AKPកំពង់ធំថ្ងៃទី១៧ ខែឧសភា ឆ្នាំ២០២៥-- 

ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង ប្រធានគណៈកម្មាធិការ សមាគមអតីតយុទ្ធជនកម្ពុជាខេត្តកំពង់ធំនាព្រឹកថ្ងៃទី១៧ខែឧសភាឆ្នាំ២០២៥បានដឹកនាំសហការី រួមជាមួយអាជ្ញាធរ ដែនដីនាំយកថវិកាបេឡាមរណសង្គ្រោះនិងអំណោយដ៏ថ្លៃថ្លារបស់សម្ដេចមហាបវរធិបតីហ៊ុន ម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជានិងលោកជំទាវបណ្ឌិតពេជ ចន្ទមុន្នីឧបត្ថម្ភជូនគ្រួសារសពអតីតយុទ្ធជនសោធននិវត្តន៍ឈ្មោះ គឹម វិន  ឋានន្តរសក្តិ នាយឯក អាយុ៦២ឆ្នាំ អតីតនៅអង្គភាពផ្នែកសឹករងសណ្ដាន់ តំបន់ប្រតិបត្តិការសឹករងកំពង់ធំ។

លោកនាយឯក គឹម វិនត្រូវបានក្រសួងការពារជាតិ ដាក់ឱ្យចូលសោធន៏និវត្តន៍ តាមការកំណត់ កាលពីឆ្នាំ២០១៣ ហេីយ លោកបានទទួលមរណភាព ដោយរោគាពាធ កាលថ្ងៃទី១៥ ខែឧសភា ឆ្នាំ២០២៥ កន្លងទៅនេះ ដោយ រោគាពាធ  នៅភូមិសំព័រធំ ឃុំដងកាំបិត ស្រុកសណ្ដាន់ ខេត្តកំពង់ធំ។

ឧត្តមសេនីយ៍ទោ សោម ស៊ុន រួមជាមួយគណៈកម្មាធិការសមាគមអតីតយុទ្ធជនកម្ពុជា ស្រុក សណ្តាន់ និងអាជ្ញាធរដែនដី បានថ្លែងនូវការ សោកស្ដាយ អាឡោះអាល័យ និង បាន គោរពបួងសួងដល់វិញ្ញាណក្ខន្ធលោក នាយ ឯក គឹម រិន សូមបានទៅកាន់សុគតិភព កុំបីឃ្លៀងឃ្លាតឡើយនិងបានជូនពរដល់ក្រុមគ្រួសារសព សូម មានសុខភាពល្អ ទទួលបាននូវសេចក្តីសុខ សេចក្តីចម្រើន ។

ឧត្តម សេនីយ៍ ទោ សោម ស៊ុន បានប្រគល់ជូននូវថវិកាបេឡាមរណសង្គ្រោះចំនួន៤លានរៀលព្រមទាំងអំណោយមនុស្សធម៌របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ជូនដល់ក្រុមគ្រួសារសព រួមមាន÷អង្ករចំនួន៥០គីឡូក្រាម មីជាតិចំនួន២កេស ទឹកត្រីទឹកស៊ីអ៉ីវ ចំនួន២យួរ និង ត្រីខ កំប៉ុងចំនួន២យួរ ហើយក្រុមការ ងារ រាជរដ្ឋាភិបាល ចុះមូលដ្ឋាន ឃុំ ដងកាំបិត ស្រុក សណ្តាន់ ក៏បាន ចូលរួម ក្នុង ពិធី បុណ្យ សព លោក គឹម រិននូវ ថវិកា មួយ ចំនួន ផងដែរ ។

លោក ទេព រីន អភិបាលរងស្រុកសណ្តាន់ តំណាងឱ្យក្រុមគ្រួសារសព គឹម រិន បាន សូម គោរព ថ្លែង អំណរគុណ ដ៏ជ្រាលជ្រៅ ជាទី បំផុត ចំពោះ សម្តេច មហា បវរ ធិបតី ហ៊ុន ម៉ាណែត និង លោក ជំទាវ បណ្ឌិត ពេជ ចន្ទមុន្នី ព្រមទាំងឧត្តម សេនីយ៍ ទោ សោម ស៊ុន និង ក្រុម ការងារ គណៈកម្មាធិការ សមាគម អតីត យុទ្ធ ជន កម្ពុជា ខេត្ត កំពង់ធំ ដែល បាន យកចិត្តទុកដាក់ បម្រើ បងប្អូន អតីត យុទ្ធ ជន នៅ ក្នុង ខេត្តកំពង់ធំ ដោយ អស់ ពី ចិត្ត ពី ថថ្លើមនិង សូមគោរព ជូន ពរ សម្តេចនិង លោកជំទាវ ឯកឧត្តម លោក លោកស្រីទាំង អស់ សូម ទទួល បាន នូវ ពុទ្ធ ពរ ទាំង បួន ប្រការ កុំបី ឃ្លៀង ឃ្លាត ឡើយ៕ 

ដោយ៖ ស៊ុម វណ្ណា ប្រភពតំបន់សឹករងកំពង់ធំ