AKP ភ្នំពេញ ថ្ងៃទី១៨ ខែកក្កដា ឆ្នាំ២០២៥--នាល្ងាចថ្ងៃទី១៧ ខែកក្កដា ឆ្នាំ២០២៥ នៅវិមានពហុកីឡដ្ឋានជាតិអូឡាំពិក លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានអញ្ជើញរៀបចំពិធីសែនក្រុងពលី ដើម្បីរៀបចំព្រឹត្តិការណ៍អបអរសាទរការចុះ បូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក ដោយមានការអញ្ជើញចូករួមពីឯកឧត្ដមបណ្ឌិត ហ៉ឺ វីរ: តំណាងឯកឧត្ដមប្រធានសហភាពសហព័ន្ធយុវជនកម្ពុជា។

ព្រឹត្តិការណ៍អបអរសាទរការចុះបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក នឹងប្រព្រឹត្តទៅនៅថ្ងៃទី១៨ ខែកក្កដា ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ 

ក្នុងកាសនោះ លោកជំទាវបណ្ឌិតសភាចារ្យរដ្ឋមន្ត្រីក៏បានអញ្ជើញពិនិត្យការហាត់សមសម្តែងសិល្បៈទស្សនីយភាពរបស់សិល្បករ សិល្បការិនី សម្រាប់ពិធីបើកព្រឹត្តិការណ៍ផងដែរ៕

ដោយ ណយ នឿន (ប្រភព៖ ក្រសួងវប្បធម៌)