រឆាំងនឹងអំពើជួញដូរមនុស្ស គឺជាកិច្ចការអាទិភាពមួយរបស់រដ្ឋបាលខេត្ត និងរាជរដ្ឋាភិបាលកម្ពុជា ដែលតម្រូវឱ្យមានការចូលរួមពីគ្រប់ភាគីពាក់ព័ន្ធទាំងអស់។

លោកស្រីបានលើកឡើងពីបញ្ហាប្រឈមជាច្រើនដែលប្រជាពលរដ្ឋ ជាពិសេសពលករចំណាកស្រុកត្រូវជួបប្រទះ ដូចជាការបោកបញ្ឆោតពីមេខ្យល់ខុសច្បាប់ ដែលនាំឱ្យពួកគេធ្លាក់ចូលក្នុងអន្ទាក់នៃការជួញដូរពលកម្ម ឬការជួញដូរផ្លូវភេទ។ 

លោកស្រីបានអំពាវនាវឱ្យប្រជាពលរដ្ឋទាំងអស់ត្រូវមានការប្រុងប្រយ័ត្នខ្ពស់ ស្វែងយល់ពីនីតិវិធីនៃការធ្វើចំណាកស្រុកស្របច្បាប់ និងកុំចាញ់បោកការសន្យាអស្ចារ្យដែលគ្មានប្រភពច្បាស់លាស់។ លោកស្រីបានបន្តថា ការធ្វើចំណាកស្រុកប្រកបដោយសុវត្ថិភាព គឺជាជម្រើសដ៏ល្អបំផុតដើម្បីការពារខ្លួនឯង និងក្រុមគ្រួសារពីគ្រោះថ្នាក់។
លើសពីនេះ លោកស្រីក៏បានផ្តោតទៅលើបញ្ហា សុវត្ថិភាពកុមារតាមប្រព័ន្ធអនឡាញ ដែលជាបញ្ហាថ្មីកំពុងតែរាតត្បាតក្នុងសង្គមបច្ចុប្បន្ន។ 

លោកស្រីបានពន្យល់ពីហានិភ័យនៃការប្រើប្រាស់បណ្តាញសង្គមដោយគ្មានការត្រួតពិនិត្យ ដូចជាការយាយីផ្លូវភេទតាមអ៊ីនធឺណិត (cyberbullying) ការបៀតបៀនផ្លូវភេទកុមារ (child grooming) និងការលាតត្រដាងព័ត៌មានផ្ទាល់ខ្លួនដែលងាយរងគ្រោះ។ លោកស្រីបានអំពាវនាវដល់ឪពុកម្តាយ អាណាព្យាបាល និងគ្រូបង្រៀនឱ្យយកចិត្តទុកដាក់តាមដាន និងអប់រំកូនចៅ សិស្សានុសិស្សអំពីរបៀបប្រើប្រាស់អ៊ីនធឺណិតដោយឈ្លាសវៃ និងប្រកបដោយសុវត្ថិភាព។

លោកស្រីក៏បានគូសបញ្ជាក់ពីផលអវិជ្ជមាននៃការ រៀបអាពាហ៍ពិពាហ៍វ័យក្មេង និងការមានផ្ទៃពោះមុនអាយុ ដែលមិនត្រឹមតែប៉ះពាល់ដល់សុខភាពផ្លូវកាយ និងផ្លូវចិត្តប៉ុណ្ណោះទេ ប៉ុន្តែថែមទាំងរារាំងដល់ឱកាសសិក្សា និងអនាគតរបស់យុវជនផងដែរ។ លោកស្រីបានជំរុញឱ្យយុវជនទាំងអស់ត្រូវគិតគូរវែងឆ្ងាយអំពីអនាគតរបស់ខ្លួន និងបន្តការសិក្សាឱ្យបានខ្ពង់ខ្ពស់ ដើម្បីក្លាយជាធនធានមនុស្សដ៏មានតម្លៃសម្រាប់គ្រួសារ និង ដែលជាមូលដ្ឋានគ្រឹះដ៏រឹងមាំក្នុងការកសាងសហគមន៍មួយដែលប្រកបដោយសុវត្ថិភាព និងនិរន្តរភាព៕

ដោយ ៖ឈុនសារ៉ាត