AKP ភ្នំពេញ ថ្ងៃទី០៩ ខែមីនា ឆ្នាំ២០២៥ – ដើម្បីអបអរសាទរទិវាជាតិអំណានលើកទី១០ ក្រសួងអប់រំ យុវជន និងកីឡា បានរៀបចំការប្រឡងប្រជែងអាន ស្មូតកំណាព្យ និងតែងនិពន្ធ ពានរង្វាន់សម្តេចតេជោ ហ៊ុន សែន ក្រោមប្រធានបទ “ការអានផ្សារភ្ជាប់អន្តរជំនាន់មនុស្សក្នុងសង្គម” ដែលកម្មវិធីនេះបានលើកកម្ពស់តម្លៃអក្សរសិល្ប៍ ភាសាខ្មែរ និងលើកកម្ពស់ទម្លាប់នៃការអាននៅកម្ពុជា។

សូមជម្រាបថា អនុក្រឹត្យលេខ ១២០អនក្រ.បក ចុះថ្ងៃទី១៤ ខែកញ្ញា ឆ្នាំ២០១៥ ស្តីពីទិវាជាតិអំណានបានកំណត់យកថ្ងៃ១១ មីនា សម្រាប់ប្រារព្ធទិវាជាតិអំណាន ដែលជាថ្ងៃកំណើតសម្តេចសង្ឃរាជ ជួន ណាត ដើម្បីបណ្តុះទម្លាប់អាន ជំរុញវប្បធម៌អាន និងលើកកម្ពស់ការអាន និងតែងនិពន្ធ ដែលមានក្រសួងអប់រំ យុវជន និងកីឡា ជាអ្នកទទួលបន្ទុករៀបចំទិវាជាតិអំណាននេះ ដោយសហការជាមួយ
ស្ថាប័នពាក់ព័ន្ធ រដ្ឋបាលថ្នាក់ក្រោមជាតិ សង្គមស៊ីវិល អង្គការអន្តរជាតិ វិស័យឯកជន និងគ្រឹះស្ថានសិក្សានានា ដើម្បីរៀបចំទិវានេះជារៀងរាល់ឆ្នាំប្រកបដោយប្រសិទ្ធភាព៕

ដោយ៖ ចាន់ សុភឿន , ប្រភព៖ ក្រសួងអប់រំ