AKP កំពង់ចាម ថ្ងៃទី០៥ ខែ សីហា ឆ្នាំ២០២៥--

    ដើម្បីការពារនូវធនធានជលផល ក្នុងនៅក្នុងដែនគ្រប់គ្រងនេសាទរបស់ខ្លួន ពិសេសក្នុងរដូវបិទនេសាទជារដូវពងញាស់ កកើតកូន និងធំធាត់ កំណើតមច្ឆាជាតិក្នុងដែនធម្មជាតិ កម្លាំងខណ្ឌរដ្ឋបាលជលផលកំពង់ចាមបង្កើនការយកចិត្តទុកដាក់ក្នុងការចុះទប់ស្កាត់ និងបង្ក្រាបបទល្មើសជលនៅក្នុងដែនគ្រប់គ្រងនេសាទរបស់ខ្លួន។

        ជាក់ស្តែងនៅថ្ងៃទី៥ ខែសីហា ឆ្នាំ២០២៥ នៅ កម្លាំងជំនាញរបស់ ខណ្ឌរដ្ឋបាលជលផលកំពង់ចាម  សហការជាមួយអាជ្ញាធរស្រុកព្រៃឈរ កម្លាំងផ្នែកសឹករងព្រៃឈរ កម្លាំងប៉ុស្តិ៍រដ្ឋបាលនគរបាលមៀន និងសហគមន៍សាមគ្គីឃុំមៀន ដោយមានការសម្របសម្រួលពីឯកឧត្តម ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះធ្វើប្រតិបត្តិការត្រួតពិនិត្យ និងបង្រ្កាបបទល្មើសជលផល រុះរើនិងបំផ្លាញចោលនូវឧបករណ៍ខុសច្បាប់បានចំនួន០១ករណី នៅចំណុចបឹងកេះ ឃុំមៀន ស្រុកព្រៃឈរ ខេត្តកំពង់ចាម ០១ករណី ដោយវត្ថុតាងបំផ្លាញចោល នៅនិងកន្លែង រួមមាន ឧករណ៍លូស្បៃមុងចំនួន ០២មាត់ របាំងស្បៃមុងប្រវែង ១០០ម៉ែត្រ បង្គោលចម្រឹងចំនួន ៤៥ដើម។
      ដោយឡែកនៅថ្ងៃទី៤ ខែសីហា ឆ្នាំ៣០៣៥កម្លាំងជំាញជលផល សហការជាមួយអាជ្ញាធរស្រុកកងមាស បានបង្ក្រាបបទល្មើសនេសាទបាន ២ករណីដោយ រុះរើនិងបំផ្លាញចោលវត្ថុតាងបទ ល្មើសនេសាទ នៅនឹងកន្លែងរួមមាន ឧករណ៍លូស្បៃមុងចំនួន៤២មាត់     របាំងស្បៃមុងប្រវែង ១២៩០ម៉ែត្របង្គោលចម្រឹងចំនួន ៦៥០ដើម  និងបាន ចាក់លែងកូនត្រីចម្រុះទម្ងន់ ២៣គីឡូក្រាមផងដែរក្រោមការចូលរួមដោយផ្ទាល់ពីសំណាក់ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ៕

ដោយ៖ ឆាយ ម៉ុត