AKP ភ្នំពេញ ថ្ងៃទី០១ ខែសីហា ឆ្នាំ២០២៥-- នៅសាលប្រជុំអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប នាថ្ងៃទី០១ ខែសីហា ឆ្នាំ២០២៥ បានដឹកនាំកិច្ចប្រជុំវឌ្ឍនភាពការងារកិច្ចសហប្រតិបត្តិការទ្វេភាគីជាមួយ សាធារណរដ្ឋប្រជាមានិតចិនដោយមានការចូលរួមពីឯកឧត្តមអគ្គលេខាធិការ អគ្គលេខាធិការរង ប្រធាន-អនុប្រធាននាយកដ្ឋាន និងមន្ត្រីបច្ចេកទេស អាជ្ញាធរទន្លេសាប។

ឯកឧត្តម ហ៊ែល តូនី បានលើកឡើងថា កិច្ចប្រជុំនេះក្នុងគោលបំណងពិនិត្យវឌ្ឍនភាពនៃដំណើរការអនុវត្តគម្រោងកិច្ចសហប្រតិបត្តិការទ្វេភាគីជាមួយ សាធារណរដ្ឋប្រជាមានិតចិន ការពិនិត្យវឌ្ឍនភាពនៃការចុះពិនិត្យលក្ខណៈបច្ចេកទេសដំណើរការស្ថានីយទាំង ១១ ជុំវិញបឹងទន្លេសាប បន្តពង្រឹងប្រសិទ្ធភាពនៃការអនុវត្តគម្រោងកិច្ចសហប្រតិបត្តិការទ្វេភាគី និងពហុភាគី និង ទិសដៅអនុវត្តន៍បន្ត។

ឯកឧត្តម អនុប្រធានក្តាប់រួមអាជ្ញាធរទន្លេសាប ក៏បានណែនាំដល់មន្រ្តីបច្ចេកទេសទទួលបន្ទុកការងារនេះ ត្រូវបន្តខិតខំប្រឹងប្រែង យកចិត្តទុកដាក់អនុវត្តការងារព្រមទាំងជំរុញឱ្យការអនុវត្តកិច្ចសហប្រតិបត្តិការគ្រប់គម្រោងជាមួយភាគីចិនឱ្យមានប្រសិទ្ធភាព និងប្រសិទ្ធផលដើម្បីអង្គភាពអាជ្ញាធរទន្លេសាប៕

ដោយ ណយ នឿន (ប្រភព៖ អាជ្ញាធរទន្លេសាប)