AKP កំពង់ធំ ថ្ងៃទី០៧ ខែសីហា ឆ្នាំ២០២៥-- សង្កាត់រដ្ឋបាលជលផលកំពង់ស្វាយក្រោមបានចូលរួមជាមួយលោកវរសេនីយ៍ទោ កែ ម៉ៃ នាយរងសេនាធិការនៃទីបញ្ជាការស្រាល (យោធភូមិភាគទី៤) និងសហការជាមួយសមត្ថកិច្ចជំនាញសង្កាត់រដ្ឋបាលជលផលកំពង់ស្វាយក្រោម កាលពីថ្ងៃទី០៦ ខែសីហា ឆ្នាំ២០២៥ បានចុះត្រួតពិនិត្យ និងបង្រ្កាបបទល្មើសនេសាទនៅចំណុចក្បាលព្រោះ ឃុំផាត់សណ្តាយ ស្រុកកំពង់ស្វាយ អនុវត្តបាន០១ករណី ដោយបានរុះរើបំផ្លាញចោលឧបករណ៍នេសាទខុសច្បាប់នៅនឹងកន្លែងរួមមាន៖ របាំងសាច់អួនស្រឡាញ់ញឹក០១របាំង ប្រវែង៣៥០ម៉ែត្របង្គោលចំនួន២៥០ដើម សាច់ឡុកចំនួន៤គ្រឿង លបលូចំនួន៤មាត់ និងចាក់លែងកូនត្រីចម្រុះទម្ងន់២២គីឡូក្រាមចូលទន្លេវិញ។

សង្កាត់រដ្ឋបាលជលផលពាមបាងបានចូលរួមជាមួយលោកអនុសេនីយ៍ឯក ឈួន គឹមណាន នាយទាហានថ្នាក់ដឹកនាំតំបន់ប្រតិបត្តិការសឹករងកំពង់ធំ(យោធភូមិភាគទី៤) សហការជាមួយ កម្លាំងចម្រុះទីបញ្ជាការស្រាលប្រចាំការឃុំពាមបាង ស្រុកស្ទោង បានចេញប្រតិបត្តិការត្រួតពិនិត្យ និងបង្ក្រាបបទល្មើសនេសាទ នៅចំណុចល្បប់ឃុំម្សាក្រង ស្រុកស្ទោងខេត្តកំពង់ធំជាលទ្ធផលអនុវត្តបាន០១ករណីដោយបានរុះរើបំផ្លាញចោលឧបករណ៍នេសាទខុសច្បាប់នៅនឹងកន្លែងរួមមាន÷ របាំងស្បៃមុងចំនួន០១របាំងប្រវែង១៥០ម៉ែត្រ ឡុកស្បៃមុងចំនួន២គ្រឿង លូស្បៃមុងចំនួន៤មាត់ និងបង្គោលចំនួន៥០ដើម។

សង្កាត់រដ្ឋបាលជលផលកំពង់ស្វាយលើបានដឹកនាំកម្លាំងគណៈកម្មការសហគមន៍នេសាទបឹងស្ពង់ ចុះទប់ស្កាត់ និងបង្ក្រាបបទល្មើសជលផលនៅចំណុចកក់ធំក្នងភូមិសាស្ត្រឃុំសាន់គ ស្រុកកំពង់ស្វាយជាលទ្ធផលអនុវត្តបាន០១ករណីដោយបានធ្វើការុះរើ និងបំផ្លាញចោលឧបករណ៍នេសាទខុសច្បាប់នៅនឹងកន្លែងរួមមាន÷ របាំងស្បៃមុងចំនួន៥របាំង ប្រវែង៤០០ម៉ែត្រ ឡុកចំនួន៥គ្រឿង  លបលូចំនួន១០មាត់ បង្គោលចំនួន២៥០ដើម និងបានចាក់លែងត្រីស្រស់ចម្រុះទម្ងន់២៥គីឡូក្រាមចូលទន្លេវិញ៕

ដោយ ស៊ុម វណ្ណា