AKPកំពង់ធំថ្ងៃទី០៣ ខែមេសាឆ្នាំ២០២៥ -- ឧត្តមសេនីយ៍ទោសោម​ ស៊ុន មេបញ្ជាការតំបន់ប្រតិបត្តិការសឹករងកំពង់ធំ សសមាជិកគណៈបញ្ជាការឯកភាពដឹកនាំ​បង្ក្រាបបទល្មើសនេសាទក្នុងតំបន់បឹងទន្លេសាបអមដំណើរ​ដោយ​លោក​វរសេនីយ៍ឯក​សោម​ សុភា​វុធ​ មេបញ្ជាការ​រង​ នាយ​សេនា​ធធិការនាព្រឹកថ្ងៃទី០៣ខែមេសាឆ្មាំ២០២៥បានអញ្ជើញជួបសំណេះសំណាលសាកសួរសុខទុក្ខ ជូនពរឆ្នាំថ្មីប្រពៃណីជាតិខ្មែរនិងផ្សព្វផ្សាយបទបញ្ជាពិសេស របស់គណៈបញ្ជាការឯកភាពដឹកនាំបង្ក្រាបបទល្មើសនេសាទខុសច្បាប់ក្នុងតំបន់បឹងទន្លេសាបនៃព្រះរាជាណាចក្រកម្ពុជាជូនកងកម្លាំងនៃបញ្ជាការដ្ឋានតំបន់ប្រតិបត្តិការសឹករងកំពង់ធំក្នុងភារកិច្ចប្រចាំការការពារ ២៤​លើ ២៤​ ម៉ោង នៅតំបន់ឡូអភិរក្សពូជត្រីមិនឱ្យមានការលួចនេសាទឬឆក់ត្រីនិងបង្ក្រាបបទល្មើសេសាទ ខុសច្បាប់នៅក្នុងភូមិសាស្ត្របឹងទន្លេសាបដែលកើតមានឡើងនៅក្នុងពិធីបុណ្យចូលឆ្នាំថ្មីដោយមិនទុកឱកាសឱ្យជនខិលខូចលបលួចធ្វើសកម្មភាពបានទៀតឡើយ ។

ឧត្តមសេនីយ៍ទោសោម ស៊ុន បានថ្លែងអំណរគុណនិង​ថ្លែង​នូវ​ការ​កោតសរសើរ​ចំពោះ​កងកម្លាំង​ទាំង​អស់​ដែល​បំពេញ​ភារកិច្ច​ប្រកបដោយ​ស្មារតី​ទទួល​ខុសត្រូវ​ ខ្ពស់ក្នុង​ការ​បង្ក្រាប​បទ​ល្មើស​នេសាទ​ខុស​ច្បាប់​នាពេល​កន្លង​ទៅ​ និង​បានប្រគល់ភារកិច្ចបន្តដោយត្រូវសហការជាមួយអាជ្ញាធរដែនដី និងសមត្ថកិច្ចជំនាញ ខិតខំស្រាវជ្រាវស្វែងរកមុខសញ្ញាជនខឹលខូច ឆ្លៀតឱកាសធ្វើសកម្មភាពនេសាទខុសច្បាប់នៅក្នុងឱកាសថ្ងៃឈប់សម្រាកនៃបុណ្យចូលឆ្នាំថ្មីនេះដើម្បីចាប់ឃាត់ខ្លួនរួមជាមួយវត្ថុតាងបទល្មើសជាក់ស្ដែង បញ្ជូនទៅស្ថាប័នជំនាញកសាងសំណុំរឿងបញ្ជូនទៅកាន់តុលាការផ្តន្ទាទោសតាមផ្លូវច្បាប់ ដោយគ្មានការលើកលែងឡើយ។​ ​

ជាមួយ​នេះដែរ​ ក្នុង​ពិធី​បុណ្យ​ចូលឆ្នាំ​ថ្មី​ប្រពៃណី​ជាតិ​ខ្មែរ​នេះ​ ត្រូវ​យក​ចិត្ត​ទុក​ដាក់​សហការ​ជាមួយ​កម្លាំង​ប្រដាប់​អាវុធ​ដែល​មាន​ការ​ពាក់ព័ន្ធ​ក្នុង​ការ​ការពារ​ភ្ញៀវ​ទេសចរណ៍​ជាតិ​ និង​អន្តរជាតិ​ មកទស្សនា​តំបន់​បឹង​ទន្លេសាប​ក្នុង​ភូមិ​សាស្ត្រ​ទទួល​ខុខុសត្រូឱ្យទទួល​បានសន្តិ​សុខ​និង​សុវត្ថិ​ភាព​ល្អ​ ។

នៅក្នុងឱកាសនោះឧត្តមសេនីយ៍ទោសោម ស៊ុន បានដឹកនាំសហការីទៅត្រួតពិនិត្យភូមិសាស្ត្រនៅក្នុងតំបន់ឡូអភិរក្សពូជត្រីមួយចំនួននៅក្នុងឃុំផាត់សណ្ដាយ ស្រុកកំពង់ស្វាយ​ ខេត្តកំពង់ធំនឹងបានប្រគល់ជូនស្បៀងអាហារ គ្រឿងឧបភោគបរិភោគ ភេសជ្ជ:និងប្រេងឥន្ធនៈដែលជាអំណោយដ៏ថ្លៃថ្លារបស់សម្ដេចមហាបបរោធិបតីហ៊ុនម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជានិងលោកជំទាវបណ្ឌិតពេជ​ ចន្ទមុន្នី តាមរយៈឯកឧត្តមនាយឧត្តមសេនីយ៍ម៉ៅសុផាន់ អគ្គមេបញ្ជាការរងនៃកងយុទ្ធពលខេមរភូមិន្ទ មេបញ្ជាការកងទ័ពជើងគោកជូនដល់កងកម្លាំងនៃបញ្ជាការដ្ឋានតំបន់ប្រតិបត្តិការសឹករងកំពង់ធំដើម្បីបម្រើសកម្មភាពប្រចាំថ្ងៃ ដោយមិនត្រូវគិតពីថ្ងៃឈប់សម្រាកឡើយដើម្បីបុព្វហេតុជាតិនិងប្រជាជនកម្ពុជា៕

ដោយ៖ ស៊ុម វណ្ណា,ប្រភពតំបន់សឹករងកំពង់ធំ