AKP ភ្នំពេញ ថ្ងៃទី២៤ ខែកុម្ភៈ ឆ្នាំ២០២៥--ការគោរពប្រកាន់អបិយជំនឿរបស់ប្រជាជននៅក្នុងសហគមន៍តំបន់ការពារធម្មជាតិ  ជាំធ្លកស្ថិតនៅ ក្នុង ភូមិងន ឃុំងន ស្រុកសណ្តាន់ ខេត្តកំពង់ធំបានចូលរួមអភិរក្សព្រៃធម្មជាតិ និងបន្តដល់មនុស្សជំនាន់ក្រោយបានដឹង ខណៈអបិយជំនឿនេះត្រូវបានអ្នក ភូមិថា ពូកែស័ក្តសិទ្ធិ រហូតដល់ធ្វើឲ្យមនុស្សប្រមាថមើលងាយស្លាប់បាត់បង់ជីវិត។

នៅក្នុងពិធីមួយរបស់ប្រជាជនសហគមន៍នៅតំបន់ការពារជាតិជាំធ្លក ត្រូវគេហៅថា«ពិធី ឡើងលោកតា»ដើម្បីសុំសេចក្តីសុខសប្បាយនៅក្នុងភូមិលោកតាទួនជាព្រឹទ្ធាចារ្យ របស់ នៅក្នុងសហគមន៍បានឲ្យដឹងថាពិធីដែលកំពុងធ្វើនេះហៅថាអូតាកួយ ដោយតំបន់ នេះមាន ឈ្មោះតាមពីដើមឡើយ ពោលគឺមានតាំងចាស់ៗជំនាន់មុនមកម្ល៉េះ។ដោយមានភ្លេងប្រពៃណីខ្មែរមានទាំងទ្រ ស្គរ និងឧបករណ៍ចំនួនកំពុុងលេងដើម្បីសុំសេ ចក្តីសុខនៅក្នុងភូមិ ក៏ដូចជាសហគមន៍ ដោយមានភ្លេងបែបអារក្ស ភ្លេងអន្ទងឲ្យចូលរូប ហើយមានអ្នកច្រៀងរាំង លោកតាទួនបានបញ្ជាក់ថា៖«ពួកយើងរៀបចំកម្មវិធីនេះ គឺធ្វើ មិនឲ្យកន្លែងនេះរលាយរលត់បានទេ  បើសិនអត់មានកន្លែងនេះ ទេ នោះប្រជាជ ននឹង រលាយរលត់អត់មានជីវិត។ យើងនិយាយរលាយរលត់នេះ សំដៅថាដីទីនេះគឺមានម្ចាស់  បើបាត់បង់នោះ ស្រុកភូមិនេះរលាយមិនសល់ទេ ។ អីញ្ចឹងបានខ្ញុំនិយាយថា ឲ្យខ្ញុំការពារតំ បន់នេះ  ហើយបើការពារមិនបានទេ គឺអស់យើងខ្ញុំក៏មិនសុខសាន្តដែរ»។បើតាមលោកតាព្រឹទ្ធាចារ្យបានឲ្យទៀតថាតំបន់ដែលប្រជាជននាំគ្នាប្រារព្ធធ្វើនេះគឺមានទំហំធំធេងណាស់ ដែលពីដើមឡើងគ្មានអ្នកណាហា៊នចូលកាប់ព្រៃឈើនោះទេ។ 

បើអ្នកលោកតា ថាអ្នកដែលហ៊ានចូលកាប់ព្រៃឈើនៅតំបន់នេះគឺត្រូវបានស្លាប់បាត់បង់ជីវិតជាបន្តបន្ទាប់មកហើយព្រោះថានៅតំបន់នេះមានបារមីពូកែស័ក្តសិទ្ធិណាស់ក្នុងការគ្រប់គ្រងថែរក្សាការពារ។លោកតាទួន បានគូសបញ្ជាក់ថា៖«ពីដើមឡើយនៅតំបន់នេះមានឈើធំៗណាស់  ហើយ ចូលទៅកាប់នោះគឺបានស្លាប់អស់ហើយ អីញ្ចឹងបានខ្ញុំ និយាយឲ្យដឹង... ខ្ញុំមានជំនឿរណាស់ នៅតំបន់នេះគឺអ្នកដែលកាប់នៅតំបន់នេះគឺស្លាប់ព្រមៗតែម្តង។ ខ្ញុំបានប្រាប់ថាសូមកុំលូ កដៃកាប់ឲ្យសោះ តែគែមិនជឿរ បានបាត់បង់អស់ហើយ»។បើតាមឲ្យដឹងពី លោកតាថាការប្រារព្វអបិយជំនឿនេះបានធ្វើតាំងពីដូនតាមកម្ល៉េះ ហើ យតែងតែធ្វើនៅក្នុងអំឡុងមេមាឃធំ។ ការធ្វើពិធីនៅទីនេះក៏ដើម្បីចូលរួមអភិរក្សតំបន់នេះ មានទាំងព្រៃឈើ សត្វព្រៃ និងធនធានធម្មជាតិឲ្យបានគង់រង់យូរអង្វែងដល់កូន ចៅជំនាន់ ក្រោយទៀត។  ពិធីឡើយលោកតានៅតំបន់សហគមន៍ការពារធម្មជាតិជាំធ្លកត្រូវលោកតាទួន ឲ្យដឹងថាគឺ មានការលេងភ្លេងថ្វាយលោកតាម្ចាស់ទឹកម្ចាស់ដី មានគ្រឿងរណ្តាប់មួយចំនួន ដូចជា ក្បាល ជ្រូក មាន់ ស្ងោ បាយ សម្ល ស្រា ទឹកក្រូចជាដើម។  លើសពីនេះមានការលេងភ្លេងអារក្ស មានការរាំង ដើម្បីសម្តែងភាពសប្បាយ។ បើតាមការអះអាងពីលោកតាទួន ថានៅតំបន់ដែលកំពុងប្រារព្ធពិធីនេះ បើបងប្អូនណាចង់ស្តាប់ ភ្លេងបែបអារក្ស ឬភ្លេងអ្វីៗអាចទៅស្តាប់ដោយទៅសុំពីលោកតាបាន ប៉ុន្តែអ្នកដែលទៅសុំនោះ ទាល់តែមានភាពស្មោះត្រង់នោះលោកតាដែលមានបារមីពូកែស័ក្តសិទ្ធិនិងផ្តល់ឲ្យ។

ប្រជាជនដែលចូលរួមនៅក្នុងពិធីបានឲ្យដឹងថាពួកគាត់ចង់ថែរក្សាការពារធនធានធម្មជាតិនៅតបន់នេះមិនបាត់បង់នោះទេ ដោយសារតំបន់នេះអាចជួយចូលរួមចំណែកក្នុងលើកកម្ពស់ប្រជាជពលរដ្ឋតាមរយៈការដើររកធនធានធម្មជាតិ ដូចជា ជ័រ ផ្លែឈើ  ផ្សិត ...ដើម្បីយក មកលក់ទ ទួលបានថវិការផ្គត់ផ្គង់ជីវប្រចាំថ្ងៃ។លោកតាទួន ក៏ដូចជាអ្នកភូមិបានបញ្ជាក់ថា៖«ពួកយើងខ្ញុំធ្វើពិធីនេះ ក៏ដើម្បីចង់ឲ្យព្រៃឈើ យើងបានស្ថិតស្ថេរនៅគ្រប់ជំនាន់ ដល់កូនចៅជំនាន់ក្រោយ។« ...» ព្រោះជិតអស់ព្រៃហើយ អីញ្ចឹងយើងខ្ញុំសូមដល់អស់លោក ជួយថែរក្សាព្រៃឲ្យបានគង់វង្សយូរអង្វែងតទៅ»។ចំណែកលោកកែវ វិបុលប្រធានសហគមន៍តំបន់ការពារជាតិធម្មជាតិជាំធ្លកបានឲ្យដឹង ថាតំ បន់ការពារជាតិនេះមានផ្ទៃដីសរុបជាង៥ពាន់២រយហិតា។ ហើយការប្រារព្ធពិធីនៅពេលនេះគឺស្ថិតនៅក្នុងតំបន់អភិរក្ស ស្ថិតនៅក្នុងភូមិអូតាកួយ ដែលជាភូមិប្រវត្តិសាស្ត្រមួយ មាន អាយុ កាលរាប់រយឆ្នាំមកហើយ ដោយកាលពីដើមមានអ្នកភូមិមករស់នៅ ដោយមានសង់ ផ្ទះបែប អ្នកសច្ចំ ប៉ុន្តែក្រោយមកក៏ភូមិនេះរលាយបាត់ដោយឯងតែម្តង។ 

ខណៈភ្លេងអារក្សកំពុងតែលេងកំដរយ៉ាងរន្ថើនហើយមានអ្នកដែលចូលរូបរាំយ៉ាងសប្បាយ លោកកែវ វិបុលក៏បានឲ្យដឹងទៀតថានៅពេលបាត់ភូមិនេះដោយខ្លួនឯង ក្រោយមក ក៏មាន ប្រជាពលចូលទៅកាប់ព្រៃនៅតំបន់នេះ អ្នកអាក្រក់ត្រូវបានអ្នកសច្ចំបានធ្វើឲ្យឈឺ ប៉ុន្តែ អ្នកដែលមានគំនិតល្អត្រូវបានអ្នកសច្ចំឲ្យលឺភ្លេង  ឃើញពាងទឹក ទូកង និងសំភារៈមួយចំ នួនទៀត។ បើតាមលោកវិបុល បានអះអាងថានៅសព្វថ្ងៃនេះនៅតំបន់នឹងមានសត្វពស់ធំៗ  ខ្លា ដែលត្រូវ បានសច្ចំគ្រប់គ្រង ប៉ុន្តែអ្នកដែលមានគំនិតល្អនឹងបានឃើញ ប៉ុន្តែសត្វទាំងនោះមិន ធ្វើអ្វីនោះ ទេ។ លោកបានបញ្ជាក់ថា៖«នៅពេលចូលទៅបើមានការប្រមាថអ្វី នោះនឹងមានជួបបញ្ហា តែ បើអ្នកដែលក្នុងគំនិតល្អដូចជារកផ្លែឈើ  បោចវល្លិ៍ នឹងគ្មានកើតឡើយនោះទេ»។បើតាមការអះអាងពីប្រធានសហគមន៍រូបនេះបានឲ្យដឹងថានៅកន្លងមកមានអ្នកភូមិឈឺ  ដោយបានខិតខំព្យាបាលតាមវិទ្យាសាស្ត្រពេទ្យយ៉ាងណាក៏មិនជាដែរ  ប៉ុន្តែនៅពេលរកគ្រូ មើលតាមផ្លូវងងឹតត្រូវបានគេឲ្យធ្វើការអភិរក្សនៅតំបន់នេះឡើយវិញ ។

លោកវិបុល បានឲ្យដឹងថាប្រជាពលរដ្ឋបាននាំគ្នាមកធ្វើពិធីឡើងលោកតា មានរយៈពេលបីឆ្នាំ ហើយមចាប់ពីរកឃើញថាតំបន់ត្រូវតែមានការអភិរក្សឡើយវិញ។ ជាងរៀង រាល់ឆ្នាំប្រជាព លរដ្ឋរាប់រយនាក់បានប្រារព្វតំបន់នេះ។លោក កែវ វិបុលបានគូសបញ្ជាក់ថា៖«ប្រជាពលរដ្ឋគាត់បានដឹងហើយថា នៅតំបន់នេះគឺបើ បាត់បង់កន្លែងនេះពួកគាត់អត់មានសេចក្តីសុខ ។ គាត់យល់ថា ការអភិរក្សទាំងអបិយជំនឿ  អភិរក្សទាំងធនធានធម្មជាតិទឹកដីព្រៃឈើ  អភិរក្សទាំងប្រវត្តិ សាស្ត្របុរាណ  អីញ្ចឹងហើយខ្ញុំក៏ សប្បាយជាមួយចាស់ព្រឹទ្ធាចារ្យ»។បើតាមការអះអាងពីលោកប្រធានសហគមន៍ថាការធ្វើពិធីក៏បានបង្ហាញថាប្រជាពលរដ្ឋមានការយល់ដឹង និងដឹងថាតំបន់នេះជាតំបន់អភិរក្សដោយគ្មានអ្នកណាអាចមកធ្វើការទន្ទ្រានយក នោះទេ៕

ដោយ៖ ប៊ុនរិទ្ធ