AKPកំពង់ធំថ្ងៃទី១៦ ខែកក្កដា ឆ្នាំ២០២៥ -- លោក លឹម សុថាត នាយសង្កាត់រដ្ឋបាលជលផលកំពង់ស្វាយក្រោមបានចូលរួមជាមួយលោកវីរៈសេនីយ៍ទោ ស៊ុន សារិន ប្រធានទីបញ្ជាការស្រាលតំបន់ប្រតិបត្តិការសឹករងកំពង់ធំយោធភូមិភាគទី៤កាលពីថ្ងៃទី១៥ខែកក្កដាឆ្នាំ២០២៥បានដឹកនាំកម្លាំងចម្រុះចុះបង្ក្រាបបទល្មើសនេសាទនៅចំណុចព្រែកទាល់ព្រំប្រទល់ខេត្តកំពង់ធំនិងខេត្តកំពង់ឆ្នាំង។ជាលទ្ធផលអនុវត្តបាន១ករណីដោយបានរុះរើបំផ្លាញចោលឧបករណ៍នេសាទខុសច្បាប់នៅនឹងកន្លែងរួមមាន÷ របាំងសាច់អួនក្រឡាញ់ញឹក៦របាំងប្រវែង៨០០ម៉ែត្រ បង្គោលចំនួន៤០០ដើមសាច់ឡុកចំនួន១២គ្រឿង លបលូចំនួន១២មាត់និងបានចាក់ព្រលែងកូនត្រីចម្រុះទំងន់១០គីឡូក្រាម ចូលទន្លេវិញ។

នៅថ្ងៃជាមួយគ្នានេះដែរលោក គន ចាន់សីហា នាយសង្កាត់រដ្ឋបាលជលផលស្ទោងបានដឹកនាំកម្លាំងសហគមន៍នេសាទស្ពានគ្រងនិងបឹងប្រសាន ចុះបង្ក្រាបបទល្មើសជលផលនៅចំណុចអូរញត ត្រពងក្របៅ ឃុំម្សាក្រង ស្រុកស្ទោង ខេត្តកំពង់ធំ។ជាលទ្ធផលអនុវត្តបាន០១ករណី ដោយបានរុះរើបំផ្លាញចោលឧបករណ៍នេសាទខុសច្បាប់នៅនឹងកន្លែងរួមមាន÷ របាំងសាច់អួនក្រឡាញុឹកចំនួន៥ របាំងប្រវែង៧៥០ម៉ែត្រ ឡុកចំនួន០៥គ្រឿង លបលូចំនួន០៥មាត់ បង្គោលចំនួន១៥០ដើម និងបានចាក់ព្រលែងកូនត្រីទំងន់២០គីឡូក្រាមចូលទន្លេវិញ។

លោក ហួន ផល នាយសង្កាត់រដ្ឋបាលជលផលពាមបាង បានចូលរួមជាមួយលោកអនុសេនីយ៍ឯក សុក វណ្ណដា នាយទាហាន ថ្នាក់ដឹកនាំតំបន់ប្រតិបត្តិការសឹករងកំពង់ធំយោធភូមិភាគទី៤សហការជាមួយកម្លាំងចម្រុះទីបញ្ជាការស្រាលប្រចាំការ ឃុំពាមបាង ស្រុកស្ទោង បានចេញប្រតិបត្តិការត្រួតពិនិត្យនិងបង្ក្រាបបទល្មើសនេសាទ នៅចំណុចតាកន ឃុំពាមបាង ស្រុកស្ទោង ខេត្តកំពង់ធំ។ ជាលទ្ធផលអនុវត្តបាន ០១ករណីដោយបានរុះរើ កាប់បំផ្លាញចោលឧបករណ៍នេសាទខុសច្បាប់នៅនឹងកន្លែងរួមមាន÷របាំងសាច់អូនក្រឡាញឹកចំនួន០២ របាំងប្រវែង៤៥០ម៉ែត្រឡុកសាច់អូនចំនួន៦គ្រឿង លូសាច់អួនចំនួន១២មាត់ បង្គោលឈើចំនួន៣៨០ដើម។

 លោក ភិន សុភា នាយសង្កាត់រដ្ឋបាលជលផលបារាយណ៍ សហការជាមួយក្រុមការងារទីបញ្ជាការស្រាលប្រចាំការនៅតំបន់វាលក្រោមនិងកំម្លាំងបញ្ជាការកងពលតូចលេខ៧០ចុះទប់ស្កាត់និងបង្រ្កាបបទល្មើសជលផលនៅចំណុច:បឹងរៀល នឹងបឹងត្រាវ ស្ថិតនៅភូមិសាស្រ្តឃុំបារាយណ៍ ស្រុកបារាយណ៍ ខេត្តកំពង់ធំ។ ជាលទ្ធផលអនុវត្តបាន០២ករណីដោយបានធ្វើការរុះរើនិងបំផ្លាញចោលឧបករណ៍នេសាទខុសច្បាប់នៅនឹងកន្លែ រួមមាន÷ ១.របាំងស្បៃមុងចំនួន៥របាំងប្រវែង១៥៥ម៉ែត្រ ឡុកចំនួន៥ លបលូចំនួន៥មាត់ បង្កោលចំនួន៦៥ដើម។ ២.របាំងសាច់អួនក្រឡាញឹកចំនួន១របាំងប្រវែង៧៥ម៉ែត្រ ឡុក១ លបលូ១មាត់បង្កោល៣២ដើម និងបានចាក់លែងត្រីស្រស់ចម្រុះមួយចំនួនចូលទន្លេវិញ៕

ដោយ៖ស៊ុម វណ្ណា