AKP ភ្នំពេញ ថ្ងៃទី១១ ខែកុម្ភៈ ឆ្នាំ២០២៥--គណៈប្រតិភូគណៈកម្មការសិទ្ធិមនុស្ស ទទួលពាក្យបណ្ដឹងនិងអង្កេត និងអធិការកិច្ច នៃរដ្ឋសភា (គណៈកម្មការទី១) ដឹកនាំដោយឯកឧត្តម សរ ចំរុង ប្រធានគណៈកម្មការនិងមន្ត្រី ជំនាញពាក់ព័ន្ធវិស័យទទួលបន្ទុករបស់គណៈកម្មការដើម្បីស្វែងយល់អំពីវឌ្ឍនភាពការងារ និងយន្តការដោះស្រាយទំនាស់ដីធ្លីរបស់អាជ្ញាធរខេត្ត នៅសាលប្រជុំសាលាខេត្តពោធិ៍សាត់។ 

នៅក្នុងជំនួបកិច្ចពិភាក្សាការងារកាលពីថ្ងៃទី១០ ខែកុម្ភៈ ឆ្នាំ២០២៥ដោយមានការចូលរួមពី ឯកឧត្តម ទី ថានី តំណាងរាស្ត្រមណ្ឌលខេត្តពោធិ៍សាត់ ឯកឧត្តម ម៉ក់ រ៉ា ប្រធានក្រុមប្រឹក្សាខេត្ត ពោធិ៍សាត់ និងឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ ឯកឧត្តម សរ ចំរុង គូសបញ្ជាក់អំពីតួនាទីសំខាន់ៗរបស់រដ្ឋសភារួមមាន៖ ១-ការងារអនុម័តច្បាប់ ២-ការងារតាមដានការអនុវត្តន៍ច្បាប់ និង៣-ការងារភាពជាអ្នកតំណាង ។ ម្យ៉ាងវិញទៀត ឯកឧត្តមបានលើកឡើងអំពីតួនាទីរបស់គណៈកម្មការទី១នៃរដ្ឋសភា និងសកម្មភាពការងារ ដែរគណៈកម្មការបានអនុវត្តកន្លងមក គឺចុះតាមដានអង្កេត និងស្វែងយល់អំពីការគោរពសិទ្ធិ មនុស្សនៅកម្ពុជា នៅតាមក្រសួង-ស្ថាប័ន ក្នុងការអនុវត្តន៍ឱ្យបានសមស្រប តាមរដ្ឋធម្មនុញ្ញនៃព្រះរាជាណាចក្រកម្ពុជា និងសេចក្តីប្រកាសជាសកលស្តីពីសិទ្ធិមនុស្ស ព្រមទាំងរាល់លិខិតបទដ្ឋានគតិយុត្តិជាតិ និងអន្តរជាតិនានា ដែលពាក់ព័ន្ធក្នុងវិស័យសិទ្ធិមនុស្ស ។ 

ទន្ទឹមនេះដែរ គណៈកម្មការបានចុះជួបជាមួយអាជ្ញាធរថ្នាក់ក្រោមជាតិ ដើម្បីតាមដានការអនុវ ត្តន៍ច្បាប់ និងស្វែងយល់អំពីវឌ្ឍនភាពការងាររបស់អាជ្ញាធរថ្នាក់ក្រោមជាតិ តាមកម្មវិធីនយោ បាយថ្នាក់ជាតិ ។ គណៈកម្មការមានយន្តការសម្របសម្រួល ឬធ្វើអន្តរាគមន៍ទៅក្រសួង ស្ថាប័ន ឬអាជ្ញាធរពាក់ព័ន្ធនានា ដើម្បីពិនិត្យដោះស្រាយទៅតាមសមត្ថកិច្ចជូនម្ចាស់បណ្ដឹង តាមរយៈប្រ ធានរដ្ឋសភា ។ 

ឯកឧត្តមបានមានប្រសាសន៍បន្តទៀតថា ក្នុងអាណត្តិទី៧នៃរដ្ឋសភា គណៈកម្មាធិ ការ អចិ ន្ត្រៃយ៍បានប្រគល់ភារកិច្ចជូនគណៈកម្មការ ដើម្បីពិនិត្យសិក្សាសេចក្តីព្រាងច្បាប់ពាក់ព័ន្ធនឹង វិស័យសិទ្ធិមនុស្សបានចំនួន ២ច្បាប់ គឺ ១.ច្បាប់ស្តីពីការអនុម័តយល់ព្រមឱ្យព្រះរាជាណាចក្រកម្ពុជា ចូលជាភាគី នៃពិធីសារបន្ថែមនៃអនុសញ្ញា ស្តីពីការប្រឆាំងការធ្វើទារុណកម្ម អំពើឃោរឃៅ អំពើ អមនុស្សធម៌ អំពើធ្វើទុក្ខបុកម្នេញ ឬទណ្ឌកម្ម។ នៅក្នុងឆ្នាំ២០២៥ ចាប់ពីខែមករា ដល់ខែកុម្ភៈ គណៈកម្មការបានទទួលពាក្យបណ្តឹងចំនួន ៤រឿង តម្កល់ទុកឥតចាត់ការចំនួន ៣រឿង កំពុងពិនិត្យចំនួន ១រឿង និងលិខិតឆ្លើយតបពីក្រសួង ស្ថាប័នពាក់ព័ន្ធបានចំនួន ២រឿង។ 

ឯកឧត្តម ខូយ រីដា បានធ្វើរបាយការណ៍សង្ខេបជូនគណៈប្រតិភូអំពីវិស័យជំនាញពាក់ព័ន្ធ នឹងសមត្ថកិច្ចរបស់គណៈកម្មការទី១ នៃរដ្ឋសភា រួមមាន៖-ការងារផ្សព្វផ្សាយច្បាប់ នៅតាមមូលដ្ឋាន ចុះផ្សព្វផ្សាយច្បាប់ ស្តីពីការត្រួតពិនិត្យ  គ្រឿងញៀន និងការណែនាំហាម ប្រើប្រាស់បារីអេឡិចត្រូនិច ទៅមូលដ្ឋានបានចំនួន ១០ លើក។

 -ចុះធ្វើវេទិកាសាធារណៈ ស្តីពីការផ្តល់សេវាសាធារណៈនៅស្រុកចំនួន ០២ លើក។ -ចុះអំពីច្បាប់ភូមិបាលនៅស្រុកភ្នំក្រវាញ និងស្រុកវាលវែង។

 -បានទទួលពាក្យបណ្ដឹងពីក្រសួងអធិការកិច្ច ចំនួន ០១ ករណី ពាក់ព័ន្ធវិវាទដីធ្លីចំណុច ផ្សារប្រម៉ោយ នៅភូមិប្រម៉ោយ ឃុំប្រម៉ោយ ស្រុកវាលវែង ខេត្តពោធិ៍សាត់។ -ចុះធ្វើអធិការកិច្ចលើការគ្រប់គ្រងការផ្តល់សេវារដ្ឋបាលនៅ អង្គភាព-ការិយាល័យច្រក ចេញចូលតែមួយ និងការអនុវត្តការសាងសង់ ជួសជុល ថែទាំផ្លូវថ្នល់នៅរដ្ឋបាលខេត្ត រដ្ឋបាលក្រុង ស្រុក និងអង្គភាពពាក់ព័ន្ធក្នុងការិយបរិច្ឆេទ២០២៣ និងបណ្តាឆ្នាំពាក់ព័ន្ធបានចំនួន ០៨ អង្គភាព។ 

បន្ទាប់ពីបានស្តាប់របាយការណ៍របស់ខេត្ត ឯកឧត្តម សរ ចំរុង បានថ្លែងអំណរគុណ និងកោត សរសើរចំពោះរដ្ឋបាលខេត្ត ដែលជានិច្ចកាលបានយកចិត្តទុកដាក់ក្នុងការបម្រើសេវា និងខិត ខំដោះស្រាយរាល់ការលំបាកជូនប្រជាពលរដ្ឋ ដោយឈរលើគោលការណ៍ច្បាប់ និងភាពសុខ ដុមរមនា។ ឯកឧត្តមបានបន្តថា គណៈកម្មការក៏បានកត់សម្គាល់លើបញ្ហាប្រឈមទាំងអស់របស់ខេត្ត និងទទួលយកសំណើដែលខេត្តបានលើកឡើង យកទៅជម្រាបជូន សម្តេចមហារដ្ឋសភាធិកា រធិបតី ឃួន សុដារី ប្រធានរដ្ឋសភា ដើម្បីជួយធ្វើអន្តរាគមន៍ និងដោះស្រាយតាមនីតិវិធី របស់រដ្ឋសភា៕

ដោយ៖ប៊ុនរិទ្ធ