AKP ភ្នំពេញ ថ្ងៃទី០២ ខែមករា ឆ្នាំ២០២៥ -- អាជ្ញាធរកូរ៉េខាងត្បូងបានប្រកាសកាលពីថ្ងៃពុធថា ជនរងគ្រោះទាំង ១៧៩នាក់នៃឧប្បត្តិហេតុធ្លាក់យន្តហោះក្រុមហ៊ុនអាកាសចរណ៍ Jeju Air ត្រូវបានគេកំណត់អត្តសញ្ញាណក្នុងរយៈពេល ៤ថ្ងៃបន្ទាប់ពីឧបទ្ទវហេតុដ៏សោកនាដកម្មនេះ។

ទីស្នាក់ការកណ្តាលប្រឆាំងគ្រោះមហន្តរាយ និងសុវត្ថិភាពបានបញ្ជាក់ពីអត្តសញ្ញាណជនរងគ្រោះ ៥នាក់ចុងក្រោយដែលមិនត្រូវបានកំណត់អត្តសញ្ញាណពីមុនមក។

កាលពីថ្ងៃអាទិត្យ ក្រុមហ៊ុនអាកាសចរណ៍ Jeju Air បានដឹកមនុស្សចំនួន ១៨១នាក់រួមទាំងសមាជិកនាវិក ៦នាក់ បានធ្លាក់ចូលទៅបុកជញ្ជាំងមួយ។ ឧបទ្ទវហេតុធ្លាក់យន្តហោះនេះបានឆក់យកជីវិតអ្នកដំណើរចំនួន១៧៩នាក់ ដោយបន្សល់ទុកតែ ២នាក់ប៉ុណ្ណោះដែលនៅរស់រានមានជីវិត គឺអ្នកបម្រើលើយន្តហោះទាំងពីរនាក់៕

ដោយ៖ មូល មិនា (ប្រភព៖ យ៉ុនហាប់)