AKP ភ្នំពេញ ថ្ងៃទី០១ ខែមេសា ឆ្នាំ២០២៥ -- លោក ម៉ៅ ហាក់ អនុប្រធានអាជ្ញាធរទន្លេសាប និងជាប្រធានក្រុមការងារអាជ្ញាធរទន្លេសាបប្រចាំមុខព្រួញខេត្តពោធិ៍សាត់ នៅថ្ងៃទី០១ ខែមេសា ឆ្នាំ២០២៥ បានអញ្ជើញដឹកនាំក្រុមការងារចូលរួមកិច្ចប្រជុំវឌ្ឍនភាពការចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យក្បាលដីតាមបណ្តាឃុំ ស្រុកពាក់ព័ន្ធតំបន់បឹងទន្លេសាប ស្ថិតក្នុងភូមិសាស្ត្រខេត្តពោធិ៍សាត់ ។

កិច្ចប្រជុំត្រូវបានរៀបចំឡើងដើម្បីពិនិត្យវឌ្ឍនភាពការងារចុះអនុវត្តសម្រង់កម្រងសំណួរជាមួយអាជ្ញាធរមូលដ្ឋាន និងធ្វើបច្ចុប្បន្នទិន្នន័យនៃការគ្រប់គ្រងដីពាក់ព័ន្ធជាមួយក្រសួងស្ថាប័ន ស្ថិតតាមបណ្តាស្រុកជាប់បឹងទន្លេសាប ក្នុងភូមិសាស្រ្តខេត្តពោធិ៍សាត់ និងរៀបចំរបាយការណ៍លទ្ធផលរកឃើញនៃការចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យក្បាលដី មានភាពច្បាស់លាស់ ធានានូវសុក្រឹតភាព  ។

ក្នុងកិច្ចប្រជុំនេះក៏មានការអញ្ជើញចូលរួមពី ឯកឧត្តម សុខ គាង រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារប្រតិបត្តិអន្តរក្រសួង ស្ថាប័ន ចុះពិនិត្យផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លីតំបន់បឹងទន្លេសាប ក្នុងភូមិសាស្រ្តខេត្តពោធិ៍សាត់ មន្រ្តីអន្តរក្រសួង និងអាជ្ញាធរពាក់ព័ន្ធទាំងផងដែរ៕

ដោយ ណយ នឿន (ប្រភព៖ អាជ្ញាធរទន្លេសាប)