AKP ភ្នំពេញ ថ្ងៃទី១៥ ខែមករា ឆ្នាំ២០២៥ -- ទីភ្នាក់ងារសារព័ត៌មានរដ្ឋAndina បាននិយាយថា យ៉ាងហោចណាស់កម្មករ ១៧នាក់ត្រូវបានជាប់នៅក្នុងអណ្តូងរ៉ែមាសតូចមួយនៅភាគពាយព្យនៃតំបន់ La Libertad របស់ប្រទេសប៉េរូ បន្ទាប់ពីអ្នករុករករ៉ែខុសច្បាប់មួយក្រុមបានវាយប្រហារ         អណ្តូងរ៉ែ។

យោងតាមប្រព័ន្ធផ្សព្វផ្សាយក្នុងស្រុក បានឱ្យដឹងថា អ្នករុករករ៉ែខុសច្បាប់បានបំផ្ទុះប៉មនៅអណ្តូងរ៉ែដែលបណ្តាលឱ្យវាដួលរលំ។ ក្រុមអ្នកជួយសង្គ្រោះបានដាក់ពង្រាយឧបករណ៍ដើម្បីអនុវត្តន៍ប្រតិបត្តិការជួយសង្គ្រោះ។ បច្ចុប្បន្ននេះ អ្នករុករករ៉ែទាំង ១៧នាក់ដែលបាត់ខ្លួនមិនទាន់ត្រូវបានរកឃើញទេ។

ប្រទេសប៉េរូសម្បូរទៅដោយមាស ប្រាក់ ទង់ដែង និងធនធានរ៉ែផ្សេងៗទៀត។ រដ្ឋាភិបាល​ប៉េរូ​បាន​នឹង​កំពុង​ធ្វើ​ការ​ដើម្បី​បង្ក្រាប​សកម្មភាព​រុករក​រ៉ែ​ខុស​ច្បាប់៕

ដោយ៖ មូល មិនា (ប្រភព៖ ស៊ីនហួ)